هونەرمەند شنیار: ئەمەوێت وێنای ژیانی خۆم ، هەم بە دەنگم ، هەم بە نواندن و ڕۆڵ بینینم

0
340

شنیار محەمەد ئەمین ،خەڵكی هەڵەبجەی شەهیدە و ئێستا دانیشتووی شاری سلێمانیە، خوێندكاری پەیمانگای وەرزشیە و كۆتا ساڵیەتی، هونەرمەندی گۆرانیبێژە و ئەیەوێت دەست بە نواندن بكات، ئەم خاتوونە دڵی بۆ(خەبات ) كردەوە و قسەی لەسەر بواری هونەری بۆخەبات كرد:

دیمانە: وریشە عومەر

چۆن باس لە ئەزموون و ئاشنا بوونت بەدونیای هونەر دەكەیت؟
من لە خوێندنی قۆناغی سەرەتاییمەوە بەشداری چەندین چالاكی جۆراو جۆرم كردووە هەمیشە گۆرانیم وتووە چەندین خاڵم داناوە هەتا ئێستا بە یەك بە یەكی ئەو خاڵانەم گەیشتووم، ئەتوانم بڵێم هونەرخولیاو ئاواتی منداڵیمە
هەورامان دەنگبێژی باشی تیا هەڵكەوتووە، ئەوە دەگەڕێتەوە بۆ هەڵكەوتەی ناوچەكە یان بایەخدان بەهونەر ؟
من خۆم خەڵكی هەڵەبجەی شەهیدم عادەتەن هەڵەبجەییەكان بەگشتی كچ بێت یان كوڕ زۆرینەیان دەنگیان ناوازەیە، بەڵێ ئەكرێت بڵێین سروشتی جوانی هەورامان ئیلهام بەخشە.
وەك كچە گۆڕانیبێژێك دە تەوێت چی بكەیت بە بەراوورد لەگەڵ ئەو ئافرەتە گۆرانیبێژانەی پێش خۆت نەیانكرد بێت؟
ئەمەوێت وێنای ژیانی خۆم ، هەم بە دەنگم هەم بە نواندن و ڕۆڵ بینینم ، بگەیەنمە دەورو بەرم كە چەند كچێكی كۆڵنەدەرم
تاچەند بوار ڕەخساوە بۆ ئێوەی ئافرەت كە بتوانن وەك بوارەكانی دیكەی ژیان لەبواری هونەردا كار بكەن؟
تاڕادەیەكی زۆر كەم بەڕاستی گوڵمان زۆر كەمە ئافرەتمان زۆر كەمە، بەڵام لەگەڵ ئەوەش خانمە هونەرمەندەكانمان ئەوەندە بەهێزوو چالاك بوون هەندێكجار بۆشاییەكانیان پڕكردۆتەوە


تا ئێستا خاوەنی چەند بەرهەمیت ؟
خاوەنی سێ بەرهەمی تایبەت بە خۆمم، ئینشائەلڵا لە داهاتودا كاری زۆر جوانترو باشتر لە ئێستام ئەبێت
توانا و بەهرەی ئافرەتە دەنگبێژەكان چۆن دەبینی بەبەراوورد لەگەڵ ساڵانی پێشووتر ؟
ساڵانی پێشتر بە بەراوورد لەگەڵ ئێستادا جیاوازییەكی ئێجگار زۆری هەیە من باوەڕم وایە لە ئێستایا خانمی زۆر باشمان هەیە لە سەردەمی خۆی بێ دوو دڵی خاتونی ئاڵتونیمان هەبووە
لەكاتێكدا كە تۆ وەكو گۆرانیبێژ دەركەوتیت بۆ بواری نواندنیشت هەڵبژارد،دەتەوێت لەو ڕێیەوە چی پەیا مێك بگەیەنیت؟
بەڵێ ڕاستە من هونەرمەندم و گۆرانی ئەڵێم، بەڵام مرۆڤی سەركەوتوو هەمیشە ئەبێت تموحی زیاتر بێت ئەمەوێت وێنەیەكی تری جوانی كۆمەڵگا پیشانی هەر تاكێك بدەم كە ئافرەتان هەرگیز كۆڵ نادەن و بەردەوامن


هۆكارچیە كەبینەر لەدرمای كوردی تۆراوە؟
یەكێك لە هۆكارەكان نووسینی سینارێۆیەكی لاوازە وە ئەكتەری زۆر باشمان هەیە كە ونن زۆرێك لە ئەكتەرە نوێیەكان زۆر بەتوانان، بەڵام زۆر جار ڕۆڵێك بە كەسێك ئەدرێت كە زۆر بەهێزە ئەو كەسە ناتوانێت بەتەواوی پەیامەكە بگەیەنێت
هونەر چی پێ بەخشیویت و چی لێ سەندوویت؟
زۆر شتی جوانی پێ بەخشیوم زۆر شتی جوانیشی لێ سەندووم، بەڵام گرنگ ئەوەیە من خۆشەویستی كەسانێكم بە دەستهێناوە
وەكوئەكتەرێك چی دەربارەی فیلمی دۆبلاژكراو دەڵێی، كە لەكەناڵەكاندا پەخشدەكرێت ؟
باوەڕم بەهەندێك فیلم هەیە كە پەخش ئەكرێت هەمووی پڕیەتی لە ئامۆژگاری بۆ كۆمەڵگاكەمان، بەڵام ئێمە بە هەڵە وەریئەگرین لە هەمانكاتدا فیلمیشمان هەیە زەرەرمەند دەبین لێی،بەڵام بە هەردوو لایەنەكەوە پێویستە ئەویش هەبێت، بەڵام بەو ڕێژە زۆرە نا كە شوێنی دراما كوردیەكان بگرێتەوە
وەكو هونەرمەندێكی ئافرەت ئەو لەمپەرانە چین كەدێنە سەر ڕێت ؟
هەموو خانمێك لە هونەر چەندین هۆكاری جۆر بە جۆر هەیە كە ئەبێتە سەختی بۆی ،بەڵام گرنگ ئەوەیە بە ئازایانە بە بەهێزی بەسەر یەك بە یەكی ئەم سەختییانەدا سەر بكەوێت سوپاس بۆ یەزدانی مەزن من هەتا ئەم كاتەی خۆم سەختییەكانم تێپەڕاندووە بۆ لەمەو بەدواش بە هەمان شێوە ئەبم


هەتاكەی ئامادەی كاری هونەری بكەیت؟
هەتا ئەوكاتەی كە بە ڕۆحم گۆرانی ئەچڕم و بە هێزم نواندن ئەكەم
دوا پڕۆژەت چیەوخەون بەچیەوە دەبینیت؟
پڕۆژەی من لە ئێستادا كورتە فیلمێكە لە نووسینی كاك ( ئاكۆ ڕەش ) و دەرهێنانی مامۆستا (هاوڕێ قادر ڕەشید) ە و فیلمێكی سینەمایی لە نووسینی كاك (ئاكۆ ڕەش) و دەرهێنانی (ئاسۆ جەمال موختار)ە.ئەمانەوچەندین كاری دیكە، خوایار بێت لە ئایندەیەكی نزیكدا ، ئەگەر تەمەن ڕێگابات خەونەكانم یەك بە یەكیان دێنە دی ، بەڵام خەون نەشوترێت ، باشترو جوانترە ، سوپاس بۆ خوای گەورە، چەندین خەون و ئاواتیشم بەدیهاتووە.

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

مه‌سرور بارزانی پێشوازی لە ڕاوێژکاری ئاسایشی نیشتمانیی عێراق دەکات

ئەمڕۆ یەکشەممە 2020/9/27 مەسرور بارزانی سەرۆکی حکومەتی هەرێمی کوردستان پێشوازی لە شاندێکی …