ده‌زگای روانگه‌ به‌ هاوكاری رێكخراوی GIZی ئه‌ڵمانی 15 قوتابخانە نۆژەندەكاتەوە

0
369

خەبات: رۆشنا عەلی –
ده‌زگای ڕوانگە بە پاڵپشتی دارایی رێكخراوی جیزی ئەڵمانی GIZ پانزە قوتابخانەی لەشارەكانی هەولێرو دهۆك نۆژەنكردەوە ، لە مەراسیمی تەواوبوونی كاری ئەو قوتابخانەیەدا ڕێوڕەسمێك بەو بۆنەیەوە لە قوتابخانەی بابانی بنەڕەتی سازكرا ، لەو ژمارەیەش 10 قوتابخانە لە شاری هەولێرو پێنج قوتابخانە لەشاری دهۆك نۆژەنكراونەتەوە و بەوتەی ڕێكخراوەكەش زیاتر لە 7000 قوتابی و مامۆستا سوودمەند بوون.

عەبدولسەلام مەدەنی بەڕێوەبەری پەیوەندییەكانی ده‌زگای ڕوانگە لەوتەیەكیدا ئاماژەی بەوەكرد كە كۆی بڕی تێچووی پڕۆژەكە ملیۆن و نیوێك یۆرۆ بووە و هەروەها ئاماژەی بەوەشكرد كە تائێستا 67 قوتابخانەیان نۆژەنكردۆتەوە 163 پڕۆژەی پەروەردەییشیان ئەنجامداوە ، هەروەك ئاماژەی بەوەشكرد كە لەم پڕۆژەیەدا 985 كەس خراونەتە سەر كار لە هەردوو ڕەگەز، لە لێدوانێكی تایبەتیشیدا بۆ ڕۆژنامەی خەبات مەدەنی ئاماژەی بەوەدا كە ئەوان تەنها لە بواری نۆژەنكردنەوە پڕۆژەی پەروەردەییان نییەو بگرە چەندین خولی ئۆنلاینییان بۆقوتابیانی پۆلی 12ی ئامادەیی لە وانەی بیركاری بێ‌ بەرامبەر كردۆتەوە ، جگە لەوە چەندین خولیان بێ‌ بەرامبەرو بە هاوكاری ڕێكخراوی یونسێف بۆ100 توێژەری كۆمەڵایەتی كردۆتەوە.

لە وتەیەكیدا پشتیوان سادق وەزیری پەروەردە سوپاسی ڕێكخراوەكەی كردو ئاماژەی بەوەدا كە ڕێكخراوەكە هەردەم پاڵپشتی پرۆسەی پەروەردە بوون هاوكات لەگەڵ ڕێكخراوی كویكای كۆری هەروەها ئاماژەی بەوەش دا كە قوتابخانەكان بەردەوام پێویستییان بە نۆژەنكردنەوەیە، پشتیوان سادق وەزیری پەروەردە ئاماژەی بەوەدا كە ئەركی مامۆستایان و ئیدارەی قوتابخانەكانە قوتابیان هانبدەن و فێریان بكەن كە قوتابخانەكەیان بپارێزن و خاوینی ڕابگرن، بەو شێوەیەی ئێستا بهێڵرێتەوەو ڕێگا نەدرێت بە ئاسانی پیس بكرێت ، هەروەها وەزیری پەروەردە ئەوەی ڕاگەیاند كە تا ئێستا چەندین پڕۆژەی قوتابخانەی تەواونەكراو راگیرابوو ، بەڵام حكومەتی هەرێمی كوردستان بڕیاری داوە مانگانە زیاتر لە ملیارێك و نیو دینار تەرخانبكات بۆ تەواوكردنی ئەو پڕۆژانەی كە تەواونەكراون وەلە مانگی ڕابردووەوە بەكردەوە دەستمان پێكردووە ، جگە لەوەی لە ساڵی ڕابردوەوە 2000 قوتابخانە لەڕێگای حكومەت و خەڵكانی خێرخواز دروستكراوەو نۆژەنكراوەتەوە.

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

بەڕێوەبەری ئاوی سۆران: هەر هاوبەشێك پێوەری ئاوی نەبەستبێت، لەم مانگە بە دواوە مانگانە پسوولەی 100 هەزار دیناری بۆ دێتەوە

خەبات: رەنجبەر بەرزنجی – سۆران:- ئەگەرچی ماوەی چەندین ساڵە لە لایەن حكوومەتی هەرێمی كوردست…