لە هەولێر بەردی بناغەی قوتابخانەیەكی 18 پۆلی دانرا

0
139

خەبات: ڕۆشنا عەلی:- ئێوارەی دوێنێ‌ لە شاری هەولێرو لە گەڕەكی هەولێری نوێ‌ بەردی بناغەی قوتابخانەیەكی 18 پۆلی دانرا كەلە لایەن كۆمپانیایەكی كەرتی تایبەتەوە بە ناوی گروپی كۆمپانیاكانی لالاڤ جێبەجێدەكرێت ، پڕۆژەكە لەسەر ڕووبەری  5300 مەتر دووجا دروستدەكرێت تیمی ئەندازیاری پارێزگای هەولێر سەرپەرشتی جێبەجێكردنی پڕۆژەكە دەكەن بەپێی ئەو دیزاینەی لەلایەن وەزارەتی پەروەردەوە پەسەند كراوە  

لەڕێوڕەسمێكی تایبەتدا بە ئامادەبونی هەریەك لە ئالان حەمە سەعید وەزیری پەروەردەو فرسەت سۆفی  پارێزگاری هەولێر و د. محەمەد شوكری سەرۆكی دەستەی وەبەرهێنان  بەشدار عبدالخالق بەڕێوەبەری گشتی په‌روه‌رده‌ی هه‌ولیر دلێر عەبدوڵا بەڕێوەبەری پەروەردەی ناوەندی هەولێر بەردی بناغەی پڕۆژەكە دانراو بڕیارە بە ماوەی ساڵێك تەواوبكرێت و ڕادەستی وەزارەتی پەروەردە بكرێت ، هەر لەو ڕێو ڕەسمەدا وەزیری پەروەردە وتارێكی پێشكەش كردو تیایدا رۆڵی وەبەرهێنەرانی بەڕۆڵێكی مێژووی وەسفكرد ، ئاماژەی بەوەشكرد كەئەمە یەكەمین هەنگاو نییە،  لەمبارەیەوە وتی : بە ناوی ئەنجومەنی وەزیرانەوە سوپاسی هەموو ئەو وەبەرهێنانە دەكەین كە لەڕابردوودا ڕۆڵی خۆیان بینیوە لە بواری پەرەپێدانی ژێر خانی پەروەردەیی و دروستكردنی قوتابخانەكان ئەم ڕۆڵە ڕۆڵێكی مێژووی و گرنگە كە جگە لە ئەركی بازرگانی و وەبەرهێنان لە هەرێمی كوردستان ڕۆڵیشیان دەبێت لە خزمەتكردنی قوتابیان و خوێندكاران لە هەرێمی كوردستان.  

 هەروەها ئالان حەمەسەعید وتی: داوا لە هەموو سەرمایەدا رو وەبەرهێن و هەموو ئەو بەڕێزانە دەكەم كە دەیانەوێت جێ‌ پەنجەیەكیان هەبێت لە خزمەتكردن بە نەوەكانی كوردستان وبە قوتابیان و بنیاد نانی ئایندەیەكی باش لە ڕێگای وەزارەتی پەروەردەو دەستەی وەبەرهێنان و پارێزگاكان ئێمە دەتوانین تەواوی كار ئاسانییان پێشكەش بكەین ، بۆ ئەوەی قوتابخانەی نوێ‌ لە كوردستان دروست بكەین.

هەروەها وتیشی  لەگەڵ باشبوونی دۆخی دارایی هەرێمی كوردستان حكومەتی هەرێمی كوردستان دروستكردنی قوتابخانە بە ئەرك و بەرپرسیارێتی گەورەی خۆی دەزانێت ئێمە تەواوی پلانەكانمان لە چوارچێوەیەكی ستراتیژی داڕشتووە بۆ گەشە پێدانی ژێرخانی پەروەردەیی ئەگەر بەشێوەیەكی كاتیش بە هۆی گرفتی دارایی وەستابێتین  ئەوە ناگەیەنێت كە ئێمە دەستبەرداری ئەو بەرنامەیە بووین،  كە پێمان وایە گەشەكردنی پەروەردەو پێشكەوتن و بەستانداركردنی پڕۆسەی پەروەردە لە هەرێمی كوردستان سەرەتا لەوەوە دەست پێدەكات كە ژێرخانێكی پەروەردەیی باشمان هەبێت.  

وەزیری پەروەردە ئاماژەی بەوەشكرد كە تائێستا پێداویستی وەزارەتی پەروەردە نزیك دەبێتەوە لە 35000 سی و پێنچ هەزار پۆلی خوێندن كە نزیك دەبێتەوە لە 3000 قوتابخانە بۆ ئەوەی تەواوی قوتابخانەكان بكەین بە ستانداردو یەك دەوامی.

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

لەیادی ریفراندۆمە پیرۆزەكەی كوردستاندا، دەبێ چاوەڕێی دەرفەتێك بكەین

نیان ئەحمەد 25\9\2017 رۆژێكی مێژوویی بوو بۆ نەتەوەی كورد لە ماوەی سەد ساڵی ڕابردوو لە داگی…