هونەرمەند محەمەد مەولود: بەداخەوە ئێستا دۆبلاژە توركی و بیانیەكان جێگای دراما كوردیەكانی گرتۆتەوە

0
216

خه‌بات: پەریهان عومەر:- هونەرمەند محەمەد مەولود دانیشتووی شاری سلێمانیەو لە نێوان ساڵانی ( 75ــ 76) بەشداری كاری هونەریی كردووە و هاوكات لەچەندین دراما و شانۆ و سینەما بەشداریكردووە ، تا ئێستا لەكارە هونەریەكانیدا بەردەوامە.

هونەرمەند محەمەد مەولود باسی لە ئێستای درامای كوردی كردو بۆ (خەبات) گوتی: درامای كوردی ئەگەڕێتەوە بۆ بەدەنگەوە نەهاتنی كەناڵە تیڤیەكان ، كارە هونەریەكان وەرناگیرێ بەبیانوی جیاجیا كە گوایە بودجە یا پارەیان نییە هەر ئەو هۆكارەیە كە درامای كوردی بەرەو دواوە هەنگاوی ناوەو هونەرمەندان لە كارەكانیان ساردببنەوە نەتوانن كاری هونەری وەك پێویست ئەنجام بدەن و كاری هونەری بەرەو ئاستێكی نادیار بڕوا ، بەداخەوە ئێستا دۆبلاژە توركی و بیانیەكان جێگای دراماكوردیەكانی گرتۆتەوە.

هەروەها هونەرمەند باسی لە بینەری درامای كوردی كردو گوتی:بینەری كوردی تامەزرۆی دراماكوردیەكانی خۆمانن بەڵام هیچ كەناڵێك ئامادە نییە دراماكانی كوردی وەربگرێ وپەخشییان بكات، بۆیە بەناچاری سەیری دراما بیانیەكان ئەكەن كە شیرازەی خێزانی كوردی تێكداوەو بوونەتە هۆكار بۆ جیابوونەوەی چەندین خێزان لەیەكتر.

هونەرمەند محەمەد باسی لەكاری تازەی كردو گوتی:ئێستا سەرقاڵی درامایەكی (30) ئەڵقەیین ، بەڵام مەخابن بەبۆنەی كۆڕۆناوە، وەستاوین لە ڕەمەرانی ڕابردوودا 30 ئەڵقەمان بۆ (كەناڵی سپێدە) تۆمار كرد هیوادارم كەناڵەكانی تر دەرگا بۆ هونەرمەندان بكەنەوەو كارەكانیان لێوەربگیرێ بۆ ئەوەی درامای كوردی بتوانێ ڕۆڵی خۆی بگێڕێ لە ناوخۆو دەرەوەی وڵات ،چونكە وڵاتان بە كاری هونەری پێش ئەكەون.

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

كڵۆپ: وەرزی داهاتووی پرێمەرلیگ قورس دەبێت

خه‌بات: هاوار مورتكه‌یی:- یۆرگن كڵۆپ، راهێنەری یانەی لیڤەرپوول پێشبینی دەكات، وەرزی داهاتو…