خەبات‮: ‬هەولێر
ژیان بەبێ توانای‮ ‬بیستن كارێكی‮ ‬قورسە چونكە كەسی‮ ‬نابیست زۆر بە ئەستەم دەتوانێت گفتوگۆ و را گۆڕینەوە لەگەڵ كۆمەڵگا ئەنجام بدات،‮ ‬بۆیەش زۆرجار ژمارەیەكی‮ ‬چەند كەسی‮ ‬لە نابیستان لە شوێنێك كۆدەبنەوە و بە زمانی‮ ‬ئاماژە گفتوگۆ و تاوتوێی‮ ‬ژیان و گوزەران و بابەتەكانی‮ ‬دیكەی‮ ‬رۆژ دەكەن‮.‬
هەرچەندە نابیستان حەز ناكەن لە كۆمەڵگا جیابكرێنەوە و دەیانەوێت وەك هەر كەسێكی‮ ‬دیكەی‮ ‬ئاسایی‮ ‬سەیر بكرێن،‮ ‬بەڵام بێكاری‮ ‬یەكێك لە هۆكارەكانی‮ ‬جیابوونەوە و دابڕانی‮ ‬كەسانی‮ ‬نابیستە لە كۆمەڵگا و هەر ئەمەیش وایكردووە لە رێگای‮ ‬ئامێرەكانی‮ ‬پەیوەندییەوە،‮ ‬بە زمانی‮ ‬ئاماژە گفتوگۆ لەگەڵ‮ ‬یەكتر بكەن و شوێنێك بۆ كۆبوونەوە و دانیشتن دەستنیشان بكەن كە زۆرجاریش پارك‮ ‬یان چایخانەكان هەڵدەبژێرن‮.‬
سەرۆكی‮ ‬كۆمەڵەی‮ ‬نابیستان،‮ ‬ئیبراهیم عەبدولڕەحمان محەمەد،‮ ‬بەزمانی‮ ‬ئاماژە گوتی‮: ‬ئێمە لە ساڵی‮ ‬1992 كۆمەڵەكەمان دامەزراوە،‮ ‬نزیكەی‮ ‬600 ‮ ‬تا‮ ‬700 ‮ ‬ئەنداممان هەیە،‮ ‬سەرەتا كار و چالاكییەكانمان باش بوو تا هاتنی‮ ‬تیرۆریستانی‮ ‬داعش،‮ ‬دوای‮ ‬ئەوە بارودۆخی‮ ‬ئێمەیش وەكو كۆمەڵە خراپ بوو،‮ ‬كێشەی‮ ‬بێكاری‮ ‬زۆر بوو،‮ ‬ئەو بڕە مووچەیەی‮ ‬كە ئێستا وەریدەگرین بەشی‮ ‬پێداویستییەكانی‮ ‬رۆژانە ناكات،‮ ‬ئەمەیش وا دەكات كە كێشەی‮ ‬خێزانی‮ ‬دروست بێت‮.‬
ئیبراهیم عەبدولڕەحمان محەمەد ئاماژە بەوەیش دەكات كە نابیستان ژیان و گوزەرانیان خراپە و جەختیش لەوە دەكاتەوە كە ئەگەر نابیستان بەكاربخرێن ئەوا دەتوانن بژێوی‮ ‬ماڵ و منداڵییان دابین بكەن و گوتیشی‮: ‬نابیستان دەستیان رەنگینە لە بوارەكانی‮ ‬كاری‮ ‬دەستی،‮ ‬بەڵام بەهۆی‮ ‬نەبوونی‮ ‬وەرشەیەك بۆ كاركردن،‮ ‬زۆربەی‮ ‬كاتەكانییان بە خەو‮ ‬یان چایخانەكان بەسەر دەبەن،‮ ‬ئێمە چەند جارێك لەگەڵ لایەنی‮ ‬حكوومەتدا قسەمان كردووە،‮ ‬بەڵام هیچ شتێكمان بۆ نەكراوە‮.‬
سەرۆكی‮ ‬كۆمەڵەی‮ ‬نابیستان ئاماژەی‮ ‬بەوەیشكرد كە چینی‮ ‬نابیست،‮ ‬توێژێك نین كە ئەرك بن بەسەر كۆمەڵگاوە و گوتی‮: ‬هەموو نابیستان دەتوانن پشت بەخۆیان ببەستن و ئەوان ئەرك نین بەسەر كۆمەڵگا و لە زۆر بواردا دەست رەنگینن و ئەگەر شوێنكاریان بۆ دابین بكرێت دەتوانن لە بوارەكانی‮ ‬بەرگدروویی،‮ ‬ئاسنگەریی،‮ ‬دارتاشی‮ ‬و چەندین بواری‮ ‬دیكە كار بكەن و لە هەمانكاتدا سوودیان بۆ كۆمەڵگاش دەبێت‮.‬
پسپۆڕێكی‮ ‬زمانی‮ ‬ئاماژە كە ماوەی‮ ‬زیاتر لە بیست ساڵە لەگەڵ نابیستان كار دەكات،‮ ‬ئاماژە بەوە دەكات كە نابیستان جیاوازن لەخاوەنپێداویستی‮ ‬تایبەت و ئەوان توێژێكن دەتوانن پشت بەخۆیان ببەستن بەهۆی‮ ‬دەستڕەنگینییانەوە،‮ ‬جەختیش لەوە دەكاتەوە كە ئەگەر شوێنكارێك بۆ نابیستان دابین بكرێت ئەوا دەتوانن جگە لەخۆیان سوودیان بۆ دەورووبەریش هەبێت بەهۆی‮ ‬حەز و ئارەزوویان لە كاركردن‮.‬
پسپۆڕی‮ ‬زمانی‮ ‬ئاماژە،‮ ‬شنۆ تاهیر جوامێر گوتی‮: ‬ماوەی‮ ‬21 ‮ ‬ساڵە كار لەو بوارەدا دەكەم،‮ ‬كێشەی‮ ‬سەرەكی‮ ‬نابیستان نەبوونی‮ ‬كارە و ئەمەیش كاریگەری‮ ‬خراپی‮ ‬كردووەتە سەر ژیانیان،‮ ‬نابیستان جیاوازن لە خاوەنپێداویستی‮ ‬چونكە ئەوان دەتوانن پشت بەخۆیان بەستن بە دابینكردنی‮ ‬شوێنێكی‮ ‬كاركردن و دەخوازن مووچەكەیان بدرێت بە كەسانی‮ ‬خاوەن پێداویستی‮ ‬تایبەت و بۆخۆشیان كار بكەن‮.‬
لەبارەی‮ ‬تایبەتمەندییەكان و جیاوازییەكانی‮ ‬نابیستان لەگەڵ كەسانی‮ ‬دیكە،‮ ‬شنۆ تاهیر گوتی‮: ‬جیاوازییەكی‮ ‬وا نییە لەنێوان كەسی‮ ‬ئاسایی‮ ‬و نابیستان،‮ ‬ئەوان خەمی‮ ‬گەورەیان دابینكردنی‮ ‬بژێوی‮ ‬ژیانییانە بۆ خێزانەكانیان،‮ ‬حەز دەكەن لە كۆمەڵگا جیا نەكرێنەوە و دەیانەوێت تێكەڵ بە كۆمەڵگابن‮.‬
لەبارەی‮ ‬پەیوەندییە كۆمەڵایەتییەكانیش،‮ ‬شنۆ تاهیر گوتی‮: ‬نابیستان زیاتر هاوسەرگیری‮ ‬لەگەڵ خۆیاندا دەكەن و هەر ئەمەیش سەركەوتووترە تا ئەوەی‮ ‬لەگەڵ كەسێكی‮ ‬دیكەی‮ ‬دا بیكەن و ئەوانەی‮ ‬لەم كۆمەڵەن هەموو هاوسەرەكانییان نابیستە،‮ ‬بەشێكی‮ ‬زۆریان كێشە لە منداڵەكانیاندا نییە،‮ ‬بەڵام خێزانی‮ ‬ئاواش هەیە كە هەم دایك و باوكەكە و هەم منداڵەكان نابیستن‮.‬
بەگوێرەی‮ ‬داتای‮ ‬یەكێتی‮ ‬جیهانیی‮ ‬نابیستان لەسەرتاسەری‮ ‬جیهاندا،‮ ‬72 ‮ ‬ملیۆن نابیست هەیە،‮ ‬80%ـ‭?‬‮ ‬ئەو ژمارەیە لە وڵاتە هەژارەكان دەژین و زیاتر لە‮ ‬300 ‮ ‬زمانی‮ ‬ئاماژە بەكاردەهێنن‮.‬
زمانی‮ ‬ئاماژە،‮ ‬زمانێكی‮ ‬سرووشتی‮ ‬تەواوكەرە،‮ ‬سەرباری‮ ‬جیاوازی‮ ‬لەگەڵ زمانی‮ ‬قسەكردن كە شانبەشان لەگەڵ‮ ‬یەكدا دەژین،‮ ‬زمانی‮ ‬ئاماژەی‮ ‬نێودەوڵەتی‮ ‬‭?‬ەیە كە نابیستەكان بەكاریدەهێنن لەكاتی‮ ‬گەشتكردنیاندا‮.‬
كۆمەڵەی‮ ‬گشتی‮ ‬سەربە نەتەوە‮ ‬یەكگرتووەكان،‮ ‬لە‮ ‬19ـی‮ ‬كانوونی‮ ‬یەكەمی‮ ‬ساڵی‮ ‬2017، بڕیاریدا‮ ‬23ـ‭?‬‮ ‬ئەیلوولی‮ ‬هەموو ساڵێك ببێت بە رۆژی‮ ‬نێودەوڵەتی‮ ‬زمانی‮ ‬ئاماژە لەپێناو بایەخدان و گرنگیپێدان بە‮ ‬زمانی‮ ‬ئاماژە‮.‬

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

با هەموومان پاڵپشتی‮ ‬پلان و بەرنامەی‮ ‬چاكسازی‮ ‬حكوومەتی‮ ‬هەرێمی‮ ‬كوردستان بین

زیرەك‮ ‬ڕواندزی لە هەر وڵاتێكدا كارێزمایەك هەیە بۆ ئەوەی‮ ‬خزمەت بە گەل و نیشتمان بكات،‮ ‬…