پەیامی پیرۆزبایی مەكتەبی سیاسی پارتی دیموكراتی كوردستان بەبۆنەی جەژنی پیرۆزی رەمەزان

0
62

مەكتەبی سیاسی پارتی دیموكراتی كوردستان بەبۆنەی جەژنی پیرۆزی رەمەزان پەیامێكی بڵاوكردەوە، ئەمەش دەقی پەیامەكەیە:

بەبۆنەی هاتنەوەی جەژنی پیرۆزی رەمەزان، پیرۆزباییەكی گەرم لە سەرجەم موسڵمانانی كوردستان و عێراق و جیهان دەكەین، پیرۆزبایی لە خانەوادە و كەسوكاری سەربەرزی شەهیدە نەمرەكان و، هێزی پێشمەرگەی كوردستان و، کادیر و ئەندامان و جەماوەری دڵسۆزی پارتیمان و، ھەروەھا كارمەندانی دەزگا ئەمنی و تەندروستیەكانی كوردستان دەكەین، هیوادارین ئەو جەژنە بە خێر و خۆشی بۆ هەموو لایەك بگەڕێـتەوە و مایەی دڵنەوایی و ئارامیی بێت بۆ گەلەكەمان.

جەژنی رەمەزانی ئەمساڵ لە هەلومەرجێكی نالەباردا هاتەوە كە قەیرانی تەندروستی و پەتای كۆرۆنا هەرێمی كوردستان و جیهانی گرتۆتەوە بەمەش قۆناغێكی نوێ و هەستیاری خستۆتەوە و کاریگەری چەند لایەنەی بەسەر ژیانی هاوڵاتیاندا هەیە، ئێمە وێرای سوپاسگوزاریمان بۆ هاووڵاتیان لە خۆپارێزی و پابەندبوونیان بە رێنماییە تەندروستیەكان، هیواخوازین ئەو جەژنە ببێتە مایەی بەختەوەریی و خۆشگوزەرانی بۆ رۆڵەكانی گەلەكەمان و دەرفەتێك بێت بۆ زیاتر تەبایی و یەكڕیزیی هێز و لایەنە سیاسیەكان، هەروەها هەوێنی پتەوتركردنی گیانی پێكەوەژیان و برایەتی بێت بۆ تەواوی چین و توێژەكانی كۆمەڵگە و پێكهاتەكانی گەلی كوردستان.

 ئومێدەوارین ئەو جەژنە موژدەی كۆتاییهاتنی كێشە و گیروگرفتەكانی پێ بێت و دڵنیاشین کە ئەو دۆخە ناهەموارەش تێدەپەڕێنین..

جارێكی دیكە جەژنی پیرۆزی رەمەزان لە هەموو لایەك پیرۆز بێت…

مەكتەبی سیاسی

 پارتی دیموكراتی كوردستان

23/5/2020زایینی

30ی رەمەزانی1441ی كۆچی

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

وه‌زاره‌تی ناوخۆ: رۆژی 7-6-2020 ده‌وامی فه‌رمانگه‌كانی حكوومه‌ت ده‌ست پێده‌كاته‌وه‌

وه‌زاره‌تی ناوخۆی حكوومه‌تی هه‌رێمی كوردستان رایگه‌یاند: دەوامی فەرمانبەرانی حکومەتی هەرێم…