سه‌ره‌تا kurdistanî Seroka firaksiyona PDKê hişyarî da: Tirsa wê heye rewşa Iraqê aloztir bibe!

Seroka firaksiyona PDKê hişyarî da: Tirsa wê heye rewşa Iraqê aloztir bibe!

2 min read
0
81

Seroka firkasiyona PDKê li parlementoya Iraqê hişyarî da û ragihand, tirsa wê heye rewşa Iraqê aloztir bibe ji ber ku şîe nikarin kesekî bo posta serokwezîrtiyê destnîşan bikin.

Parlementera kurd û seroka firaksiyona PDKê li parlementoya Iraqê, Viyan Sebrî ji BasNewsê re got, mohleta qanûnî ya destnîşankirina serokwezîrê nû yê Iraqê sibê xilas dibe lê heta niha şirîkên hikûmetê nekarîn kesekî destnîşan bikin.

Viyan Sebrî her wiha got, tirsa wê heye rewşa Iraqê aloztir bibe ji ber nakokiyên şîeyan di destnîşankirina kesekî de bo posta serokwezîrtiyê. Şîe bûne du alî. Aliyek tifaqa Saîrûn e û aliyê din jî ji firaksiyonên Feth-Dewleta Qanûn-Îrade û Kefae pêk hatiye.

Wê parlementera kurd da zanîn, aliyê girêdayî Dewleta Qanûn kesekî bi navê Mihemed Şiya Sûdanî wek kandîdê xwe destnîşan kirine lê heta niha bi fermî nehatiye ragihandin.

Piştî ku serokwezîrê Iraqê Adil Ebdulmehdî dest ji kar berdabû, parlementoyê 15 roj mohlet dabû serokomarê Iraqê da ku kesekî nû li şûna wî destnîşan bike.

Bêtir

Leave a Reply

Your email address will not be published. Required fields are marked *

Bêtir

Ji Serokwezîr Mesrûr Barzanî peyama sersaxiyê bo gelê Kuwêtê

Mesrûr Barzanî, Serokwezîrê Herêma Kurdistanê ji ber koça dawî ya Mîrê Kuwêtê Sebah El Ehm…