بلا گازندە و نە رازیبونا مە لسەر كیستێ وەلات پارێزیێ و كوردایەتیێ نەبیت

0
243

بەدرخان زاویتەی

گوتنەكا مەزنا یاهەی دبێژیت (زكێ تێر هاش یێ برسی نینە) زوربەیا گلە و كازندێن خەلكی ئەڤەیە كو بێ دادیەكا مەزن یاهەی و خەلكی چاڤدان و خزمەت و دادپەروەری دڤێت نە زێدەتر و خەلك هەمی گاڤا یێ بەرهەڤە قوربانیا بدەت بو پارستنا كوردستانێ.
بەلێ نوكە لهەرێمامە كومەكا هزر و دروشمێن تامدای ب چەندین ڤایروسێن وێرانكەر پەیدابوینە و لپشت وان داخازی و مافێن خەلكی هندەك لایەنا نیەتێن زور خراب هەنە پێخەمەت مەرەمێن خویێن حزبی نەك داخازیێن خەلكی.

ئەرێ راست؟!
ئەو كەسێن ل ئەوروپا روینشتین و قەسین كرێت و دویر ژ هەمی رەوشتا دكەن و خەلكی هاندەن و داخازا شورەشا دكەن لكوردستانێ، ئەرێ راست ئەو د بەرژەوەندیا كوردستانێدانە؟! و دێ هوسا خزمەتا خەلكی كەن؟! و هەرێمێ پارێزن و ئاڤاكەن ؟!. شك تێدا نینە دڤێن نوكە كوردستان كاڤل ببیت دا بێژن پارتی و مالا بارزان ئەگەرن و لسەر برینن خەلكی و كارەساتا بكەنە كەنی، چونكی ئەوكەسێن ل ئەوروپا دژین پشت راستن ژ ژیانا خو ل ئەوروپا و بوان نەیا گرنگە ئەگەر رەوشا كوردستانێ خراب ببیت.

ئەرێ راست؟!
ئەو لایەنێن ب دروشما خەلكی دخاپینن و دژی حكومەتا هەرێمێ هەر چیا خراب هەی دبێژن و دكەن، ئەرێ گەلۆ بوچی ئەو لایەنە ئەڤی شەڕی لبەغدا ناكەن بو مافێن هەرێمێ؟!. ئەرێ بوچی ئەو لایەنە بەرامبەر ڤان هەمی گەف و فشارێن بەغدایێ لسەر هەرێمێ هەین دبێ دەنگن؟!. ئەرێ یا رەوایە ملێ خو بدەنە ملێت دوژمنا بو دژایتیكرنا كوردستانێ و بێژنە خەلكی ئەم پشتەڤانێن داخازیت هەوەینە!، كەنگی داخازین كوردستانیا و دوژمنا وەكی یەك بوینە؟!. دڤێت خەلك بزانیت كو ئەف لایەنە بهەمی هێزا خو دژی چاكسازیێ نە و رێ نادەنە حكومەتێ كوپروژێ چاكسازیێ جێبەجێ بكەت، چونكی باش دزانن ئەگەر ئەو یاسا جێبەجێ بوو كو راستەوخو گرێدای ژیانا خەلكییە، لوی دەمی ڤان لایەنا چ بەرنامە و پروژە نابن بێژنە خەلكی دەنگی بدەنە لیستامە. ئەوان تائەڤرو خەلك ب هەبونا گەندەلیێ و نەكرنا چاكسازیا د خاپاند و دەنگ بدەستڤە دئینان، لێ نوكە رویێ وان یێ دروست بو خەلكی دیار بو لەوا ب ئاشكرا دژی حكومەتێ و بەرنامێ چاكسازیێ نە.

ئەرێ راست؟!
ئەف هەمی پەیچ و بناف نڤیسەر تاجرێن قەلەمی و لێدوانن ژەهركری و بەلافكرنا درەوا و فیتنا بو خزمەتكرنا خەلكی و هەرێمێ دروست بوینە یان مەرەم و پیلانن مەترسیدار لپشت هەنە؟!!. بو دوژمن خائینا چ كێشە نینە ب ملیونا دولارا خەرج بكەن بو هەر پەرلەمانتارەكێ خوفروش لێدوانەكێ دژی كوردستانێ بدەت و نڤیسەرەكێ بكرێ بگریت داكو بابەتەكێ تژی درەو و فیتنە و ژەهر بەلاف كەت و سفكاتیێ بهەمی پیروزیت كوردستانیا بكەن و بێ باوەریێ دناف تەخێن جڤاكێدا بەلاف كەت داكو پیلانێن دوژمنا دژی هەرێم سەربگرن.

نیەت و كار بو ئاڤاكرنێ و خزمەتكرنێ بن ئەو نیەت دیارن. یاراست ئەوە كو ئەف لایەنە پێكڤە روینن و خەلەتیا راستڤەكەن و رێ بدەن پروژێ چاكسازیێ جێبەجێ ببیت و كاری بو باشتر لێكرنا ژیانا خەلكی بكەن، لێ خەلكی ئەف نیەتە و ئەف چەندە ژڤان لایەنا نەدیتیە و نابینن ژی، چونكی لدەمێ خیانەتا 16ئوكتوبەرێ خەلك چاڤەرێ بو ئەف لایەنە خائین و خاك فروشا سزا بدەن بەلێ نەك هەر وەنەكر بەلكو بونە پشتەڤان و خو ژ حكومەتێ ڤەكێشا بمەرەما هەلوەشاندنا حكومەتا هەرێمێ و ژنافبرنا ئەزموونێ كوردستانێ.
ل ١٠ سالێن دەرباز بوی لڤێ دەڤەرێ بگشتی مە هەمیا دیت كا چ رویدایە و ماف و داخازین رەوا ین خەلكی ب چەندین دروشمێن وێرانكەر چاوا خەلك بەرف چ كارەسات برن و چەندین وەلات پێ وێرانكرن و لكوردستانێ چەندین جارا هەول هاتینەدان كو كوردستانیا بەرەف هەمان چارەنڤیس ببەن، گومان تێدا نینە وەكی هەر جار ئەف پیلان و فیتنێن وان سەرناگرن و د ئێنە ژنافبرن.
گرنگە ئەم هەمی ڤێ پسیارێ ژ خو بكەین، ئەرێ ئەف هەمی قوربانین هاتینە دان و خوراگرتن بەرامبەر هەمی كارەساتان تا میللەتێ مە گەهشتیە ڤێ قوناغێ هەژی ڤێ پیلانگێریێ هەمیێ یە بو روخاندنێ؟!.
مە هەمیا ئێش و ئازار دیتینە و ماف و داخازی هەنە لێ دەربرین ژ وان ئێش و ئازارا و ماف و داخازییا، نابیت لسەر كیستێ وەلات پارێزیێ و كوردستانیبونێ بیت و بەردەوام دڤێت كوردستانێ ژ هەر تشتەكی مەزنتر ببینین.

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

وه‌زاره‌تی ناوخۆ: رۆژی 7-6-2020 ده‌وامی فه‌رمانگه‌كانی حكوومه‌ت ده‌ست پێده‌كاته‌وه‌

وه‌زاره‌تی ناوخۆی حكوومه‌تی هه‌رێمی كوردستان رایگه‌یاند: دەوامی فەرمانبەرانی حکومەتی هەرێم…