خەبات‮: ‬هەلز عەلی‮ ‬سەلیم
لسالا‮ ‬2014ێ،‮ ‬تیرۆرستێن داعشێ هێرش كرنە لسەر ئاخا كوردستانێ،‮ ‬بەلێ پێشمەرگەیێ كوردستانێ كەتە دچەپەرێن بەرخودانیێ دانە دژی‮ ‬تیرۆرستان‮ ‬،‮ ‬دووڤدا ل سالا‮ ‬2017ێ و پشتی‮ ‬روودانێن‮ ‬16ی‮ ‬ئیكتوبەرێ حەشدا شەعبی‮ ‬و سوپایێ عیراقێ هەولا داگیركرنا كوردستانێ كر،‮ ‬ژبەر ڤێ ئێكێ پێشمەرگە دگوت‮ ‬دێ ئاخا خوین ژ برسا و ڤێ ئاخێ بەرنادەین ژ ترسا‮‬،‮ ‬دسالیادا ڤێ روودانا دیروكی‮ ‬و دەستكەفتا مەزن مە ئەڤ راپورتە دروستكریە‮.‬

ل‮ ‬25ی‮ ‬ئیكتوبەرا سالا‮ ‬2017ێ،‮ ‬ل میحوەرێ تلسقوف حەشدا شەعبی‮ ‬و سوپایێ عیراقێ هەولا داگیركرنا كوردستانێ كر،‮ ‬ژبوو ڤێ ئێكێ مقدم مەناف بیری‮ ‬دناڤ هێزێن پێشمەرگەیی‮ ‬دا ل میحوەرێ تلسقوف گۆت‮:” ‬ل سپێدەهیا‮ ‬25ی‮ ‬ئیكتوبەرا سالا‮ ‬2017ێ،‮ ‬سوپا عیراقێ و حەشدا شەعبی‮ ‬بەرەڤ سەنگەرێن پێشمەگەیی‮ ‬ڤە هاتن،‮ ‬نیزیكی‮ ‬ساتران بوون و تا سەد هەمەر و باژەر دگەلدا بوون،‮ ‬كو سوپا و حەشدا شەعبی‮ ‬د حالەتێ هێرشكرنێ دا بوون دژی‮ ‬پێشمەرگەیی‮ ‬كوردستانێ،‮ ‬بەلێ پێشمەرگە د حالەتێ بەرەڤانیكرنێ دا بوون،‮ ‬دەمێ وان هێزا پێشمەرگەیی‮ ‬دیتی‮ ‬ل میحوەرێ تلسقوف و شكەستن ل میحوەرێ رەبیعە ل گوندێ مەحموودیێ دیتی،‮ ‬ئێسكەر خۆ ڤەكێشان و بەرەڤ مووسل ڤە چوون،‮ ‬لروژا دووڤدا هێرش بەرفرەهتر لێكر‮”.‬

ل‮ ‬26ی‮ ‬ئیكتوبەرا سالا‮ ‬2017ێ شەرێ مان و نەمانێ ل كوردستانێ هاتەكرن و لوی‮ ‬دەمی‮ ‬لیوا بەهجەت سیلكێ،‮ ‬ئەندامێ فەرماندەیا پێشمەرگەیی‮ ‬زێرەڤانی‮ ‬ل چەپەرێن شەری‮ ‬بۆ رۆژنامەیا خەبات گۆت بوو‮: ‬پێشمەرگەیی‮ ‬نەشەر ڤیایە و نە شەرخوازە،‮ ‬لێ دەمێ شەر هاتیە لسەر سنورێن كوردستانێ،‮ ‬هەر ژ دەسپێكا شەری‮ ‬دژی‮ ‬تیرۆستێن داعشێ پێشمەرگە دچەپەرێن بەرخودانیێ دا بوو و داستان توماركرینە،‮ ‬ئەڤە دەستكەفتە ژی‮ ‬ڤەدگەریت بوو بیروباوەرێن پێشمەرگە ب وەلات و ئاخا وی،‮ ‬حەشدا شەعبی‮ ‬هەولا داگیركرنا كوردستانێ دكر،‮ ‬بەلێ پێشمەرگەیی‮ ‬ب روحیەتا بلند و ب وێرەكانە بەرسڤا داگیركەران دا‮.‬

ئێك ژ پێشمه‌رگێن به‌شداربووی دداستانا سحێلا بو په‌یامنێرا “خه‌بات” دئاخڤی

سەركردایەتیا سیاسی‮ ‬و لەشكەری‮ ‬هەولدایە شەر دروست نەبیت و ب هەماهەنگی‮ ‬چەندین دەڤەر رادەستی‮ ‬سوپایێ عیراقێ كرن،‮ ‬بەلێ دیار بوو حەشدا شەعبی‮ ‬دگەل شەری‮ ‬بوویە و دڤیا كوردستانێ هەمیێ داگیر بكەن،‮ ‬ژبەر هندێ پێشمەرگەیی‮ ‬سنورێن خو موكمكرنەڤە و د ئامادە باشیێ دا بوون،‮ ‬بو هەر هێرشەكێ ژبۆ بەرەڤانیكرنێ ژ ئاخا كوردستانێ،‮ ‬جونكی‮ ‬شەرێ دژی‮ ‬حەشدا شەعبی‮ ‬و سوپایێ عیراقێ شەرێ بیروباوەرا بوویە،‮ ‬لرێكەفتی‮ ‬26/ 10/ 2017ێ،‮ ‬حەشدا شەعبی‮ ‬و سوپایێ عیراقێ ژ دوو لایاڤە‮ ‬مەحموودیە و عین عویز‮ ‬هێرش كرە لسەر هێزێن پێشمەرگەیی،‮ ‬لێ بەرسڤان دژۆمنی‮ ‬هاتە دان و زەرەرێن مەزن ڤێ كەتن،‮ ‬كۆ چەندین ئوتومبێلن درعكری‮ ‬و تانك و مدرع و باژەر و هەمەرێن وان ژلایێ پێشمەرگەیڤە هاتنە ژناڤبرن،‮ ‬ب بەرخودانیەكا مەزن و ب روحەكا قەهرەمانە شەر ب سەركەفتیانا پێشمەرگەیی‮ ‬هاتە توماركرن و پێشمەرگەیی‮ ‬هەردەم دئامادە باشیێ دایە بۆ هەر هێرشەك و مەترسیەكا بكەفیتە سەر سنورێن كوردستانێ ژبۆ بەرەڤانیكرن و پاراستنا ئاخا كوردستانێ،‮ ‬ئەكەر ژلایەنێ سیاسیڤە سەركردە دان و ستاندنێن خۆ بكەن،‮ ‬ئەم وەك پێشمەرگە هەر دئامادە باشیێ داینە دچەپەرێن شەریدا و بەرەدەوامین‮.‬

حەشدا شەعبی‮ ‬بەرسڤا پێشمەرگەیی‮ ‬بجەك و باوەریا و عەقیدەڤە دیت،‮ ‬نوكە ئەو ژی‮ ‬دزانن‮ ‬پێشمەرگەیی‮ ‬خودان چ جورە جەكە،‮ ‬لێ هەر جەكەكێ پێشمەرگەیی‮ ‬هەبیت مبدئەكێ دگەل هەیی‮ ‬ئەو ژی‮ ‬بیروباروەیا وان ب وەلاتی،‮ ‬كۆ ژ هەمی‮ ‬جەكەكی‮ ‬مەزنترە‮.‬ موقەدم روكن زەید رێكانی،‮ ‬دناڤ هێزێن لەشكەریدا سەر ب وەزارەتا پێشمەرگەڤە گۆت‮: ‬ئەگەر ل دیرۆكا پێشمەرگەیی‮ ‬ڤەگەرین دێ زانین پێشمەرگەیی‮ ‬چ جارا هێرش نەكریە،‮ ‬بەلكو بەرەڤانی‮ ‬ژئاخا خو كریە و چ كارێن تیرۆرستی‮ ‬ژی‮ ‬ئەنجام نەداینە،‮ ‬دیسان وەلاتێن زێلهێز سەرەدەریێ دگەل پێشمەرگەیی‮ ‬برێگا وەزارەتا بەرگیریا عیراقێ دكەن،‮ ‬پێشمەرگە دئێتە راهێنانكرن و جەككرن ژلایێ ئەمریكا و ئەلمانیا و هولەندا و سوید‮… ‬هتد،‮ ‬واتە پێشمەرگەیی‮ ‬شەرعیەتا خۆ ل بەغدا و هەولێر هەیە و تا نوكە ئێك وەلات دانپێدان ب حەشدا شەعبی‮ ‬نەكریە،‮ ‬هەر چەندە لگۆر دستورێ عیراقێ هاتیە پەسەندكر ب هزرەكا تائیفی‮ ‬نەك ب هزرەكا نیشتمانی،‮ ‬دیسان پێشمەرگەیی‮ ‬لسالا‮ ‬2003ێ،‮ ‬شەر دژی‮ ‬تیرۆرستێن قاعیدە ل بەغدا و ئەنبار و مووسل كریە،‮ ‬كۆ لوی‮ ‬دەمی‮ ‬عیراقێ چ سوپا نەبوون تا نوكە ژی‮ ‬زێرەڤانێن سەركردەیێن عەرەب ل عیراقێ پێشمەرگە بوو،‮ ‬جونكی‮ ‬عەرەبا باوەری‮ ‬ب ئێك و دوو نەبوو،‮ ‬دیسان پێشمەرگەیێ ئاشتیخوازە و هەمی‮ ‬دەولەت دزانن چ جارا نابیتە مەترسی‮ ‬لسەر وان،‮ ‬ژبەر هندێ كەس خو لێ ناكەتە خودان،‮ ‬ئەگەر پەرژەوەندیێن وان نەخازن،‮ ‬ژبەر هندێ دەمێ ئەلمانیا و ئەمریكا جەكددا پێشمەرگەیی،‮ ‬ب هیچ رەنگەكی‮ ‬عیراقێ دژایەتیا ڤێ چەندێ نەدكر،‮ ‬لێ پشتی‮ ‬پەیوەندیێن هەولێر و بەغدا تێكچووین ژنوو گوت ئەڤ جەكە نەیێ شەرعییە‮. ‬

عەقید ئازاد سەعید سندی‮ ‬فەرماندێ بەتالیونا ئێك ل سوپایێ چوار سەر ب فەرماندەیا دهۆك ڤە،‮ ‬راگەهاند‮: ‬ئەڤ شەرە نە وەكی‮ ‬یێ داعشێ بوو،‮ ‬جونكی‮ ‬داعشێ ب پیا دهاتن و خو دپەقاند‮ ‬یان ب ئوتومبێلێن بێ خیر دهاتن،‮ ‬بەلێ شەرێ حەشدا شەعبی‮ ‬هەمی‮ ‬ب جەكێ ئەمریكی‮ ‬و ب ئەمبرانزا بوو و ب جەكێ گران‮ ‬یێ ئیرانی،‮ ‬لڤی‮ ‬میحوەری‮ ‬شەرەكێ گران روودا ژ عین عویز و مەحموودیە و خرابكیێ،‮ ‬كو سوپایێ عیراقێ و حەشدا شەعبی‮ ‬2600 راجمە و توپ و بەركێن‮ ‬128 دانانە پێشمەرگەیی،‮ ‬لێ پێشمەرگەیی‮ ‬زەرەكا مەزن لوان تا‮ ‬60 تەرمێن وان گەهاندنە ئیرانێ و ژبلی‮ ‬یێن عیراقێ و دئەنجامدا سوپایێ عیراقێ دگەل جەتێن ئیرانێ شكەستن خوار،‮ ‬مە شەرێ سێ وەلاتان دكر‮ ‬عیراق‮- ‬تركیا‮- ‬ئیران‮‬،‮ ‬شیعەیان فەتوایی‮ ‬ددان‮ ‬یێ شەرێ كوردان دكەن حەلالە،‮ ‬بەلێ پێشمەرگەیی‮ ‬ئیرادا وی‮ ‬ب خودێ و ب خەلكێ كوردستانێ موكم بوو‮.

موقەدم موراد شەرنەخی‮ ‬ئاخڤت‮: ‬ئەڤ شەرە ب هەماهەنگی‮ ‬دناڤبەرا عیراقێ و ئیرانێ دا بوو و ئارمانج ژناڤبرنا كوردستانێ بوو،‮ ‬لێ پێشمەرگە سینگی‮ ‬وی‮ ‬گولە و چەپەرە بۆ بەرەڤانیكرنێ ژ ئاخا كوردستانێ و هەر دەم د ئامادە باشیێ دایە و براستی‮ ‬ژی‮ ‬شەرێ بەرەڤانیكرنێ دا دژی‮ ‬حەشدا شەعبی‮ ‬و سوپایێ عیراقێ ب جەكێ ئەمریكی‮ ‬پێشمەرگەیی‮ ‬مەزنترین هێز نیشا جیهانێ دا و بەرسڤا دۆژمنا ب توندیدا،‮ ‬ئەڤ شەرە مەزنترە بوو ژیێ دژی‮ ‬تیرۆرستێن داعشێ‮.‬

مقدم‮ ‬غەریب سعدو،‮ ‬فەرماندێ فەوجا شەش سەر ب فەرماندەیا دهۆك ڤە دیاركر‮: ‬هەر دەم دبەرهەڤین خۆ گوری‮ ‬ڤێ ئاخێ بكەین،‮ ‬ددووماهیك شەردا وان هزر دكر دێ پێشمەرگەیی‮ ‬ژناڤبەن لێ ب مورال و بیروباوەر پێشمەرگەیی‮ ‬جارەكا دیتر حەشدا شەعبی‮ ‬و سوپایێ عیراقێ شكاندن،‮ ‬دەمێ شەر ل بردێ هاتیەكرن و پێشمەرگەیی‮ ‬سەركەفتنەكا مەزن توماركری،‮ ‬ئێكسەر هەڤسەنگیا سیاسی‮ ‬و لەشكەری‮ ‬هاتە گهورین،‮ ‬ئینا وان ژلایێ محمودیێ و عوین عویز و تلسقوف ڤە هەولادا هێرش بكەنە سەر هێزێن پێشمەرگەیی،‮ ‬شەرەكێ گران و دژوار بوو لێ پێشمەرگەیی‮ ‬ب مورالەكا مەزنڤە بەرخودانی‮ ‬كر،‮ ‬جونكی‮ ‬پرۆژەیێ وان گەلەكێ بەرفرەه بوو،‮ ‬كۆ برێكا سحێلا بجێنە دناڤ زاخۆ دا و بگەهنە ئیبراهیم خەلیل،‮ ‬ژبەر هندێ پێشمەرگەیی‮ ‬بەرسڤەكا دژوار دایێ و بدیتنا من شكەستنا وان دڤان شەراندا لسەر ئاستێ عیراقێ و رۆژهەلاتا ناڤین و جیهانێ هەمیێ راگەهاند و كوردا چەسپاند مللەتەكێ خوراگرن ددژوارترین كاوداندا،‮ ‬جونكی‮ ‬ب جەكەكێ بچوویك شەرێ جەكەكێ مەزن دكر وەكی‮ ‬یێ ئەمریكی‮ ‬و بەرسینگێ زێلهترین هێزا تیرورێ گرتی،‮ ‬هەر ئەڤەیە شورەش و دەستكەفت و سەركەفتن و بشێن مللەتان ژناڤببەن و دەلەتا پریڤەبەن‮.‬

شه‌هیدێن سه‌روه‌رییا كوردستانێ

رائید بشار فەریق زێباری،‮ ‬ئامر سری‮ ‬یێ فەوجا‮ ‬2 یێ دژە تیرۆرا دهۆكێ راگەهاند‮:” ‬پێشمەرگە‮ ‬یێ ب مورالەكا بلند گازی‮ ‬ئازادیا كوردستانێ دكر،‮ ‬حەشدا شەعبی‮ ‬و سوپایی‮ ‬عیراقێ ب دوو لایەنانڤە هێرشكرە سەر هێزێن پێشمەرگەیی‮ ‬و دئەنجامدا شكەستن دیت و نوكە ژی‮ ‬فەرمانا شەری‮ ‬بهیت پێشمەرگە دێ شیت وان دەڤەرێن هاتیە داگیركرن‮ ‬یان ب هەماهەنگی‮ ‬هاتینە بەردان رزگار بكەنەڤە و داستانان تومار بكەن‮.‬

رائید سامی‮ ‬باپیر ژ هێزا دژە تیرۆرا دهۆكێ گۆت‮: ‬نوكە ل پێشیا چەپەراینە و دبەرهەفین بەرامبەر هەر دوژمنەكی‮ ‬ب راوستین،‮ ‬رادەستكرنا كەركوكێ بۆ دەستێ حەشدا شەعبی‮ ‬و سوپایێ عیراقێ نەخوشیەكا مەزن بوو و پێشمەرگە و هەمی‮ ‬خەلكێ كوردستانێ پێ ئێشا،‮ ‬لێ سەرارایی‮ ‬هندێ خەلكێ مە خوراگر بوو و هەر دەم پێشتەڤانێن پێشمەرگەیی‮ ‬نە و بووینە ئەگەر مورالا پێشمەرگەیی‮ ‬بلند بمینیت،‮ ‬ژبەر باوەریا خەلكێ كوردستانێ ب عەقیدا پێشمەرگەیی‮ ‬و ئەم ژی‮ ‬شیاینە ب توندی‮ ‬بەرسڤا دۆژمنا بدەینەڤە بگرە ژ بردێ تا عین عویز و مەحموودیێ،‮ ‬هیڤیی‮ ‬یە سەركردایەتیا سیاسی‮ ‬پەرژەوەندیێن تایبەت بدانە لایەكی‮ ‬و‮ ‬یێن مللەتی‮ ‬بدانە لایەكی‮ ‬دیتر دا كوردستانێ ژهەر مەترسیەك و پلانەكێ ب پارێزن‮. ‬
پێشمەرگە هاریوان رەشید خویاكر‮: ‬ئەم ژبۆ پاراستنا مللەتێ كوردستانێ تا ئەڤرۆ دچەپەرێن بەرخودانیێ داینە،‮ ‬نەك وەك هندەكان بووینە گرێ گرتیێن مللەتێن دۆژمن و مە ژی‮ ‬دەستدرێژی‮ ‬نەكریە لسەر چ مللەتان و دێ بەرسڤا هەر دۆژمنەكی‮ ‬ب مورال ددەین،‮ ‬مە دڤێت كوردستان‮ ‬یا ئارام و ئازاد بیت داكۆ مللەت بیت،‮ ‬سینگێ مە چەپەرە بۆ پاراستنا كوردستانێ و دخوازم خەلكێ مە هەردەم‮ ‬یێ بهێز بیت و هاریكار بیت دگەل دەزگەهێن ئەمین‮ ‬پولیس‮- ‬ئاسایش‮- ‬پاراستن‮ ‬دا نافخویا مە ژی‮ ‬یا پاراستی‮ ‬بیت،‮ ‬پێشمەرگە دێ ئاخا خوین ژ برسا و ڤێ ئاخێ بەرنادەین ژ ترسا،‮ ‬جونكی‮ ‬ترس و برس نە هەڤالن دگەل پێشمەرگەیی،‮ ‬بتنێ ب سەرپەرشتیا سەرۆكێ پێشمەرگە‮ ‬مەسعود بارزانی‮ ‬دێ هەمی‮ ‬پیلانێن دوژمنان ژناڤبەین‮.‬

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

شێوەکار رێژنە حەمید: هونەر لە کۆمەڵگایەکی داخراوی وەک کۆمەڵگای کوردی قورسە

خەبات: پەریهان عومەر:- شێوەکار رێژنە حەمید مستەفا لە دایکبووی ساڵی 1984 لە قەزای رانیە، دە…