خەبات: هاوار مورتكەیی:- ئیڤگینیا تۆرۆپتسیڤا Toroptseva Evgeniya كچە شەترەنجزانێكی بەتوانای وڵاتی ئۆكرانیایە، تەمەنی تەنها 11 ساڵە و لەمسێ ئاستی تەمەنی جیاوازدا توانیویەتی پلەی دووە‌می وڵاتی ئۆكرانیا بەدەستبهینێت، لە دیمانەیەكی لاپەڕەی وەرزشی رۆژنامەی خەبات ئاماژە بۆ ئەوەدەكات كە خەونی گەورەی ئەو بەدەستهێنانی ناسناوی ئافرەتانی جیهانە.

دەرفەتی زۆری لەپێشە
ئیڤگینا كە لە ساڵی 2010 لە شاری كیێڤ لەدایك بووە لەسەرەتادا دەڵێت: هەر زوو دایكم و برایەكەم فێری ئەو یارییەیان كردم، كە فێریش بوو هەموو ئاواتم ئەوبوو لە برایەكەم ببەمەوە، دواجار لەتەمەنی 6 ساڵیدا بەرەسمی بەشداری پاڵەوانێتی شەترەنجم كرد، هەروەها گوتی: هێشتا لەرووی شارەزاییەوە نەگەیشتووم بەوەی پێویستە، بەڵام دەرفەتی زۆرم لەپێشە و وەك سەرەتایەكیش باشم دەستپێكردووە، لە ئاستی تەمەنەكانی خوار 8 و 10 و 12 لە یاری كلاسیك توانیومە پلەی دووەم لە پاڵەوانێتیی سەر ئاستی ئۆكرانیا بەدەستبهێنم.

بێئومێد نابم
دواتر ئیڤگینیا تۆرۆپتسیڤا لەبارەی شەترەنج و خەونی داهاتووی گوتی: شەترەنج یارییەكی زۆر بەسوود و گرنگە، بەتایبەتیش بۆ گەشەی مێشك، لەشەترەنجدا كاتێك دەبەمەوە خۆم بە لێهاتوو دەزانم بەڵام كە دەدۆڕێنم بەپێچەوانەوە، بەڵام ئەوەی من دەمەوێت یاریكردنی شەترەنج، بەگشتی شەترەنج جیهانێكی جیاوازە و شەترەنجیش جیهانی منە، هەروەها گوتی: تا ئێستا ئەوەی ویستوومە بۆم نەڕەخساوە، بەڵام بێئومیدیش نیمە و هەوڵ دەدەم ئەوەی مەبەستە پێی بگەم، خەونی منیش ئەوەیە لە داهاتوویەكی نزیكدا ببمە پاڵەوانی ئافرەتانی جیهانی.

بابه‌تی تر

رۆناڵدۆ: هیچ شتێك ئەستەم نییە و تاكۆتایی دەجەنگین

خەبات: هاوکار کەلهوڕی:- دوای بەرامبەربوونیان لە بەرامبەر یانەی چیڵسی بە گۆڵێك بۆ هەردوولا،…