گەرمیان‮..‬ پیاوێك‮ ‬69‮ ‬ساڵە ئاشەوانە

0
613

خەبات‮: ‬كەلار
لەگەڵ ئەوەی‮ ‬پیشەی‮ ‬ئاشەوانی‮ ‬لە زۆر شوێن نەماوە،‮ ‬بەڵام هەندێك هەن كە هێشتا دەست بەو پیشەیەوە دەگرن و بۆ نەوەكانی‮ ‬دوای‮ ‬خۆیانی‮ ‬بەجێ دەهێڵن‮. ‬خاوەنی‮ ‬كۆنترین ئاش لە سنووری‮ ‬قەزای‮ ‬كەلار،‮ ‬میرزا حەسەن دەڵێت‮: ‬لای‮ ‬ئاغای‮ ‬گوندەكەمان بووم لە‮ ‬15 ‮ ‬ساڵانەوە لە گوندی‮ ‬گۆیان،‮ ‬وردەكاری‮ ‬كارەكە ئەوكاتە فێربووم،‮ ‬ئاشی‮ ‬ئاو هەبوو ئەوكاتە،‮ ‬ئاغا منی‮ ‬كردە وەكیلی‮ ‬ئاشەكە،‮ ‬هەرچییەك بوایە من دەچووم بەدەنگیەوە،‮ ‬تا وای‮ ‬لێهات كردمانە دەستگێڕ‮ ‬و گونداو گوند دەمان گەڕاند‮.‬ هاووڵاتی‮ ‬میرزا حەسەن تەمەنی‮ ‬84 ‮ ‬ساڵە و لە‮ ‬15 ‮ ‬ساڵییەوە سەرقاڵی‮ ‬كاری‮ ‬ئاشەوانییە‮. ‬تا ئێستا ناوبەناو دەچێتەوە دووكانەكەی‮ ‬و سەرقاڵی‮ ‬پیشەكەی‮ ‬خۆی‮ ‬دەبێت‮. ‬ بۆ میرزا حەسەن گرنگە كە رێگە نەدات پیشەكەی‮ ‬وەك رەسەنایەتییەكی‮ ‬ناوچەكە بفەوتێ بۆیە ئەو كوڕەكەی‮ ‬خۆی‮ ‬فێری‮ ‬ئەو پیشەیە كردووە و لە دووكانەكەدا،‮ ‬ناوبەناو سەرقاڵی‮ ‬هاڕینی‮ ‬گەنم دەبن،‮ ‬تاكو ئارد،‮ ‬ساوەر،‮ ‬قەرەخەرمانی‮ ‬لێ بەدەستبهێنن و بەو شێوەیە پەرە بە ئیشێك دەدات كە نزیك بە حەوت دەیەیە سەرقاڵێتی‮.‬ میرزا حەسەن كە ناوبەناو بەهۆی‮ ‬بەساڵاچوونییەوە دەكۆكی‮ ‬و دەستی‮ ‬دەلەرزی‮ ‬بەو شێوەیە باس لە سەرەتا فێربوونی‮ ‬ئەو پیشەیە دەكات و گوتی‮: ‬لای‮ ‬ئاغای‮ ‬گوندەكەمان بووم لە‮ ‬15 ‮ ‬ساڵانەوە ناوی‮ ‬ئاغا محەمەد ئەمین بەگ بوو لە گوندی‮ ‬گۆیان،‮ ‬وردەكاری‮ ‬كارەكە ئەوكاتە فێربووم،‮ ‬سەرقاڵی‮ ‬ئاشەوانی‮ ‬بووم‮. ‬ئاشی‮ ‬ئاو هەبوو ئەوكاتە،‮ ‬ئاغا منی‮ ‬كردە وەكیلی‮ ‬ئاشەكە،‮ ‬هەرچییەك بوایە من دەچووم بەدەنگییەوە‮. ‬تا وای‮ ‬لێهات كردمانە دەستگێڕ‮ ‬و گونداو گوند دەمان گەڕاند‮.‬ میرزا حەسەن هەرچەندە كوڕەكانی‮ ‬ئاشەكەی‮ ‬بۆ بەڕێوەدەبەن،‮ ‬بەڵام ناوبەناو دەبێت خۆی‮ ‬بچێتە سەر دووكانەكە تاكو هەندێك لە ئامێرەكان چاك بكات و ئامادەیان بكات بۆ هاڕینی‮ ‬گەنم‮ ‬یان چەڵتوك‮.‬ میرزا حەسەن لە درێژەی‮ ‬قسەكانیدا باس لە پەرەپێدانی‮ ‬ئەو پیشەیە دەكات و دەڵێت‮: ‬هۆشم كردەوە و گەورەبووم ئینجا زانیاری‮ ‬زیاترم وەرگرت لەسەر پیشەی‮ ‬ئاشەوانی،‮ ‬ئەوكات لە گوندەكانەوە دەهاتن بەدوامدا بۆ كاری‮ ‬ئاشەوانی‮. ‬من خوێندەواریم نەبوو،‮ ‬بەڵام لە ئاشی‮ ‬ئاوەوە وردە وردە فێربووم و دەچوومە گوندەكان تاكو فێریان بكەن لەسەر كاری‮ ‬ئاشەوانیی‮.‬ جومعە میرزا كوڕە گەورەكەیەتی‮ ‬و ئێستا تەنها بۆ هێشتنەوەی‮ ‬ئەو پیشەیە دووكانی‮ ‬ئاشەوانییەكە بەڕێوەدەبات‮. ‬جومعە میرزا لەزاری‮ ‬باوكیەوە كە ئێستا بەهۆی‮ ‬ئەوەی‮ ‬بەساڵدا چووە،‮ ‬كەمتر توانای‮ ‬كارەكەی‮ ‬هەیە،‮ ‬باسی‮ ‬جۆرەكانی‮ ‬ئاش دەكات كە سەرەتا هاتۆتە كەلار و ناوچەكە و دەڵێت‮: ‬سەرەتا بەردی‮ ‬قودرەتی‮ ‬هەبووە ئاشیان لێ دروستكردووە ناوی‮ ‬بەردی‮ ‬ئاسیاو بووە،‮ ‬ئاشی‮ ‬ئاویان لێ دروستكردووە‮. ‬دواتر لە بەردی‮ ‬دەستكردی‮ ‬بەریتانی‮ ‬لەندەن كە عێراق هاوردەی‮ ‬كردووە و بەنەوتی‮ ‬رەش كاری‮ ‬كردووە،‮ ‬ئاشیان دروستكردووە و پاشان ئەو نەوتە رەشە نەما‮. ‬لە ساڵانێكیشدا دینەمۆ‮ ‬یان مەكینەی‮ ‬ئۆتۆمبێلیان بۆ داناوە و تایەیان لەژێر داناوە تاكو گوند بە گوند بیگەڕێنن،‮ ‬بۆ كاری‮ ‬گەنم هاڕین‮.‬ جومعە میرزا باس لەوە دەكات كە خەڵكی‮ ‬كەلار و گوندەكان دێن گەنم دەهێنن و دەیكەنە ئارد و ساوەرو دەڵێت‮: ‬هەندێك جار ئارد بەكەڵك نایەت كە دابەش دەكرێت،‮ ‬خەڵك خۆی‮ ‬لە گەنمی‮ ‬خۆی‮ ‬ئارد دروست دەكات،‮ ‬ساوەریش دروست دەكەین چونكە هەندێك كەس لەبری‮ ‬برنج زیاتر حەز بە ساوەر دەكات‮.‬ جومعە میرزا ئاماژە بەوە دەكات كە هاوینان كار هەیە،‮ ‬بەڵام دواتر لە وەرزی‮ ‬پاییز و زستاندا لە‮ ‬15ی‮ ‬ئەیلوولەوە تا كانونی‮ ‬یەكەم كاریان زۆر دەبێت‮. ‬ناوبراو دەڵێت‮: ‬بۆ ئاردەكە بەردەوام كار هەیە،‮ ‬بەڵام كەمترە،‮ ‬بۆ ساوەریش دوای‮ ‬دروێنەی‮ ‬گەنم خەڵك دێن و گەنمەكە دەكەنە ساوەر ئەویش لە مانگی‮ ‬تەمووزدا‮.‬

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

با هەموومان پاڵپشتی‮ ‬پلان و بەرنامەی‮ ‬چاكسازی‮ ‬حكوومەتی‮ ‬هەرێمی‮ ‬كوردستان بین

زیرەك‮ ‬ڕواندزی لە هەر وڵاتێكدا كارێزمایەك هەیە بۆ ئەوەی‮ ‬خزمەت بە گەل و نیشتمان بكات،‮ ‬…