سەڵاح بەیتوڵا ئاکرەیی

کوردستان نیشتیمانێکی داگیرکراوە لە لایەن ئەو دەوڵەتانەی کە کوردستانیان بەسەردا دابەش کراوە لە لایەن پەیماننامەی سایکس بیکویەوە لە ساڵی 1916 ز، کوڵونیالیزمی ئنگلیز و هاوپەیمانیەکانی هەر لەو کاتەوە تا ئەمڕو کورد و خاکی کوردستانیان خستە ژێر دەستەڵاتی چوار دەوڵەتی داگیرکەر و ڕەگەزپەرست،ئەمەش بووە هوی ئەوەی کە بەردەوام هەڕەشە لە بونی کوردو ناسنامەکەی بکەن و نەهێڵن کورد وەک نەتەوە ئامانجی خوی بپێکێت و ببێ بە دەوڵەت.

لە هەر کوێدا دوزی کورد لە سەر ئاستی نێودەوڵەتی بە هێز بوبێت داگیرکارانی کوردستان گەلە کومەکیان لە دژی کورد کردووە و بە جورەها شێواز ڕوبەڕوی کورد بونەتەوە لە سەر ئاستی کوردستانی گەورەدا بە گشتی و هەرێمی کوردستان بە تایبەتی جا چ بە شێوەیێکی ڕاستەوخۆ بۆ بێت یان ناڕاستەوخۆ.

بۆیە کورد لە گشت قوناغەکانی سەدەی ڕابردو تاکو ئێستا بەرگری لە مانەوەی خوی و ناسنامە نەتەوەییەکەی کردووە و ڕوبارێک خوێنی بەخشیوە لەم پێناوەدا، بەڵام هێشتا نەیتوانیوە ببێ بە خاوەن قەوارەیێکی سەربەخو بە خوی وەکو هەمو ئەو دەوڵەتانەی ناوچەکە، دوژمنایەتی داگیرکارانی کوردستان شتێکی ڕون و ئاشکرایە بۆ کورد.

بەڵام ئەوەی مایەی نیگەرانیە ئەوەیە کە هندێ لایەنی سیاسی و نوخبەی سیاسی لە سەر ئاستی کوردستانی گەورەدا بە گشتی زیاتر لەو دەوڵەتانەی هاوسنورمان دژایەتی دوزی ڕەوای کورد دەکەن و بەردەوام ئەجندای سیاسی دوژمنان جێ بەجێ دەکەن، بۆیەش بەرەو پێشڤەچونی دۆزی کورد توشی بەربەستی گەورە هاتووە، ئەگینا دەیان دەرفەت هەر لەم چەند ساڵانەدا بو کورد هاتنە پێشەوە و کورد دەیتوانی بە پاڵپشتی یەکتر نەک پێچەوانەکەی سەرکەوتنی گەورە بە دەست بێنێت و خوی بگەیێنێتە کەناری ئارامی و ڕزگاری یەکجارەکی، بەڵام بە داخەوە بە هوی بەرژەوەندی تەسکی حزبی و تاکەکەسی و دور کەوتنەوەی هندێ کەس و لایەنی سیاسی لە پرەنسیپی کوردایەتی سەرکەوتنی دوزی ڕەوای کوردیان پێچەوانە کردەوە بو بەرژەوەندی مەرام و نەخشەی سیاسی نەیارانی کوردو کوردستان و ئەوەی ئەمڕوش ڕودەدات لە نێو گوڕەپانی سیاسی کوردستاندا گەواهیدەری ئەم ڕاستیەیە.

لە کوتایی دا زەڕورە بیڵێین کە ئەکەر بیروڕا سیاسیەکانی کوردستان خویان ڕێک نەخەنەوە و واز لە دژایەتی و سڕینەوەی یەکتر نەهێنن و کوردایەتی نەکەنە بنەمای سەرەکی خەبات و تێکوشانیان چارەنوسی دوزی ڕەوای کورد نەک هەر لە مەی کە هەیە باشتر نابێت بە ڵکو بەرەوە ڕەوشێکی سیاسی ناهەموارتر دەڕوات و کورد بە گشتی و بێ جیاوازی زیانمەندی سەرەکی دەبێت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

ئایا دەوڵەتی شکستخواردووی عێراق لەسەر دووڕیانە؟

د. سـامان سـۆرانی ئەزموونی حوکمڕانی عیراقی پاش ساڵی ٢٠٠٣ نزیکە لە ئەزموونی حوکمڕانی ئەڵمان…