سەربەست بامەڕنی
سەردانە كورتەكەی‮ ‬سەرۆك وەزیرانی‮ ‬ئیسرائیل،‮ ‬بنیامین نەتەنیاهۆ،‮ ‬بۆ سوڵتاننشینی‮ ‬عومان،‮ ‬لەسەر بانگهێشتی‮ ‬فەرمی‮ ‬سوڵتان قابوس بوو،‮ ‬كە هەفتەی‮ ‬پێشووتریش چاوی‮ ‬بە سەرۆكی‮ ‬فەلەستین،‮ ‬مەحمود عەبباس،‮ ‬كەوتبوو لە مەسقەتی‮ ‬پایتەختدا‮. ‬بەمەش دووبارە تیشك خرایەوە سەر سروشتی‮ ‬پەیوەندییەكانی‮ ‬نێوان وڵاتانی‮ ‬عەرەبی‮ ‬و دەوڵەتی‮ ‬ئیسرائیل،‮ ‬وەكو ئاشكرایە تەنیا سێ وڵاتی‮ ‬عەرەبی‮ ‬بە فەرمی‮ ‬دانیان بە ئیسرائیل ناوە و،‮ ‬پەیوەندی‮ ‬دبلۆماسی،‮ ‬ئابووری‮ ‬و گەشتیاریی‮ ‬لەگەڵ ئاڵوگۆڕ‮ ‬دەكەن،‮ ‬ئەوانیش میسڕ،‮ ‬ئوردن و مۆریتانیان،‮ ‬زێدبارەی‮ ‬ئەو وڵاتانەی‮ ‬پەیوەندی‮ ‬نیمچە فەرمیان لەگەڵیدا هەیە و دان بە دراوسێیەتی‮ ‬ئیسرائیل دەنێن،‮ ‬وەكو تونس،‮ ‬مەغریب و بەحرێن،‮ ‬هەندێكیان ئەو پەیوەندییەی‮ ‬سڕ‮ ‬كردووە،‮ ‬هاوشێوەی‮ ‬قەتەڕ،‮ ‬مەغریب و سوڵتاننشینی‮ ‬عومان،‮ ‬كە پێشوازیی‮ ‬لەسەرۆك وەزیرانی‮ ‬ئیسرائیل دەكات،‮ ‬زێدەباری‮ ‬هەریەك لە توركیا،‮ ‬كە لە ساڵی‮ ‬1949‮ ‬دانی‮ ‬بە ئیسرائیل ناوە،‮ ‬هەرەها ئێرانیش تاكو ساڵی‮ ‬1979 كە دوای‮ ‬مردنی‮ ‬شا،‮ ‬دانپێنانەكەی‮ ‬خۆی‮ ‬بە ئیسرائیل كێشایەوە‮.

مشتومڕ‮ ‬لەوەدا نییە،‮ ‬هەر هەنگاوێك بۆ تازەكردنەوە و پاڵنانەوە بە پرۆسەی‮ ‬ئاشتی‮ ‬بۆ پێشەوە و مسۆگەركردنی‮ ‬مافەكانی‮ ‬گەلی‮ ‬فەلەستین،‮ ‬شتێكی‮ ‬باشە و رۆڵی‮ ‬بەرچاوی‮ ‬لە بەدیهێنانی‮ ‬ئاشتی‮ ‬دادپەروەرانە و سەقامگیری‮ ‬لە تەواوی‮ ‬ناوچەی‮ ‬خۆرهەڵاتی‮ ‬ناوەڕاستدا دەبێت،‮ ‬كە وا دێتە پێش چاو،‮ ‬لەسەر دەركی‮ ‬گڕكاندا بێت،‮ ‬بەڵام ئەو پرسیارەی‮ ‬خۆی‮ ‬راپێش دەكات ئەوەیە‮: ‬ئایا چی‮ ‬رووی‮ ‬دەدا،‮ ‬ئەگەر سەردانەكەی‮ ‬نەتەنیاهۆ بۆ بەغدا و هەولێر بوایە،‮ ‬روونتر بە مەبەستی‮ ‬پاڵنانی‮ ‬پرۆسەی‮ ‬ئاشتی‮ ‬بۆ پێشەوە بوایە؟ بە دڵنیاییەوە رۆژی‮ ‬دوایی‮ ‬بەرپا دەبوو و هەزارەها كەڕەنای‮ ‬راگەیاندنەكان بۆ لە زەویدانی‮ ‬گەلی‮ ‬عێراق بە بە عەرەب و كوردەوە دابین دەكرا،‮ ‬هەرچەندە عێراقییەكان پێشتر و ئێستاش،‮ ‬پشتیوانی،‮ ‬پاڵپشتی‮ ‬و قوربانی‮ ‬زۆریان پێشكەشی‮ ‬كێشەی‮ ‬فەلەستین كردووە،‮ ‬كە بە درێژایی‮ ‬چەندین دەیە كێشەی‮ ‬سەرەكیان بوو،‮ ‬باسی‮ ‬یەك نمونە دەكەم،‮ ‬دۆستی‮ ‬نزیكم هونەرمەندی‮ ‬كوچكردوو و شاعیری‮ ‬هەستناسك ئیبراهیم زایەر،‮ ‬لە نێو سەدەها ئەو قوربانیانەیە،‮ ‬كە زۆری‮ ‬دیكەش هەن‮. ‬

ئەوەی‮ ‬پەیوەستە بە گەلی‮ ‬كوردیشەوە،‮ ‬هەموو ئەوانەی‮ ‬ئەو ساڵانە لەگەڵ كێشەی‮ ‬فەلەستین ژیاوون و خیوەتگەكانی‮ ‬سەبرا،‮ ‬شاتێلا و و تاوەری‮ ‬براجنەیان لەیاد بێت،‮ ‬دەزانن چەند لاوی‮ ‬كورد ژیانی‮ ‬خۆی‮ ‬كردە قوربانی‮ ‬كێشەی‮ ‬فەلەستین،‮ ‬كە سەركردەكانی‮ ‬ئێستای‮ ‬یەكەم كەس بوون،‮ ‬نكۆڵی،‮ ‬سەركۆنە و رەتی‮ ‬پرۆسەی‮ ‬گشتپرسی‮ ‬جەماوەری‮ ‬دیموكراسی‮ ‬سەربەخۆیی‮ ‬كوردستنیان كردەوە،‮ ‬هەرچەندە سەركردەكانی‮ ‬كورد دووپاتیان كردەوە،‮ ‬گشتپرسی‮ ‬مانای‮ ‬جیابوونەوەی‮ ‬راستەوخۆ نییە،‮ ‬كە تەنیا بە رێكەوتنی‮ ‬نێوان هەردوو گەلی‮ ‬برا عەرەب و كورد لە عێراق دەبێت لە ئایندەدا‮. ‬روونە گەلی‮ ‬عێراق بە عەرەب و كوردەوە،‮ ‬خێر و خۆشییان بۆ گەلی‮ ‬فەلەستین دەوێت و چاویان لە ئاشتییەكی‮ ‬دادپەروەرانەیە لە ناوچەكەدا،‮ ‬بەڵام لە بەرانبەریشدا،‮ ‬چاویان لە كەمترین ئەمەك،‮ ‬ژینواربینی‮ ‬و مامەڵەی‮ ‬هاوشێوەیە،‮ ‬نەخاسمە دوای‮ ‬ئەوەی‮ ‬دەركەوت،‮ ‬بوونی‮ ‬پەیوەندی‮ ‬لەگەڵ ئیسرائیل،‮ ‬لەسەر ئاستی‮ ‬عەرەبیی،‮ ‬چیتر لە گوناهە گەورەكاندا نییە‮. ‬

و‮: ‬رەمزی‮ ‬میرەكانی
سەرچاوە: ‮‬www.elaph.com

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

هونەرمەند ئاشتی کەمال: لە ئێستادا هونەر لە قۆناغێکی هەستیاردا گوزەر دەکات

خەبات: پەریهان عومەر:- هونەرمەند ئاشتی کەمال ئەمین لە دایک بووی ساڵی 1965 لە هەڵەبجەی شەهی…