خەبات: پەریهان عومەر:- هونەرمەند ئاشتی کەمال ئەمین لە دایک بووی ساڵی 1965 لە هەڵەبجەی شەهید، لە 1985 بەشی نواندن لە پەیمانگای هونەرەجوانەکانی سلێمانی تەواوکردووە، خوالێخۆشبوو هونەرمەند ئاسۆ عومەر سوارە یەکێک لەو کەسانەبووە کە هاوکار و پاڵپشتی کارە هونەریەکانی کردووە، بۆ چوونە ناو دنیای هونەر.

هونەرمەند ئاشتی کەمال لەبارەی یەکەم کاری هونەرییەوە بۆ خەبات گووتی: یەکەمین کاری هونەریم دەگەرێتەوە بۆ ساڵی 1980، بەشانۆیی رووبار کە لە دەرهێنانی مامۆستا ئەحمەد سالار لە شاری دهۆک نمایش کرا، لەو ساتەوە تا ئێستا زیاتر لە 50 کاری هونەریم هەیە، لە نواندن و دەرهێنان و چەندین بەرنامە و کاری شانۆیی بۆ منداڵان و نووسینی چەندین دەقی شانۆیی مناڵان لەبواری دراما، لە چەندین دراما بەشداریم کردووە، لە بواری دەرهێنانی شانۆیی چەندین کاری شانۆیم دەرهێناوە، لە شانۆیی خەونە دۆزەخیەکان خەڵاتی باشترین ئەکتەری کوردیمان وەرگرت، کە هونەرمەند پێشڕەو حوسێن رۆڵی بینی، شانۆیی هاواری ژنێک لە فیستیڤاڵی مۆنۆ درامای هەولێر خەڵاتی باشترین ئەکتەری کچمان وەرگرت، کە هونەرمەند رووبار ئەحمەد نمایشی دەکرد، هەروەها خەڵاتی مەدالیای ئاڵتوونی کۆمەڵەی هونەرە جوانەکان لە پای ئەرک و ماندووبونم و کارە هونەریەکانم وەک ئەندامێکی کۆمەلەی هونەرە جوانەکان پێ بەخشرا.

لەبارەی ئەوەی هونەرمەند ئاشتی کەمال چۆن دەڕوانێتە شانۆ و درامای کوردی، لە بارەیەوە گووتی: ئاشكرایە لە ئێستادا هونەر بە گشتی بە قۆناغێكی هەستیاردا گوزەر دەکات ئەویش هۆکارەکەی دەگەڕێتەوە بۆ ئەم بارودۆخەی کە تیایدا دەژین، وەک سەرهەڵدانی ڤایرۆسی کۆرۆنا کە کاریگەری کردۆتە سەر هەموو جیهان، له گشت بوارەکاندا نەک تەنها هونەر بوەتە هۆی وەستاندنی ژیان بەگشتی، ئەمە خاڵێک وە قەیرانی دارایش راستەوخۆ کاریگەری هەیە لە بواری هونەردا، چوونکە ئاشکرایە کە کاری شانۆ و بەرهەم هێنانی دراما، پێویستی بە هاوکاری دارایی هەیە، کە لەئێستادا ئەو هاوکارییە، هەر نیە گەر هەش بێت زۆر بەکەمی هەیە، بەڵام لەگەڵ هەموو ئەوانەشدا کاری شانۆ و دراما نەوەستاوە، هەندێکجار دەبینرێت کە ئەمەش جێی دڵخۆشی هونەرمەندانە.

لەبارەی نوێترین کاری هونەرییانەوە هونەرمەند ئاشتی کەمال بۆ خەبات گووتی: خەریکی ئامادەکردنی پرۆژەیەکین وەکو کۆمەڵەی هونەرە جوانەکان و سەندیکای هونەرمەندانی کوردستان هیوادارم لە ماوەیەکی نزیکدا بڵاوی بکەینەوە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

ئایا دەوڵەتی شکستخواردووی عێراق لەسەر دووڕیانە؟

د. سـامان سـۆرانی ئەزموونی حوکمڕانی عیراقی پاش ساڵی ٢٠٠٣ نزیکە لە ئەزموونی حوکمڕانی ئەڵمان…