خەبات: هاوار مورتكەیی:- بەمەبەستی ئەنجامدانی سەربازگەیەكی مەشق و راهێنان، شاندی هەڵبژاردەی تۆپی پێی عێراق بەسەرۆكایەتی ئەحمەد كۆچەر بەرەوە وڵاتی ئیسپانیا بەڕێكەوت و بڕیارە لەوێ راهێنەری تازە دیك ئەدڤۆكاتی هۆڵەندی ئەركی ئەو هەڵبژاردەیە لە پاڵاوتنەكانی كۆتاییەكانی جامی جیهانی قەتەرە 2022 لە ئەستۆ بگریت و بڕیاریشە ئەو راهێنەرە لە ئیسپانیا پەیوەندییان پێوە بكات.

یارییە دۆستانەكان
ئەحمەد كۆچەر سەرۆكی شاندی هەڵبژاردەی تۆپی پێی عێراق كە كورده بەر لەگەشتەكەیان بۆ ئیسپانی لە لێدوانێكی تایبەتی بۆ رۆژنامەی خەبات‌ ئاماژەی بەوردەكاری ئەو گەشتە كرد و گوتی: كاتژمێر 2ی دوای نیوەرۆی یەكشەممە 8/8/2021 لە رێگای فرۆكەیەكی تایبەتی هێلی ئاسمانی عێراقییەوە بەرەو ئیسپانیا بەڕێكەوت، هەروەها سەرۆكی شاندەكە ئەوەشی گوت كە شاندی هەڵبژاردەی عێراق لەوێ سەربازگەیەكی مەشق و راهێنان بەسەرپەرشتی راهێنەری تازە ئەنجام دەدات و تا ئێستا دیاری نەكراوە كە یارییە دۆستانەكان لەگەڵ چ یانە و هەڵبژاردەیەك‌ ئەنجام دەبیت، چونكە ئەوە دەگەڕێتەوە بۆ دوابڕیاری خوودی راهێنەر، بەڵام لەبەرنامەدایە كە دوو تا سێ یاریی دۆستانە لەگەڵ یەك لە یانە دیارەكانی ئیسپانیا ئەنجام بدات و هەروەها لەگەڵ هەڵبژاردەیەكیش.

دوو یاریزانی كورد
دواتر ئەحمەد كۆچەر سەرۆكی شاندی هەڵبژاردەی تۆپی پێی عێراق تەنها یەك یاریزانی كوردی تێدایە ئەویش شێركۆ كەریم، بەڵام زانیاریی پشت راست نەكراوە هەیە كە ئەو راهێنەرە بەئاستی ژیلوان حەمەد كە لە خولی سویدی یاری دەكات سەرسامە و پێدەچێت بۆ ئیسپانیا بانگی بكات، ئەوەی زۆر گرنگە ئەدڤۆكاتی راهێنەر شارەزاییەكی تەواوی لەسەر یاریزانەكانی عێراقی هەیە و ئەمەش ئاسانكاری بۆ دەبێت لە دەستنیشانكردنی لیستی كۆتایی هەڵبژاردەكه، بەڵام دەمەوێ ئاماژە بەوەش بدەم‌ پێناچێت تەواوی یاریزانەكانی دەستنیشانكراون بتوانن پەیوەندی بەو سەربازگەیەوە بكەن چونكە ژمارەیەك یاریزان ئیلتیزامی یانەكان هەیە لەم كاتەدا.

پێكهاتەی سەرەتایی
جێی یاسە شاندی هەڵبژاردەی عێراق بۆ ئیسپانیا لەم یاریزانانه:
*گۆڵچی: جەلال حەسەن، محەمەد حەمید، فەهد تاڵب. بەرگری: ئەحمەد ئیبراهیم، سەعد ناتق، مەیسەم جەبار، عەلی فائز، كەڕار عامر، عەلا مەهاوی، زەرخام ئیسماعیل، عەلی عەدنان.
*ناوەڕاست: ئەمجەد عەتوان، محەمەد قاسم، هەمام تارق، ئیبراهیم بایش، شەریف عەبدولكازم، خوسێن عەلی، سەجاد جاسم، بەسام شامرد.
*هێلی هیرش بردن: شێركۆ كەریم، محەمەد داود، مهەنەد عەلی، عەلا عەبدولزەهرە، مهەنەد عەبدولرەحیم.

بابه‌تی تر

وەک چۆن پێویستە لە هەڵەی کەسێک فێربین ئاواش گرنگە سەرکەوتنەکانی کەسێک بەرز بنرخێنین

فەرحان جەوهەر ناونیشانی سەرەوەی ئەم وتارە، پەرەگڕافی کۆتایی وتارێکی نێچیرڤان بارزانی سەرۆک…