خەبات: ڕۆشنا عەلی:- لە شاری سلێمانی و لە دوو مەراسیمی جیاوازدا چوار قوتابخانە كرایەوە ڕۆژی 29-9-2020 بە ئامادەبوونی ئالان حەمە سەعید وەزیری پەروەردە و هەڤاڵ ئەبوبەكر پارێزگاری سلێمانی و دڵشاد عومەر بەڕێوەبەری گشتی پەروەردەی سلێمانی و عومەر ساڵح بەڕێوەبەری پەروەردەی ڕۆژهەڵات بەوەكالەت، چوار قوتابخانە لەسێ‌ ناوچەی جیاواز كرایەوە ، سەرەتا لەكۆمەڵگای باریكە قوتابخانەیەكی بنەڕەتیان كردەوە كە قوتابخانەكە كۆن ببوو  دوبارەدروستكراوەتەوە لە سەر بودجەی پەرەپێدانی پارێزگاكان و تایبەتكراوە بە قۆناغی بنەڕەتی ، هەر لە مەراسیمەكە دا ڕێزلێنان بەخشرایە ئەو كەسانەی كە هاوكاربوون لە بنیادنانی قوتابخانەی ناوبراو. 

پاشان هەریەك لە قوتابخانەی (محمود جەودەت) و (عبداللە شاڵی) بنەڕەتی لە هەریەك لە گەڕەكەكانی ڕۆشنبیری و وڵوبەی شاری سلێمانی كرایەوە .

 وەزیری پەروەردە لە میانەی كردنەوەی قوتابخانەكەدا و لە لێدوانێكدا بۆ كەناڵەكانی ڕاگەیاندن ئاماژەی بەو دەنگۆیانە كرد كە گوایە كەرتی خوێندنی حكومی دەكرێتە ناحكومی و ئەو لەمبارەیەوە وتی: هیچ بڕیارێك نییە كە كەرتی حكومی بدرێتە كەرتی تایبەت، بەڵام بەرنامەو كارنامەی حكومەتی هەرێمی كوردستان گرنگیدانە بە كەرتی حكومی لە بواری پەروەردەو هاندانی كەرتی تایبەتیشە،  بەهیچ جۆرێك نە هیچ موڵكێكی خۆمان دەدەینە كەرتی تایبەت و نە هەوڵی ئەوەش دەدەین بە هیچ جۆرێك كوالێتی خوێندن لە قوتابخانە حكومییەكان دابەزێت.

لەبارەی كردنەوەی دەرگای قوتابخانەكان و دەسپێكی ساڵی نوێی خوێندن كە ئایا بە بڕیارەكانی وەزارەتدا دەچنەوە بۆ خوێندنی ئەلیكترۆنی وەزیری پەروەردە وتی: لەگوندەكان و ئەو شوێنانەی قوتابیان كەمە بۆ نموونە 15 قوتابی تێدایە و هێڵی ئەنتەرنێت وەك پێویست نییە دەسەڵاتمان داوەتە بەرێوەبەرە گشتییەكان ئێمە قۆناغی 12 ی ئامادەییمان كردۆتەوە تا 10/10 ماوەكەی 14 ڕۆژە ئەم 14 ڕۆژە بۆ بەدواداچوونی دۆخی تەندروستییە لەناو ناوەندەكانی خوێندن پاشان لە 10/10 قۆناغی یەك و دوو دەستپێدەكاتەوە ئەگەر بزانین ئاماژەكان بەرەو ئەوە دەڕۆن ڕەوشی تەندروستی بەرەو باشتر بچێت بڕیارەكانی وەزارەتی پەروەردە بە هەماهەنگی لەگەڵ وەزارەتی تەندروستی و ئەنجومەنی وەزیران قابیلی هەموو گۆڕانكارییەكن،  بەڵام ئەگەر بزانین بارودۆخی تەندروستی خوانە خواستە بە پێچەوانەوە دەبێت لەوانەیە ناچار بین قۆناغەكانی دیكەش دابخەین و قۆناغی یەك و دووش نەكەینەوە،  لەبەر ئەوە سەلامەتی گیانی خەڵك گرنگترە نامانەوێ‌ ملیۆنێك وهەشت سەدهەزار قوتابی 1,800000 هەزار قوتابی 130000 سەدوسی هەزار مامۆستای میلاك و 17500حەڤدە هەزارو پێنچ سەدمامۆستای وانە بێژو هەزارەها فەرمانبەر كە  2000000 دووملیۆن دەكات  كێ‌ بەرپرسیارێتی دوو ملیۆن هاوڵاتی هەڵدەگرێت كە بچێتەوە ناو ناوەندەكانی خوێندن كە دەكاتە %33 ی دانیشتوانی هەرێمی كوردستان.   

هەروەها لەبارەی خوێندنی ئەلیكترۆنیش وەزیری پەروەردە ئاماژەی بەوەدا كە ئەم خوێندنە پێویستی بە ئەنتەرنێت و كارەبای بەردەوام نییەو قوتابیش لە قوتابخانە دانابڕێت و لەمبارەیەوە وتی : ئێمە ئەپڵیكەیشنی ئۆف لاینمان دروستكردووە یەك جارپێویستی بە ئەنتەرنێت هەیە بۆ ئەوەی قوتابی دایانبەزێنێ‌ بۆ بینینی وانەكان و ڤیدۆكان مامۆستایانیش قوتابیان هەفتەی جارێك یان دوو جار بەشێوەی گروپی بچوك و پێنچ كەسی دەبەنەوە قوتابخانە و قوتابی دابڕاو نابێت لە قوتابخانە بە خوێندنی ئەلیكترۆنی.      

لەڕۆژی 1/10/2020 لە قەزای پێنجوێن مەراسیمی كردنەوەی قوتابخانەیەكی 18 پۆلی ڕێكخرا بە ئامادەبوونی ئالان حەمە سەعید وەزیری پەروەردەو دڵشاد عومەر بەڕێوەبەری گشتی پەروەردەی سلێمانی و زانا عبدالرحمن قائیمقامی قەزای پێنجوێن و مامۆستا بارام بەڕێوەبەری پەروەردەی پێنجوێن  قوتابخانەكە كرایەوە،  كەلەسەر بودجەی پەرەپێدانی پارێزگاكان بە بڕی (   1,393000000) یەك ملیارو و سێ سەد و نەودو سێ ملیۆن دیناری بۆ تەرخان كرابوو ، وەزیری پەروەردە بڕی (5) پێنج ملیۆن دینارو 100 ڕەحلەی خوێندنی  بۆپڕكردنەوەی پێداویستییەكانی قوتابخانەكە دابینكرد  

هەر لەو مەراسیمەدا وەزیری پەروەردە وتارێكی پێشكەش كردو تایدا ئاماژەی بەوەدا لەیەكەم ڕۆژی دەسپێكی خوێندن دەوامكردن لەم قوتابخانەیە دەبێت لەم بارەیەوە وتی: بڕیارماندا بەشێك لەو پێداویستییانەی كە ئەم قوتابخانەیە هەیەتی وەك دابینكردنی رەحلە و هەندێ‌ پێداویستی تر هەر ئەمڕۆ دابینبكەین و ئەوانی تریش لە ڕێگای وەزارەتی دارایی بەزووترین كات دابین دەكەین.

هەروەها وەزیری پەروەردە وتی: بە دڵنیاییەوە كردنەوەی ئەم قوتابخانانە جێگای بایەخی حكومەتی هەرێمی كوردستانە تەنها لە ماوەی سێ‌ ڕۆژ چوارقوتابخانەمان كردۆتەوە كە چوار تا پێنچ هەزار قوتابی سوودی لەو ناوەندانە وەردەگرن و هەوڵەكان بەردەوام دەبێت بۆ كردنەوەی قوتابخانەی نوێ‌ و ئەوپڕۆژانەی وەستاون. 

هەروەها وەزیری پەروەردە لەبارەی ژمارەی قوتابیانەوە وتی: لە هەرێمی كوردستان ساڵانە زیاتر لە 15000 قوتابی لەسەر كۆی گشتی ژمارەی قوتابیان زیاد دەكات ئەم ڕێژەیە وابەستە بە زۆربوون و گەشەكردنی ژمارەی دانیشتوان لە هەرێمی كوردستان دەبێتە هۆی زیاد بوونی ژمارەی قوتابیان لە قۆناغی یەكی بنەڕەتییەوە پاشان بەرەو قۆناغەكانی دیكە بۆیە ئەرك و بەرپرسیارێتی وەزارەتی پەروەردە بریتی دەبێت لە گەشە پێدانی ئەو ژێر خانە پەروەردەییەو دروستكردنی بینای نوێ‌ بۆ باخچەی منداڵان و بنەڕەتی و ئامادەییەكان.

هەر لە میانەی بەسەركردنەوەی قەزاكە وەزیری پەروەردە سەردانی  قوتابخانەی ( جلال محمود)یان كرد كە لەسەر ئەركی خوالێخۆشبوو ( جلال محمود) لەساڵی ( 2004) دروستكراوە و لەسەر ئەركی بنەماڵەكەشی ئەم ساڵ هەمان قوتابخانە نۆژەن كراوەتەوە،  وەزیری پەروەردە  ( سمارت بۆرد) ێك و (100) رحلەی خوێندنی بۆ دابینكردن و، بڕی (1 ) یەك ملیۆن دیناری وەكو دیاری پێشكەشی قوتابخانەكە كرد بۆ كڕینی كتێبی كتێبخانەی قوتابخانەكەیان.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

وەزیری پەروەردە: بەداخەوە هەندێ‌ جار ئەم پرسانە بۆ موزایەدە بەكار دەهێنرێت، دەیانەوێت موزایەدە بخەنە ناو كەرتی پەروەردە

خەبات: رۆشنا عەلی:- وەزیری پەروەردە لە میانەی كردنەوەی قوتابخانەی شاری مامۆستایانی بنەڕەتی…