دۆرینا دیمیتار: راهێنەری لاوانی یەكێتی شەترەنجی هەنگاریا راهێنانم پێدەكات

0
182

خه‌بات: هاوار مورتكەیی:- دۆرنا دیمیتار Dorina Demeter خانمە شەترەنجزانە لاوەكەی هەنگاریا، یەكێكە لە شەترەنجزانە دیارەكانی ئەمڕۆی هەنگاریا و تەنانەت ئەورووپاش، بەتایبەتیش دوای ئەوەی لە یەكێ لە پێشبڕكێیەكانی وڵاتەكەی توانی لە پیا كراملینگی پالەوانی ئافرەتانی جیهانی بباتەوە، ئەمە بۆ ئەو پازدانێكی گەورە بوو لە كاروان ژیانی وەرزشی و زیاتر بایەخ بەخۆی بدات، ئەوەبوو زۆلتان ریبیلی بووە راهێنەری كە راهێنەری لاوانە لە یەكێتی شەترەنجی هەنگاریا، لاپەڕەی وەرزشی رۆژنامەی خەبات چەند پرسیارێكی لەبترەی خەون و ئەنجامەكانی لێكرد و بەمشێوەیە وەڵامی داوە.

بروانامەی مامۆستای نێودەوڵەتی
دۆرینی تەمەن 15 ساڵان دەڵێت: كاتێك تەمەنم 17 ساڵ بوو توانیم بڕوانامەی مامۆستای نیودەوڵەتی شەترەنجی ئافرەتان بەدەست بهێنم، كە ئەمەش بۆ من لەوتەمەنەدا زۆر گرنگ بوو، لەشاڵی 2018 بەشداری پاڵەوانێتی جۆدێت پۆڵگارم كرد و لەوێ كەوتمە بەرامبەر پیا كراملینگ كە هەڵگری ناسناوی ئافرەتانی جیهانە، خۆشبەختانە توانیم ئەو یارییە ببەمەوە، ئەمە زیاتر هانیدام كاتەكانم بۆ یاری شەترەنج تەرخان بكەم، بەتایبەتیش لەوەی كە وازم لەخوێندن هینابوو، دواتر لەگەڵ زۆلتان ریبیلی هەڵگری بڕوانامەی گراندماستەرە و لەهەمان كاتیش راهێنەری لاوانە لە یەكێتی شەترەنجی هەنگاریا، ئەو ئێستا راهێنەرمە، رۆژانە راهێنان دەكەم و لەگەڵ ئەوەشدا هەوڵی فێربوونی زمانی ئینگلیزی دەدەم و لەهەفتەیەكدا 15 كاتژمێر وانەی فێربوونی ئینگلیزی دەخوێنم، بۆئەوەی بتوانم زیاتر بایەخ بە وەرزشەكەم بدەم.

دووجار پاڵەوانی هەنگاریا بووە
دواتر دۆرینای كچەشەترەنجزانی لاوی هەنگاری گوتی: دەسكەوتم زۆرن، بەڵام بەپێویستی دەزانم ئاماژە بەو ئەنجامانەم بدەم كە شانازی پێوەدەكەم، لەوانە لەخوار تەمەنی 8 و 10 ساڵیدا توانیم ببمە پاڵەوانی هەنگاریا، دواتر كەتەمەن بووە 11ساڵ و 11 مانگ توانیم بڕوانامەی مامۆستای نێودەوڵەتی ئافرەتان بەدەست بهێنم WFM ، هەروەها توانیم یەكەمی پاڵەوانێتی جۆدێت پۆلگار بەدەست بهێنم لە ساڵی 2017، هەروەها پاڵەوانێتی دواتر لە ساڵ 2018، ئێستاش لەبەر بڵاوبوونەوەی ئەو پەتایە لەرێگای ئۆنلاینەوە بەشداری پاڵەوانێتییەكان دەكەین و هەروەها راهێنانەكانیشم لەگەڵ راهێنەر لەرێگای ئۆنلاینەوەیە.

گەیشتە هەڵبژاردەی ئۆڵۆمپی
لەسەروبەندی تەواوكردنی ئەم دیمانەیە بوو دۆرینا پەیوەندی پێوەكردم و گوتی هەواڵێكی خۆشم پێیە حەزەكەم لە دیمانەكەدا ئاماژەی بۆ بكەی كە هاتنەدی خەونێكی دیكەمە، ئەویش لە ریزی هەڵبژاردەی ئۆڵۆمپی هەنگاریا وەرگیرام ئیتر لەمەودوا بەدرێسی هەڵبژاردەی هەنگاریا بەشداری لە ئۆڵۆمپیادەكانی جیهانی دەكەم و بگومان لەمەش خۆشتر نییە نوێنەرایەتی وڵاتەكەت بكەی بەشەدارییە ئۆڵۆمپییەكاندا، بۆیە زۆر دڵخۆشم و لەهەمان كاتش هەستەكەم ئەركەكەم قورستر بووە، چونكە كاتی زیاترم دەبێ بۆ راهێنان و شیكردنەوەی یارییەكان تەرخان بكەم.

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

لەیادی ریفراندۆمە پیرۆزەكەی كوردستاندا، دەبێ چاوەڕێی دەرفەتێك بكەین

نیان ئەحمەد 25\9\2017 رۆژێكی مێژوویی بوو بۆ نەتەوەی كورد لە ماوەی سەد ساڵی ڕابردوو لە داگی…