خەبات: دلێر ئیبراهیم‮ ‬
سەرەتای‮ ‬ساڵی‮ ‬نوێی‮ ‬ئەمازیغی‮ ‬2969 لە رۆژی‮ ‬12/1/2019، دەستپێدەكات،‮ ‬بەم بۆنەیەوە پیرۆزبایی‮ ‬لە گەلی‮ ‬ئەمازیغی‮ ‬دۆست و برا دەكەین،‮ ‬بەهیوای‮ ‬ئەوەی‮ ‬هەردوو گەلی‮ ‬كوردستان و ئامازیغ‮ ‬بە تەواوی‮ ‬مافە رەواكانیان بگەن لە سەربەخۆیی‮ ‬و ئازادیدا‮. ‬هەردوو گەلی‮ ‬كوردستان و ئامازیغ‮ ‬سەرەڕای‮ ‬دووری‮ ‬سنووری‮ ‬جوگرافی‮ ‬نێوانیان بەڵام هەمیشە لە قۆناغە جیاجیاكانی‮ ‬خەباتیاندا هاوسۆزی‮ ‬یەكترن‮. ‬هەمیشە گەلی‮ ‬كوردستان پاڵپشتی‮ ‬خۆی‮ ‬بۆ گەلی‮ ‬ئامازیغی‮ ‬دووپاتكردۆتەوە لە وەدەستهێنانی‮ ‬سەربەخۆیی‮ ‬لە زەوییە داگیركراوەكانی،‮ ‬لەلایەن وڵاتانی‮ ‬مەغریبی‮ ‬عەرەبی،‮ ‬ئەمازیغ‮ ‬هەمیشە لەلایەن دەسەڵاتەكانی‮ ‬ئەو وڵاتانە دژایەتی‮ ‬كراون و سەدان شەهیدیان لەو پێناوەدا بەخشیوە‮.

‬پارساڵ كاتێ سەرۆكی‮ ‬جزائیر‮ “‬عەبدولعەزیز بۆتەفلیقە‮” ‬بڕیاریدا سەرەتای‮ ‬ساڵی‮ ‬نوێی‮ ‬ئەمازیغی،‮ ‬بكرێتە پشووی‮ ‬فەرمی‮ ‬لە سەرتاسەری‮ ‬وڵات،‮ ‬ئەمە خۆی‮ ‬لەخۆیدا دانپێدانان بوو بە مافە رەواكانی‮ ‬گەلی‮ ‬ئەمازیغ‮ ‬و هەنگاوێكی‮ ‬گرنگ بوو لە وەدیهێنانی‮ ‬مافەكانیان لە جەزائیر و تەواوی‮ ‬ناوچەكەدا و،‮ ‬بەمەش لاپەڕەیەكی‮ ‬نوێ لە خەبات و چالاكی‮ ‬مەدەنی‮ ‬ئەمازیغیەكان كرایەوە و سەركەوتنێكی‮ ‬دیكەیان تۆماركرد لە پێناوی‮ ‬پتەوكردنی‮ ‬كلتوور و هونەر و تەواوی‮ ‬لایەنەكانی‮ ‬تری‮ ‬گەلی‮ ‬ئەمازیغی‮. ‬هەروەها بڕیاری‮ ‬سەرۆكی‮ ‬جەزائیری‮ ‬بۆ ئامادەكردنی‮ ‬پرۆژە بڕیاری‮ ‬دامەزراندنی‮ “‬ئەكادیمیای‮ ‬جەزائیری‮ ‬بۆ زمانی‮ ‬ئەمازیغی‮” ‬دەستكەوتێكی‮ ‬دیكە بوو،‮ ‬لەگەڵ زیادكردنی‮ ‬زمانی‮ ‬ئەمازیغی‮ ‬بۆ پرۆگرامەكانی‮ ‬خوێندن،‮ ‬كە ئەمانە دەستكەوتی‮ ‬گرنگن بۆ برا ئەمازیغییەكان‮. ‬پێشتریش لە ساڵی‮ ‬2014 زمانی‮ ‬ئەمازیغی‮ ‬كرایە زمانێكی‮ ‬نیشتمانی،‮ ‬لە گۆڕانكارییە دەستوورییەكانی‮ ‬ئەو ساڵەدا،‮ ‬لەمیانی‮ ‬دیدار و چاوپێكەوتنە بەردەوامەكانم لەگەڵ هاوڕێ ئامازیغییەكان لە رۆما،‮ ‬هەمیشە هاوسۆزی‮ ‬و پشتیوانی‮ ‬بەردەوامی‮ ‬خۆیان بۆ گەلی‮ ‬كوردستان و مافە رەواكانی‮ ‬دووپات دەكردەوە‮. ‬هەر لێرەشەوە بەبۆنەی‮ ‬سەری‮ ‬ساڵی‮ ‬نوێی‮ ‬ئامازیغی‮ ‬2969 پیرۆزبایی‮ ‬لە گەلی‮ ‬ئەمازیغی‮ ‬دەكەین،‮ ‬بەهیوای‮ ‬هێنانەدی‮ ‬تەواوی‮ ‬مافەكانیان لە وڵاتی‮ “‬تامازیغا‮”.

‬دۆزی‮ ‬رەوای‮ ‬گەلی‮ ‬كوردستان هەمیشە ئامادە بووە لە وتوێژ و بەیاننامە و چالاكییەكانی‮ ‬بزاڤی‮ ‬ئەمازیغی‮ ‬لە وڵاتەكانیان و لە چالاكییە مەدەنییەكانیان لە ئەوروپا چونكە نزیكترین دۆز لە گەلی‮ ‬ئەمازیغی،‮ ‬دۆزی‮ ‬رەوای‮ ‬گەلی‮ ‬كوردستانە،‮ ‬هەردووكیان هەمان رەهەند و ناڵە و ئازاریان هەیە،‮ ‬سەرەڕای‮ ‬سنوورداری‮ ‬پەیوەندی‮ ‬نێوان هەردوولا بەهۆی‮ ‬دووری‮ ‬جوگرافی‮ ‬لە نێوانیان‮. ‬ئەمازیغییەكان هەمیشە دروشمی‮ “‬كورد و ئەمازیغ‮ . ‬دوو گەل و‮ ‬یەك دۆز‮” ‬و‮ “‬یەك دۆز و چارەنووسێكی‮ ‬هاوبەش‮” ‬بەرزدەكەنەوە و هەردوولا بەهیوای‮ ‬پتەوكردنی‮ ‬پەیوەندی‮ ‬نێوانیانن‮. ‬ئەمازیغییەكان بەهیوای‮ ‬هێنانەدی‮ ‬مافەكانیانن بە درێژایی‮ ‬پانتایی‮ ‬وڵاتانی‮ ‬مەغریبی‮ ‬عەرەبی‮ ‬لە سنووری‮ ‬لیبیا و میسڕەوە تا دەگاتە كەناراوەكانی‮ ‬وڵاتی‮ ‬مەغریب و لە باشووریشەوە بە ئاراستەی‮ ‬بیابانی‮ ‬مەزن‮. ‬ئاڵای‮ ‬ئەمازیغی‮ ‬لە سێ هێڵی‮ ‬ئاسۆیی‮ ‬و بە سێ رەنگی‮ ‬جیاواز شین و سەوز و زەرد پێكهاتووە،‮ ‬لە ناوەراستیش هێمای‮ “‬ئازا‮” ‬بە‮ ‬ڕەنگی‮ ‬سوور نەخشێندراوە.رەنگی‮ ‬شین‮: ‬هێمایە بۆ دەریای‮ ‬سپی‮ ‬ناوەڕاست و ئۆقیانووسی‮ ‬ئەتڵەسیرەنگی‮ ‬سەوز‮: ‬هێمایە بۆ سروشت و چیا سەوزەكانی‮ ‬باكوور،‮ ‬رەنگی‮ ‬زەرد‮: ‬هێمایە بۆ لمی‮ ‬بیابانی‮ ‬مەزن،‮ ‬رەنگی‮ ‬سوور‮: ‬هێمایە بۆ‮ ‬ڕەنگی‮ ‬شەهیدانی‮ ‬ئەمازیغ‮ ‬لە قۆناغە جیاجیاكانی‮ ‬خەباتیاندا‮.‬

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

هونەرمەند ئاشتی کەمال: لە ئێستادا هونەر لە قۆناغێکی هەستیاردا گوزەر دەکات

خەبات: پەریهان عومەر:- هونەرمەند ئاشتی کەمال ئەمین لە دایک بووی ساڵی 1965 لە هەڵەبجەی شەهی…