ئەو نەخۆشەی‮ ‬لە كۆرۆنا رزگاری‮ ‬بووە قسە بۆ میدیاكان دەكات

0
67

خەبات‮: ‬سلێمانی
هاوكار رەشید كە‮ ‬یەكێكە لەو گەنجە چالاكوانانەی‮ ‬لە كاتی‮ ‬قەدەغەی‮ ‬هاتوچۆدا لەگەڵ كۆمەڵێك هاوەڵیدا سەرقاڵی‮ ‬ئەنجامدانی‮ ‬كاری‮ ‬خێرخوازی‮ ‬بوون بۆ دابەشكردنی‮ ‬یارمەتی‮ ‬و هاوكاری‮ ‬بەسەر لێقەوماواندا،‮ ‬بەتایبەت لەو ماوەیەدا كە هەندێك لە هاووڵاتیان بەهۆی‮ ‬داخستنی‮ ‬بازاڕ‮ ‬و دووكانەكانەوە بێكارمابوونەوە و نانی‮ ‬رۆژانەیان بە ئەستەم دەستدەكەوت‮.‬
هەر لە سەرەتای‮ ‬بڵاو بوونەوەی‮ ‬ڤایرۆسەكە لە شاری‮ ‬وهانی‮ ‬چین،‮ ‬ئەم گەنجە دەست دەكات بە بڵاوكردنەوەی‮ ‬زانیاری‮ ‬لەسەر ڤایرۆسەكە و ئەو راپۆرتە جیهانیانەی‮ ‬لە تۆڕی‮ ‬كۆمەڵایەتی‮ ‬فەیسبووك لە هەژمارەكەی‮ ‬خۆی‮ ‬بڵاو دەكاتەوە و رێنماییە تەندروستییە جیهانییەكانی‮ ‬وەردەگێڕایە سەر زمانی‮ ‬كوردی‮ ‬و بڵاوی‮ ‬دەكردنەوە‮.‬
هاوكار وەك خۆی‮ ‬دەڵێت رۆژێك پۆستێكی‮ ‬كردووەو داوای‮ ‬كردووە كە هەموو خەڵك خۆیان بپارێزن،‮ ‬چونكە ئەو ڤایرۆسە بگاتە هەرێمی‮ ‬كوردستان ئەوا ئەم دووهەم كەس دەبێت دەیگرێت‮. ‬
چوار مانگ بەسەر ئەو پۆستەی‮ ‬فەیسبووكیدا تێپەڕ‮ ‬دەبێت،‮ ‬درەنگانێكی‮ ‬شەو هاوكار هەست دەكات قورگی‮ ‬دەكزێتەوەو لوتی‮ ‬دەخورێت،‮ ‬گومان دەكات كە تووشی‮ ‬پەتاكەبووبێت،‮ ‬دەستبەجێ تەلەفۆن دەكات بۆ هاوەڵێكی‮ ‬و تێستی‮ ‬ڤایرۆسی‮ ‬كۆرۆنای‮ ‬نوێ بۆ خۆی‮ ‬ئەنجام دەدات‮. ‬بۆ سبەی‮ ‬شەو لە‮ ‬یەكی‮ ‬حوزەیراندا ئەنجامەكەی‮ ‬دێتەوەو دەردەچێت كە پۆزەتیڤە و تووشی‮ ‬پەتای‮ ‬جیهانی‮ ‬كۆرۆنای‮ ‬نوێ بووە‮.‬
‮ ‬ئێستا زیاتر لە دوو هەفتە بەسەر تووشبوونی‮ ‬هاوكاردا تێپەڕیوە،‮ ‬بۆ گواستنەوەی‮ ‬چیرۆكی‮ ‬توشبوونەكەی‮ ‬هاوكار و چۆنیەتی‮ ‬چاكبوونەوەی،‮ ‬سەردانی‮ ‬ناوبراومان كرد لە ماڵەكەی‮ ‬خۆی‮ ‬لەگەڕەكی‮ ‬ئاشتی‮ ‬شاری‮ ‬سلێمانی‮.‬
هاوكار باس لە ژیانی‮ ‬رۆژانەی‮ ‬خۆی‮ ‬دەكات لە كونجی‮ ‬ژوورێكداو دەڵێت‮: ‬ناوبەناو پەنجەرەی‮ ‬ژوورەكەم دەكردەوە و سەیرێكی‮ ‬دەرەوەم دەكرد و هەواگۆڕكێی‮ ‬ژوورەكەم دەكرد‮. ‬بۆ نان خواردن دەهاتمە مەتبەخ و لەوێ لە قاپ و كەوچكی‮ ‬جیاكراوەدا نانەكەم دەخوارد و دواتر سەرجەمیان بە ئامێری‮ ‬شوشتنی‮ ‬قاپ و قاچاخ پاكژ دەكرانەوە،‮ ‬چونكە پلەی‮ ‬گەرماكەی‮ ‬دەگاتە نزیكەی‮ ‬70 پلەی‮ ‬سەدی‮ ‬و هەر ڤایرۆسێك هەبێت دەیكوژێت‮. ‬
هاوكات بەدرێژایی‮ ‬ئەو ماوەیە كە ئامادەنەبووە بچێتە نەخۆشخانە و كونجی‮ ‬ماڵەوەی‮ ‬هەڵبژاردبوو بۆ ئەوەی‮ ‬چاكبێتەوە،‮ ‬بەردەوام لەلایەن چەند دكتۆرێكەوە رێنمایی‮ ‬تەندروستی‮ ‬كراوە لەوانە بەڕێوەبەری‮ ‬گشتی‮ ‬تەندروستی‮ ‬سلێمانی‮ ‬د.سەباح هەورامی‮ ‬و د‮. ‬هادی‮ ‬عەلی‮.‬
هاوكار سەبارەت بەوەی‮ ‬كە چی‮ ‬جۆرە دەرمانێكی‮ ‬بەكارهێناوە بە،‮ ‬رێنمایی‮ ‬پزیشەكان‮ ‬یاخود بۆ زیاتر باش بوونی‮ ‬رەوشی‮ ‬تێكچووی‮ ‬تەندروستیی‮ ‬دەڵێت‮: ‬جگە لە شروبێك و دەستەیەك پاراسیتۆڵ بۆ نەهێشتنی‮ ‬ئازار،‮ ‬هیچ دەرمانێكم بەكارنەهێنا،‮ ‬ئەمیش لەژێر رێنمایی‮ ‬دكتۆر هادیدا بەكارم هێنا،‮ ‬هەر ئەوە بوو‮. ‬بەردەوام ڤیتامینەكانم بەكاردەهێنا‮. ‬ڤیتامین سی،‮ ‬دی،‮ ‬بی‮ ‬12.2، جگە لەوانە بەردەوام پرتەقاڵ و لیمۆ و ئاوی‮ ‬نەعنا و زەنجەفیل و سیرم دەكرد بە عەسارەداو گیراوەیەكم لێدروست دەكرد ئێواران و بەیانیان‮ ‬دەمخواردەوە‮. ‬هاوكات سوپێكی‮ ‬سەوزەم دروست كردبوو خۆم لە زۆرێك لە سەوزەكان كە تێكەڵم كردبوو،‮ ‬خۆم دروست دەكرد و دەمخوارد‮. ‬هەمو رۆژێك قاپێك دوو قاقم دەخوارد‮.‬
نیشانەكانی‮ ‬نەخۆشیەكەلە مندا جیاوازبوو كۆكەو پژمەی‮ ‬زۆرم نەبوو
سەبارەت بە نیشانەكانی‮ ‬نەخۆشیەكە،‮ ‬هاوكار باس لەوە دەكات كە ئەو پژمەو كۆكەی‮ ‬نەبووە،‮ ‬تەنیا قورگ ئێشە،‮ ‬سەر ئێشە،‮ ‬داهێزرانی‮ ‬جەستەی،‮ ‬ئازاری‮ ‬ماسولكە لە شان و پشتدا،‮ ‬سنگ ئێشە و بۆ ماوەی‮ ‬3-4 رۆژیش هەستی‮ ‬تام و بۆن كردنی‮ ‬لەدەست داوە‮. ‬بۆ ئەمەش بەردەوام رۆحی‮ ‬نەعنای‮ ‬خستۆتە ناو ئاوی‮ ‬كەتری‮ ‬و گەرمی‮ ‬كردووە و هەڵمەكەی‮ ‬هەڵمژیەوە كە ئەمەش قورگ و سنگی‮ ‬پاك كردۆتەوە و هەستی‮ ‬پێكردووە‮.‬
بۆ ئەوەی‮ ‬بەرگری‮ ‬لەشم دانەبەزێ خۆم لە تەلەڤیزیۆن و تۆڕی‮ ‬كۆمەڵایەتی‮ ‬دوورخستەوە
هاوكار باس لەوە دەكات كە شەڕی‮ ‬ڤایرۆسەكە لەگەڵ مرۆڤدا وەك زۆرانبازی‮ ‬وایە،‮ ‬هەركاتێك تۆ لاواز بیت ئەو لەوكاتەدا لێت دەدات و دەڵێت‮: ‬بۆی‮ ‬هەرشتێك هەستم بكردایە بەرگریم لاواز دەكات راستەوخۆ لێی‮ ‬دوور دەكەوتمەوە،‮ ‬بۆ نموونە ئەو راپۆرتانەی‮ ‬باسیان لە مردنی‮ ‬تووشبووانی‮ ‬كۆرۆنا دەكرد،‮ ‬یان باسیان لە مانەوەی‮ ‬كاریگەرییەكانی‮ ‬كۆرۆنا دەكرد لەدوای‮ ‬چاك بوونەوە،‮ ‬هەموو ئەمانە ترسی‮ ‬لا دروست دەكرم و نەخۆشییەكە هەستم دەكرد هێرشی‮ ‬بۆ دەهێنامەوە‮. ‬بۆیە ناچار هەموو تۆڕەكۆمەڵایەتییەكانم وەلا ناو هەرگیز سەیری‮ ‬كەناڵەكانی‮ ‬راگەیاندنم نەدەكرد،‮ ‬باشتر وایە فەیسبووك و تۆری‮ ‬كۆمەڵایەتی‮ ‬لەو ماوەیەی‮ ‬نەخۆشییەدا وازلێبێنیت چونكە خەڵك بە نەشارەزایی‮ ‬تێدەكەوێت،‮ ‬هەرچی‮ ‬بەر دەستبكەوێت بڵاوی‮ ‬دەكاتەوە،‮ ‬ئەمەش خراپ دەكەوێتەوە لەسەر باری‮ ‬دەروونی‮ ‬و تەندروستی‮ ‬تووشبووان‮”.‬
دەبێت هەموو وزەی‮ ‬لەشت بخەیتە خزمەتی‮ ‬سیستەمی‮ ‬بەرگریتەوە تاكو شەڕی‮ ‬ڤایرۆسەكە بكات
هاوكار رەشید باس لەوە دەكات كە نەخۆشیەكە بەردەوام هەوڵی‮ ‬لاواز كردنت دەدات بەڵام ئەگەر بێت و تۆ بڕیارت دابێت لەو بەهێز تربیت ئەوا خاڵی‮ ‬وەرچەرخان دەبێت بۆت و بەردەوام سەردەكەویت بەسەریدا و دەڵێت‮: ‬ئەو كاتەی‮ ‬كە هەستدەكەیت ڤایرۆسەكە زاڵە بەسەر دەروونتدا و خەریكە لاوازت دەكات لە رووی‮ ‬دەروینەوە،‮ ‬دەبێت تۆ راستەوخۆ خۆت سەرقاڵ بكەیت بە شتێكی‮ ‬لاوەكییەوە،‮ ‬بۆ ئەوەی‮ ‬بیرت لای‮ ‬نەخۆشیەكە نەمێنێت،‮ ‬لەوانە سەیركردنی‮ ‬فیلم،‮ ‬كتێب خوێندنەوە‮.‬
منداڵەكەم بێزاربوو لەماڵ چونكە نەمدەهێشت ئەویش بچێتە دەرەوە
هاوكار رەشید باس لەوە دەكات بە درێژایی‮ ‬ئەو ماوەیە منداڵەكەی‮ ‬رۆژانە دەهاتە نزیك دەرگاكەو دەیگووت باوكە ئاو ناخۆیت،‮ ‬هەستی‮ ‬دەكرد كە دۆخێكی‮ ‬تایبەت هەیەو ناتوانێت نزیك بێتەوە،‮ ‬یەك دوو جار دەهاتە بەردەرگای‮ ‬ژوورەكە و سڵاوێكی‮ ‬لێكردووە و نەیهێشتووە نزیكی‮ ‬بكەوێتەوە،‮ ‬هاوكات رێگری‮ ‬كردووە لەوەی‮ ‬كە ئەویش بچێتە دەر،‮ ‬نەوەك هەڵگری‮ ‬ڤایرۆسەكە بێت و بچێتە دەرەوەو بەهۆی‮ ‬ئەوەوە چەندین كەسی‮ ‬تر تووشبێت‮.‬
هەست بە ڤایرۆسەكە دەكەم كە لەجەستەمدا نەماوە
هاوكار باس لەوە دەكات كە لەماوەی‮ ‬10‮ -‬12 ‮ ‬رۆژدا هەستم كرد ڤایرۆسەكەم تێپەڕاندووەو دوای‮ ‬ئەوەی‮ ‬چوومەوە بۆ پشكنین سوپاس بۆ خوا نێگەتیڤ دەرچوو،‮ ‬ئێستاش چاوەڕێ دەكەم‮ ‬15 ‮ ‬رۆژی‮ ‬تر تێپەڕێت تاكو بتوانم پلازمای‮ ‬خوێنم ببەخشم بەوانەی‮ ‬كە تووشی‮ ‬ڤایرۆسەكە بوون و دۆخیان ناجێگیرە‮.‬

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

شاخەوان عەبدوڵڵا‮: ‬پارتی‮ ‬بە پەرۆشە بۆ چارەسەری‮ ‬دۆخی‮ ‬كەركووك

ئا‮- ‬خەبات‮:‬‮ ‬ئەندامی‮ ‬لێژنەی‮ ‬ئاساییكردنەوەی‮ ‬كەركووك،‮ ‬شاخەوان عەبدوڵڵا باس لەو م…