سەروەر ئەحمەد: زۆر گرنگە مێژوو و سەروەریەكانی گەلەكەمان ئەرشیف و تۆماربكرێن و بەنەوەی داهاتوو ئاشنا بكرێن

0
138

خه‌بات: بەرهەم شێخ عزەدین:- سەروەر ئەحمەد مەحمود لە 23/11/1989 لە گەڕەكی ڕزگاری شاری سلێمانی لە دایكبووە، بازرگانیی تەواو كردووە و ساڵانێكە لەكەناڵەكانی راگەیاندن كاردەكات، لەڕێی هاوڕێیەكییەوە دەستی بەكاری وێنەگری كردووە ئەمانە وتەی دەستپێكی وەڵامەكانی ئەو وێنەگرە بوو كە بۆ(خەبات)ی كرد.

*تاچەند گرنگە مێژوو سەروەرییەكانی كورد ئەرشیف بكاو بە نەوەی داهاتووی ئاشنا بكات ؟
بێگومان، زۆر گرنگە مێژووی سەروەریەكانی گەلەكەمان ئەرشیف و تۆماربكرێن و بە نەوەی داهاتوو ئاشنا بكرێت.

*وێنەگرانی كورد، لەبواری وێنەگرتندا، تا چەند لە ڕووی تەكنیكەوە پێشكەوتنیان بەدەستهێناوە؟
وێنەگری زۆر باشمان هەیە لە ڕووی تەكنیكەوە زۆر باشن، دەتوانن كاری زۆر گەورەو باش ئەنجام بدەن.

*دراماو فیلمە كوردییەكان ، زۆرجار لە رووی وێنەگرتنەوە رووبەڕووی ڕەخنە دەبنەوە، كە وەكو پێویست نییە ،ئەمە هۆكاری چییە؟
لە ڕووی وێنەگرتنەوە ئەگەر ڕووبەڕووی ڕەخنە ببینەوە ئەوە خەتای دەرهێنەرە ،چونكە بۆ زۆربەی ئیشەكانی ئێستا وێنەگر لە دەرەوەی وڵات ئەهێنن!

*تاچەند رێز لەماندوو بوونی وێنەگر گیراوە لەكوردستاندا؟
تا ڕادەیەك ، بەس زەرورە زۆرتر وێنەگری خۆمان بەكار بهێنرێت.

*تا چەند راستە، دەڵێن درامایەك یان گۆرانییەكی سەركەوتوو هۆكارەكەی وێنەجوانەكەیەتی؟
تا ڕادەیەكی زۆر ئەم پرسیارە راستە، چونكە وێنەگر ئەبێت شارەزاییەكی باشی لە دەرهێناندا هەبێت.

* بەلای تۆوە تا چەند گرنگە گۆرانی كلیپی بۆ بكرێت؟بۆ؟
تاڕادەیەكی زۆر لەگەڵ ئەوەدام گۆرانی كلیپی بۆ بكرێت، چونكە كلیپ هۆكارێكە بۆ ناساندن و بینینــــی بــەرهـــەمەكـــە.

*بۆ گۆرانییەكانی ئێستا، بە كلیپیشەوە وەكو ڕابردوو نامێننەوە؟
لـــەبەر ئەوەی تێكستـــەكانی یــان هۆنراوەكانــی ئێستا چێــــژی ڕوحی نـییەو تەنها بۆ سۆشــــیال میــدیایە.

*تاچەند كـــولتورو ڕەسەنـــایەتی كوردی پـــارێزراوە؟
بەڕادەیەكـــی لاواز، لە كلیپ و دراما كوردیەكاندا، كلتـــوری كوردی مـــاوەتەوە.

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

لەیادی ریفراندۆمە پیرۆزەكەی كوردستاندا، دەبێ چاوەڕێی دەرفەتێك بكەین

نیان ئەحمەد 25\9\2017 رۆژێكی مێژوویی بوو بۆ نەتەوەی كورد لە ماوەی سەد ساڵی ڕابردوو لە داگی…