بچووککردنەوەی ماف تا ئاستی گیرفان

0
504

موحسین خالیدی

ئاوڕدانەوەیەکی بەپەلە لە دروشمە و هەنگاوەکانی رابردووی نە زۆر دووری هەرێمی کوردستان، نیشاندەری ئەو راستییەن کە وێرای تەواوی کەموکوڕی، گەندەڵی، رەخنە و هەڵەکان، بەڵام ئاوات و داواکارییەکان هەمیشە لە لووتکەدا بوون و بینیمان لە گشتپرسی بۆ ریفراندۆم بە چ شێوەیەکی حیماسی رەنگی دایەوە. میللەتێک بە تێکۆشان و خەباتی دەیان ساڵەی و دواتر بە دەنگدان، پێداگری لەسەر ئەو مافەی کرد کە لێیان زەوتکردبوو. ئەوە وەڵامێک بۆ خوێنی شەهیدان و ماندووبوون و تێپەڕاندنی ساڵانێکی زۆری تەمەنی سەدان پێشمەرگەی ئەم خاکە بوو کە بەردەوام بۆی جەنگابوون، کەچی دوای بڕینی بودجە لە بەغدا کە هاوکات لەگەڵ هێرشی داعش بۆ سەر خاکی هەرێم بوو؟؟!! کۆمەڵە دەنگێکی نەشازی ناوخۆ بە هاوکاریی میدیای وڵاتانی هەرێمی، هەوڵیان دا، هەموو تاوانەکان بخەنە ئەستۆی دەسەڵاتی خۆماڵی و بە پەنابردنە بەر سۆشیال میدیا و کۆمەڵە فەرمانبەرێکی حزبی و هاندانی چەندین گەنجی تازەپێگەیشتوو، ئاستی داواکارییەکان لە سەربەخۆییەوە بۆ مووچە و پارە کەمکردەوە.

سەرقاڵبوونی بەرەی سەربەخۆییخواز بە شەڕی دژ بە داعش و پاراستنی کوردستان، ئەو دەرفەتەی بەوان بەخشی تا بێ هیچ ئاستەنگێک ئامانجەکانیان بپێکن. ئێستا چەند ساڵ بەسەر تێکشاندنی ئەفسانەی داعش و کارەساتەکەی 16 ئۆکتۆبەر تێدەپەڕێت، بەڵام دیسان هەرێمی کوردستان رووبەڕووی بڕینەوەی بودجە و سەرهەڵدانەوەی داعش و زیاتر لەوەش، بڵاوبوونەوەی ڤایرۆسی کۆرۆنا بووەتەوە و رێک لەکاتێکدا، زیاتر لەهەموو کاتێک پێویستیمان بە یەکڕیزی و یەکگرتنە، کەچی دیسان هەر هەمان قەوانی کۆن لێدەدرێتەوە. کۆرۆنا بە سیاسی کراوە.. لایەنەکانی بەشداری دەسەڵات بەرگی ئۆپۆزسیۆنبوونیان پۆشیوە.. پەرلەمانتاری کورد لە بەغدا داوای دەستوەردانی سەربازیی عێراق لە هەرێم دەکات.. هاووڵاتی دژ بە رێکارەکانی خۆپارێزی هاندەدەن.. لەباتی دابەشکردنی کتێب، جنێو و سووکایەتی لەناو گەنجەکانمان دەبەخشنەوە و … مەخابن، نە پیرۆزی خاکیان هێشتووە، نە گەورەیی کوردبوون. چی لەوە بەئازارترە کە ئاستی داواکارییەکانی میللەتێکیان تا بوونی بڕە پارەیەکی ناو گیرفان بچووک کردووەتەوە. مەخابن

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

سه‌رۆكی هه‌رێم سه‌ره‌خۆشى له‌ خانه‌واده‌ى غه‌یدا كه‌مبه‌ش ده‌كات

له‌ پرسه‌نامه‌یه‌كدا نێچیرڤان بارزانی، سه‌رۆكی هه‌رێمی كوردستان سه‌ره‌خۆشی له‌ خانه‌واده‌ی…