وه‌زاره‌تی ته‌ندروستی عێراق ئامارێكی تایبه‌ت به‌ ڤایرۆسی كۆرۆنای بڵاوكرده‌وه‌ و رایگه‌یاند: له‌ دوێنێه‌وه‌ تا ئه‌مڕۆ 4043 كه‌سی دیكه‌ تووشی ڤایرۆسی کۆرۆنا بوون.

ئه‌مرۆ چوارشه‌ممه‌ 2020/10/28 وەزارەتی تەندروستی و ژینگه‌ی عێراق ئاماری 24 كاتژمێری رابردووی تایبه‌ت به‌ ڤایرۆسی كۆرۆنای بڵاوكرده‌وه‌ رایگەیاند: 4043 كه‌سی دیكه‌ تووشی ڤایرۆسی کۆرۆنا بوون، 2929 تووشبوو بە تەواوەتی چاكبوونەتەوە و 46 تووشبووش گیانیان لەدەستداوە.

له‌ راگه‌یه‌ندراوه‌كه‌ی وه‌زاره‌تی ته‌ندروستیدا هاتووه‌، تێکڕاى تووشبووان بە کۆرۆنا لە سه‌رتاسه‌ری عێراق گه‌یشته‌ ‌‌463951 تووشبوو.

وه‌زاره‌تی ته‌ندروستی عێراق ده‌ڵێت: 391010 تووشبووش چاکبوونەته‌وه‌ نه‌خۆشخانه‌كانیان جێهێشتووه‌، رێژه‌ی چاکبوونەوە واتا (%84.3)ى کۆى تووشبووان.

وه‌زاره‌تی ته‌ندروستی عێراق ده‌شڵێت: له‌ ئێستادا 62171 تووشبوو له‌ ژێر چاودێریدان و 420 تووشبووش له‌ ژێرچاودێری چڕ چاره‌سه‌ریان بۆ ده‌كرێت.

له‌ به‌یاننامه‌كه‌ی وه‌زاره‌تی ته‌ندروستیدا هاتووه‌، ژماره‌ی گیان له‌ده‌ستدان له ‌سه‌رتاسه‌ری وڵات تا ئه‌مڕۆ چوارشه‌ممه‌ گه‌یشته‌ 10770 كه‌س.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

بۆ ناردنی 320 ملیار دیناری ھەرێمی كوردستان كازمی دەیەوێت كۆدەنگییەك دروست بكات

ئەمڕۆ بەشیر حەداد، جێگری سەرۆكی پەرلەمانی عێراق و مستەفا كازمی، سەرۆك وەزیرانی عێراق كۆبوو…