خەبات: عەلی‮ ‬بانیشاری:-
بەوتەی‮ ‬دوكاندارەكانی‮ ‬بازاڕی‮ ‬گەورەی‮ ‬شاری‮ ‬هەولێر پاش تووشبوونی‮ ‬چەند هاونیشتیمانییەك بە ڤایرۆسی‮ ‬كۆرۆنا لە هەرێمی‮ ‬كوردستان جموجوڵی‮ ‬بازاڕ‮ ‬وەكو جاران نەماوە و خاووبووەتەوە‮. ‬ئەوان دەڵێت‮: ‬كەمبوونەوەی‮ ‬سەردانیكردنی‮ ‬بازاڕ‮ ‬و شوێنە گشتییەكان و مۆڵەكان لە پێناو خۆپاراستنی‮ ‬هاونیشتیمانیان لە كۆرۆنا كارێكی‮ ‬باشە و هەوڵەكانی‮ ‬حكوومەتیش بۆ رووبەڕووبوونەوەی‮ ‬ڤایرۆسەكە كاریگەری‮ ‬باشی‮ ‬دەبێت‮. ‬لە دوێنێ شەممەوە هەڵمەتێكی‮ ‬رشتنی‮ ‬دەرمان لەهەولێر و سلێمانی‮ ‬دەستی‮ ‬پێكردووە و بۆ ماوەی‮ ‬چەند رۆژێك بەردەوام دەبێت‮.‬

كەریم سەعید،‮ ‬دوكاندارێكی‮ ‬بازاڕی‮ ‬قەیسەری‮ ‬شاری‮ ‬هەولێرە و دەڵێت‮: ‬لەگەڵ دەستپێكردنی‮ ‬هەنگاوەكانی‮ ‬حكوومەتی‮ ‬هەرێمی‮ ‬كوردستان بۆ رووبەڕووبوونەوەی‮ ‬ڤایرۆسی‮ ‬كۆرۆنا و بڵاوكردنەوەی‮ ‬رێنماییە تەندروستییەكان هاوڵاتیان بەمەبەستی‮ ‬خۆپاراستن و دووركەوتنەوە لە قەرەباڵخی‮ ‬سەردانیكردنی‮ ‬بازاڕیان كەمكردەوە‮. ‬دەشڵێت‮: ‬پاش ئەوەی‮ ‬چەند هاونیشتیمانییەك لە هەرێمی‮ ‬كوردستان تووشی‮ ‬ڤایرۆسی‮ ‬كۆرۆنا بوون جموجوڵی‮ ‬بازاڕ‮ ‬وەكو جاران نەما‮. ‬ئەوەشی‮ ‬گوت‮: ‬خابوونەوەی‮ ‬جموجوڵی‮ ‬بازاڕ‮ ‬تا ئەو كاتە بەردەوام دەبێت كە مەترسی‮ ‬لەسەر ڤایرۆسەكە كەم ببێتەوە‮.

ئەنجوومەنی‮ ‬وەزیرانی‮ ‬هەرێمی‮ ‬كوردستان بڕیاری‮ ‬كەمكردنەوەی‮ ‬بارگرانی‮ ‬ئەو زیانەی‮ ‬داوە كە بەهۆی‮ ‬رێكارەكانی‮ ‬خۆپارێزی‮ ‬لە كۆرۆنا بەر شوێنە بازرگانییەكان دەمەوێت‮. ‬ئەوەش بە راسپاردنی‮ ‬وەزیرە پەیوەندیدارەكان بە جێبەجێكردنی‮ ‬رێكاری‮ ‬یاسایی‮ ‬پێویست لە رێگەی‮ ‬چاوخشاندووە بە كرێ و باجی‮ ‬داهاتی‮ ‬ئەو شوێنانە و بە ئاراستەی‮ ‬كەمكردنەوەیان بە جۆرێك رەچاوەی‮ ‬زیانە داراییەكانیان بكرێت‮. ‬
گەیلان ئومێد،‮ ‬دوكاندارێكی‮ ‬بازاڕی‮ ‬لەنگەی‮ ‬شاری‮ ‬هەولێرە،‮ ‬ئەو دەڵێت‮: ‬پێش بڵابوونەوەی‮ ‬ڤایرۆسی‮ ‬كۆرۆنا جموجوڵی‮ ‬بازاڕ‮ ‬زۆر باشبووە،‮ ‬بەڵام لەو كاتەوە ڤایرۆسەكە ناوچەكەی‮ ‬گرتووەتە خەڵك زۆر كەم سەردانمان دەكەن‮. ‬گەیلان دوكانی‮ ‬جلوبەرگی‮ ‬پیاوانی‮ ‬هەیە و دەشڵێت‮: ‬ئێستا ئەگەر كەسێك زۆر پێویست نەبێت سەردانی‮ ‬بازاڕ‮ ‬و مۆڵ و شوێنە گشتییەكان ناكات،‮ ‬چونكە زۆرینەی‮ ‬رێنماییەكان تەندروستی‮ ‬جێبەجێ دەكەن و قەرەباڵخی‮ ‬دروست ناكەن‮. ‬ئەوەشی‮ ‬گوت‮: ‬ئەو دوكاندارانەی‮ ‬كرێ دەدەن،‮ ‬زیانی‮ ‬زۆر دەكەن،‮ ‬چونكە شتومەك و كاڵاكایان وەكو پێویست نافرۆشرێن و دەبێت سەری‮ ‬مانگیش كرێ بدەنە خاوەن دوكان‮.‬

لە رێنماییەكانی‮ ‬وەزارەتی‮ ‬تەندروستی‮ ‬حكوومەتی‮ ‬هەرێمی‮ ‬كوردستاندا هاتووە بۆ خۆپارستن لە ڤایرۆسی‮ ‬كۆرۆنا دەبێت هاونیشتیمانیان لە شوێنە قەرەباڵخ و داخراوەكان دور بكەونەوە‮. ‬ئاراس ئەسكەندەر،‮ ‬لە بازاڕی‮ ‬شێخەڵڵای‮ ‬لەسەر عەرەبانییەكتوور،‮ ‬تەماتە،‮ ‬بایجان،‮ ‬سلق،‮ ‬خەیار‮‬ی‮ ‬داناوە‮. ‬ئەو گوتی‮: ‬لەگەڵ دەنگۆی‮ ‬بڵابوونەوەی‮ ‬ڤایرۆسی‮ ‬كۆرۆنا جموجوڵی‮ ‬بازاڕ‮ ‬خابوویەوە،‮ ‬جاران ئەم بازاڕە جمەی‮ ‬دەهات،‮ ‬بەڵام ئێستا وا نەماوە و ئەگەر خەڵكی‮ ‬زۆر پێویست نەبن نەیەنە ئێرە‮. ‬گوتیشی‮: ‬پێشتر رۆژانە چەند سندوقە تەماتەیەكم دەفرۆشت،‮ ‬بەڵام ئێستا دابەزیووە بۆ نیووە‮. ‬

ئازاد نادر،‮ ‬لە شەقامی‮ ‬ئیسكان دوكانێكی‮ ‬خواردنی‮ ‬خێرایی‮ ‬هەیە‮. ‬ئەو باسلەوە دەكات بڵابوونەوەی‮ ‬كۆرۆنا تەواو كاری‮ ‬ئەوانی‮ ‬سست كردووە‮. ‬دەڵێت‮: ‬پێشتر رۆژانە نزیكە هەزار لافەی‮ ‬مریشك و جەرگ و فەلافل و فینگەرمان دەفرۆشت،‮ ‬بەڵام ئێستا دابەزیووە بۆ زیاتر لە نیووە‮. ‬ئازاد دەڵێت‮: ‬بۆ سێ هەفتە دەچێت هاوڵاتیان كەمتر لە جاران دێنە لامان و‮ ‬دەرەوە نان دەخۆن‮. ‬ئەوەشی‮ ‬گوت‮: ‬ئەگەر كەسێك ناچار نەبێت ئەوا لەم دۆخەدا ئامادەنییە نانی‮ ‬دەرەوەی‮ ‬بخۆت،‮ ‬چونكە هاوڵاتیان‮. ‬

محەمەد كەریم،‮ ‬پزیشكە لە نەخۆشخانەی‮ ‬منداڵانی‮ ‬فێركاری‮ ‬هەڵەبجە و لە تۆڕی‮ ‬كۆمەڵایەتی‮ ‬فەیسبوك بەردەوام رێنمایی‮ ‬لەسەر ڤایرۆسی‮ ‬كۆرۆنا بڵاودەكاتەوە‮. ‬ئەو دەڵێت‮: ‬تاكە چارەسەر بۆ خۆپاراستن لە كۆرۆنا گرتنەبەری‮ ‬رێوشوێنی‮ ‬تووندترە،‮ ‬كۆرۆنا زۆر لەوە ترسناكترە كە لە تۆڕە كۆمەڵایەتی‮ ‬و دەزگا میدیاییەكان باس دەكرێت‮. ‬دەشڵێت‮: ‬پێویستە هەموو جۆرە قەرەباڵخییەك قەدەغە بكرێت و هاوڵاتیان لە بازاڕ‮ ‬و موڵەكان دور بكەنەوە‮. ‬پێشی‮ ‬وایە ماڵەوە پارێزراوترین شوێنە لە كۆرۆنا‮. ‬ناوبراو ئەوەشی‮ ‬گوت‮: ‬بۆ خۆپارێزی‮ ‬لە ڤایرۆسی‮ ‬كۆرۆنا پێویستە هاتووچۆی‮ ‬نێوان شارەكان لایەنی‮ ‬كەم بۆ ماوەی‮ ‬5 مانگ نەمێنێت‮.‬

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

هونەرمەند ئاشتی کەمال: لە ئێستادا هونەر لە قۆناغێکی هەستیاردا گوزەر دەکات

خەبات: پەریهان عومەر:- هونەرمەند ئاشتی کەمال ئەمین لە دایک بووی ساڵی 1965 لە هەڵەبجەی شەهی…