74ساڵ مێژوو و ئایندە 16 ئاب یادێكی مەزن و گرنگ

142

عەبدوڵڵا سێوكانی
16ی ئاب ڕۆژی سەرهەڵدانی نیشتمانی و نەتەوەیی و هەوێنی بەرهەمهێنانی مێژوویەكی پڕشنگداری سودبەخش و دەركەوتنی ئاسۆ و دروستبوونی هیوای میللەتێك و داگیرساندنی ژیلەمۆی كوردایەتی و بەگژداچوونەوەی زوڵم و زۆرداری و ژێردەستەیی.

16ی ئاب یادێكی گرنگە، لەم یادەدا ئاڕاستەی مێژوو گۆڕا و ڕەوتی مێژوو بەرەو لوتكە ڕێگای گرتەبەر لە پێناو دۆزی ڕەوای گەلی كوردستان، ئەوكات نەتەوەی كورد بە چنگ دەرئەنجامەكانی دوای جەنگی دووەمی جیهانییەوە دەتلایەوە، ئەو وەختە شوێن پێی هاوپەیمانییەتی دەولی لە ناوچەكەدا، كە كورد لەسەر ڕووپەڕەكەی شوێنێكی بۆ خۆی شك نەدەبرد، لەم كاتەدا پارتی دیموكڕاتی كوردستان بە ڕابەرایەتی بارزانیی نەمر، وەك فریادڕەسێك دامەزرا.

دامەزراندنی پارتی وەچەرخانێكی گەورە بوو لە مێژووی بزووتنەوەی ڕزگاریخوازیی گەلی كوردستان و لەجێگەی نائومێدی هیوایەكی گەورەی بەخشی بەنەتەوەی كورد و مژدەی سەركەوتنی پێ ناساندینەوە، بوو بە مەشخەڵ و قەڵخانێك بۆ ڕەدی غەدری مێژوو وغەدری دوژمنان وهێزە گەورەكانی پێدرایەوە، كە سەیری مێژووی پڕسەروەری پارتی دیموكڕاتی كوردستان بكەین بۆمان دەردەكەوێت ئەم حزبە لە خەباتی بەردەوامیدا لە چەندین وێستگەی گرنگی مێژوویی و خوێناویدا گوزەری كردووە، لەهەموو قۆناغەكاندا قوربانی گرانبەهای داوە و هەمیشە لەلایەن نەیارانی بەهەموو شێوەیەك هەوڵیانداوە كۆسپ و ئاستەنگ لەبەردەم تێكۆشانی حەق و ڕاستی ئەم حزبە دروست بكەن، بەڵام بەحیكمەت و لێهاتوویی جەنابی سەرۆك بارزانی و بەئازایەتی و ئیرادەیەكی بەهێز بەسەر ئەو هەموو پیلان و كێشە و تەنگ و چەڵەمەیە سەركەوتوو پیلانەكانیان بوونە بڵقی سەرئاو و فەشەلیان پێهاتن، كاریزمای جەنابی سەرۆك بارزانی هەروەك چۆن لە ڕابردوو و ئێستادا كاریگەری هەبووە.

بەدڵنیاییەوە لەداهاتووشدا كاریگەری زیاتری خۆی دەبێت لەدەربازكردنی گەلی كوردستان لەڕووداو و قۆناغە سەختەكان و بۆ گەیشتن بەلوتكەی سەرفرازی و كەناری ئارامی، چونكه ژیانی نەتەوەیەكی بەش بەش و غەدرلێكراوی وەك كورد، ژیانێكی پڕ بەهایە و بۆ سەركردایەتی سیاسیی كوردیش گیانێكی پڕ لە مەسئولیەتی دەوێت، ئەم ژیانە بە پارتی و ڕێبازی بارزانی گرێ دراوە، هەڵوێستەكانی جەنابی سەرۆك و پارتیمان دەربارەی دۆزی كورد و جوگرافیای كوردستان جێگەی فەخر و شانازی و سەركەوتنمانە، دوای 74 ساڵ لە دامەزراندنی پارتی و دوای ڕووخاندنی كۆماری كوردستان، وێستگەیەكی گرنگ و مێژوویی بۆ گەلی كورد هاتە پێش و دەرفەت و زەمینەیەكی زۆرباشی بۆ ڕەخسا، جەنابی سەرۆك بوو بە سەركێش و ڕەمزی ڕیفراندۆم و توانی ئەو دەرفەتە گەورە و مێژووییە بۆ كورد بەدەستبهێنێت و لە پڕۆسەیەكی ئازاد و دیموكڕاتیانەدا بەگوێی دونیایدادا كە گەلی كورد ویستی سەربەخۆیی هەیە و ڕیفراندۆمی سەربەخۆیی ئەنجامدا بەشێوەیەكی ئاشتیانە و دوور لەتوندوتیژی كە ماف و حەقێكی ڕەوای میللەتانە، ئەم دەستكەوت و سەروەرییە مەزنە لە ئێستا و داهاتوودا بووە بە چەكێكی كاریگەر و تاپۆیەكی ڕەش بەدەستی گەلی كوردەوە، هەر ئەو خەبات و مێژووە پڕشنگدارەیە كە پارتی كردووە بە سەنگێک لە مەیدانی كاری سیاسیدا كە وەك حزبێكی باڵای گرنگ و خاوەن بڕیار لەسەرئاستی ناوخۆ و دەرەوە حیسابی لەسەر دەكرێت. لەم یادە بە خوێندنەوەی مێژوو بۆمان دەردەكەوێت لەسەر ئەرزی واقیع ئایندەی گەلی كورد لە دەستێكی ئەمین دایە، لە دەستێكی كۆڵنەدەر و ماندوونەناس و موساوەمە نەكردن لەسەر مافە نەتەوایەتییەكانی گەلەكەمان. لەم یادەدا سڵاو لەگیانی پاكی بارزانیی نەمر و دامەزڕێنەر و سیمبولی خەبات و تێكۆشانی گەلەكەمان و سەرجەم شەهیدانی ڕێگای بزووتنەوەی ڕزگاریخوازیی گەلی كورد.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

بانوو هۆشیار: ئێستا لە هونەری میوزیک دەرفەتی زۆر باش بۆ ئافرەتان هەیه

خەبات: پەریهان عومەر:- بانوو ھۆشیار بکر لە دایکبووی ساڵی ١٩٩٣ ی شاری سلێمانیە، دەرچووی پەی…