فارس قادر فەقێ عەبدوڵلا
تەمەنی ریفراندۆم بۆ سەربەخۆیی كوردستان سێ سالی تێپەراندو كە لە 25/9/2020 ئەم سال سێیەم مۆمی تەمەنی لە كوردستان داگیرسا بە كوێرایی چاوی دوژمنان و خۆفرۆشان ئێستا وا پێ دەنێتە ناو چوارەمین سال لە تەمەنی, شوكر بۆ یەزدان ئەم ریفراندۆمە بە هیمەتی ریفراندۆمچیەكان بە برواو قەناعەتی 92.7% گەلی كورد لە كوردستانی باشور وە بە دل خۆشی و پالپشتی هەموو كوردێكی بەشەرەف و ئازادیخواز لە گشت جیهان بە تایبەت لە هەرچوار پارچەكەی كوردستان وە لە كوردانی جۆرجیاو روسیاو لوبنان و ئوردن و ئەرمینیاو مصر و هەموو ئەوانەی چەندین سەدە بەر لە ئێستا بەهۆی كوردبوونیان ئاوارە و دەربەدەر بوونە بەلێ توانی لەسەر پێی خۆی بمێنێ و رەگی خۆی داكوتێ وەك كۆرپەیەكی جوان و چاوگەش.

لە ماوەی ئەو سێ سالە رۆژ بە رۆژ جوانتربێت و بەژن و بالای گەورەتربێت و بۆن و بەرامی كوردستان بۆن خۆشتر بكات بەلێ ئەمرۆ بەرەو ساڵی چوارەم دەچین پێ دەنێینە ناو رۆژانی سەرەتا لە سالی چوارەم ئێمەی ریفراندۆمچیەكان دەلێن ریفراندۆمەكەمان ئاسویەكی روناكتری بۆ دەردەكەوێ ئەویش ئەوەیە هەموو جیهان لە دۆستان و دوژمنان و خۆفرۆشانیش دەبێ بزانن كە ئیرادەی گەل دەبێ سەركەوێ دەنگی میللەت دەبێ كپ نەكرێ وە كپیش ناكرێ.

ئەگەر لێرەو لەوێ بەربەست لەبەر رێرەوی داخوازیەكانی گەلی كورد دروست بكرێ یان دروستكرابێ دەبێ بزانن تەوژمی 92.7% داخوازیەكانی ریفراندۆمچیەكان و سەربەخۆیی خوازەكانی گەلی كورد زۆر گەورەترە لە پلان وپیلانی دوژمنان و خۆفرۆشان بەلێ ئەو تەوژمە هەموو بەربەستێك دەروخێنێ و تێك دەشكێنێ بەلێ ئەمرۆ كە تەمەنی ریفراندۆم سێ سالی تەواوكرد و پێی نایە چوارەم سالی تەمەنی ئەم داخوازیە رەوایەی گەلی كورد وەك دەریایەكی پەنگ خواردووی چ ئێستا ئەمرۆ یان سبەی دەتەقێتەوە بەسەر سەری دوژمنان و خۆفرۆشەكان, ریفراندۆم لای مردووەكان مردووە و لای زیندووەكان نەك هەر زیندووە وە نەمرە.

بەلێ ریفراندۆمچیەكان هەریەكەو بە شێوازێك باسی ئەو رووداوە مێژووییە دەكەن لە هەمووشیان جوانتر باسكردنی پێناسەی پێشمەرگەو خەباتگێری ریفراندۆمچی باوكە شەهیدی سەربەرزی رێگای شەرەف و كەرامەت هەڤال (حەمەی حاجی محمود)ە لە (رۆژنامەی خەبات ژمارە (6009) لاپەرە (1) سێ شەمە 22/9/2020)دا هاتووە لە چاوپێكەوتنی لەگەل دەنگی ئەمریكای كوردی دەفەرمووێت (ریفراندۆم قۆچانی رەشە یان بلێین تاپۆی رەشە بە دەست گەلی كورد) وە دەفەرمووێت ئەم ریفراندۆمە مێژوویەكی پرسەروەریە كە لە سەر دەستی رۆلەو پێشمەرگە و سەرۆك و سەركردەی كورد مسعود بارزانی ئەنجامدراوە مێژوویەكی پر لە سەروەریە كە بەناوی خۆی تۆماریكرد ئەم قسانەی بەرێز كاك حەمەی حاجی محمود واقعێكە وە راستیەكی مێژووییە كە بەرێزیان شاهیدێكی گەورە دەدات بۆ پارتی و بارزانی و رێبازە پیرۆزەكەی منیش دەلێم راستە ریفراندۆم قۆچانی رەشە بەلام بۆ زیادەی فەرموودەكەی ئەم وولاتەمان نەكریوە زۆرجار قۆچانی رەش لە دەست دوژمنان بووە و خۆیان دروستیان كردووە و زولمی پێ كراوە گەر بگەرێنیەوە بۆ مێژوو دەولەتی عوسمانی ئەم وولاتەیان بە كەیفی خۆیان ناوناوە بە ناوی توركی و ملك و مالی هەژارنیشینانی داوە بە دەرەبەگە خۆفرۆشەكانی ئەو سەردەم بە ناویان كردوون قۆچانی رەشیان بۆیان دروستكردووە لە پاشان حكومەتە یەك لە دوا یەكەكانی عیراقیش تا دەگاتە صدام حسین وە ئەو فەرخە صەدامانەی كە ئێستا لەسەر دەستەلاتن ئەوانیش هەروایان كردووە وە لە توركیاش پاش لەناوبردنی شۆرشی شێخ سعیدی پیران سەدان شوێنی كوردیان داوە بە تورك و قۆچانی رەشیان بۆ دروستكردوون لە سوریاو لە ئیرانیش خراپترە بەلێ ئەم قۆچانە گرنگە بەلام زۆر شوێنی كوردستان لە دەستچوون قۆچانیان بە ناوی تورك و عەرەب و عەجەم و فارس كراون, دەبێ ئێمە ئەوە بزانین قۆچانی حەقیقی و قۆچانی بەهێز ئامادەبوون و یەكگرتنی گەلی كوردە گەر قۆچانیشمان هەبێ بەلام مالی كورد یەك نەبێ مولكە (تاپۆ) بە ناوەكەمان یان بلێین مالەكەمان هەر بە داگیركراوی دەمینێ كە خاوەنی قۆچانی رەش لە سەر زەوی ئامادەنەبێ نە قۆچان دەمینێ نە زەوی.

بەلێ بە قۆچان و بێ قۆچان ئەو وولاتە وولاتی ئێمەیە وولاتی كوردە بەلام گرنگ ئەوەیە ئەو كوردە هەمووی كوری ئەو وولاتە بێ, بەلێ ریفراندۆم نەمرە نامرێ قۆچانە تاپۆی رەشە بەلام یەك نەگرین با هەر خاوەن قۆچانین و مالبین خۆ پێشتریش هەموو كورد دەیزانی ئەو وولاتە وولاتی ئەوە ریفراندۆم بۆ كورد نەبوو و نەكراوە بۆ ئەوەبوو بە جیهان و بە گەلانی تر بلێین كوردستان مالی ئێمەیە. ئەوە گووتمان بەلێ مالی ئێمە بووە بە گوێی جیهانماندا دركاند جارماندا, رامانگەیاند بەلێ ریفراندۆم لە دایك بوو ناشمرێ و نەمرە ئەوەی ئەوكات لە گەل ریفراندۆم داوامانكرد و داوای دەكەین ئێستاش سەربەخۆییە كە ئاوات و خواست و مافی هەموو ئازادی خوازێكی كوردە تەنها كویلەكان نەبێ ئەوانەش ئەوانەن كە لە ناو ناخی خۆیان ناتوانن ئازادی بدەن بە خۆیان نانی نۆكەریان خواردووە كە ئەمەش بۆماوەییە لە باب و باپیرانیان و ناخ مردوون ئەوانەش هیچ نین و لەناوخۆیان خەریكە دەتاوێنەوە و رۆژ بە رۆژ وەك هەلم تێكەل بە رەشەبای رق و كینەی میللەت دەبن و بزردەبن, بەلێ ریفراندۆمی سەربەخۆیی لە سەر پێیە و نەمرە و بەهێزە لە لوتكەیە بالای بەرزەو سەربەخۆیش وا لە رێیە, سەرۆك مسعود بارزانی بناغەی داناوە و گەلی كوردیش بینای دەكا هەر بە هیمەی ئەو سەرۆكە دەولەت لە دایك دەبێ ئەو ئەندازیارە و رێنیشاندەرە بۆیە كورد بروای پێی یەو چاو لە رێیە.

* ئەندامی ئەنجومەنی سەركردایەتی پارێزگای هەولێر (پ.د.ك)

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

وەزیری پەروەردە: بەداخەوە هەندێ‌ جار ئەم پرسانە بۆ موزایەدە بەكار دەهێنرێت، دەیانەوێت موزایەدە بخەنە ناو كەرتی پەروەردە

خەبات: رۆشنا عەلی:- وەزیری پەروەردە لە میانەی كردنەوەی قوتابخانەی شاری مامۆستایانی بنەڕەتی…