وه‌زیری ناوخۆی حكومه‌تی هه‌رێمی كوردستان، رێبه‌ر ئه‌حمه‌د، به‌ نووسراوێكی ره‌سمیی پارێزگا و ئیداره‌ سه‌ربه‌خۆكانی له‌ شێوازی خه‌رجكردنی ئه‌و پێبژاردنانه‌ی له‌ به‌یانی ژماره‌ (52)ی وه‌زاره‌تدا ئاماژه‌یان پێكرابوو، روونكرده‌وه‌.

به‌ گوێره‌ی بڕیاره‌كه‌ی وه‌زاره‌تی ناوخۆ، لایه‌نه‌ ده‌ستنیشانكراوه‌كان هه‌ر پێبژاردنێك به‌ پسووله‌ وه‌رده‌گرن و وێنه‌ی یه‌كه‌م له‌ پسووله‌كه‌ ده‌درێت به‌ كه‌سی سه‌رپێچیكار.

له‌ باره‌ی ئه‌و بڕه‌ پاره‌یه‌ی له‌ سه‌رپێچیكارانه‌وه‌ وه‌رده‌گیرێت، له‌ بڕیاره‌كه‌دا هاتووه‌: ئه‌و بڕه‌ پارانه‌ له‌ ژمێریاری پارێزگا و ئیداره‌ سه‌ربه‌خۆكان وه‌ك ئه‌مانه‌ت هه‌ڵده‌گیرێن. مانگانه‌ لیستێك به‌ ناوی ئه‌و كه‌سانه‌ی، كاری پێبژاردنه‌كان ده‌كه‌ن، ره‌وانه‌ی وه‌زاره‌ت ده‌كرێت به‌ مه‌به‌ستی خه‌رجكردنی هاندان بۆیان به‌ رێژه‌ی (%50) له‌ داهاتی پێبژاردنه‌كان.

هه‌روه‌ها له‌ بڕیاره‌كه‌ی وه‌زاره‌تدا، كه‌ واژووی وه‌زیری ناوخۆ و رێككه‌وتی یه‌كشه‌ممه‌ (25ی تشرینی یه‌كه‌م/ ئۆكتۆبه‌ری 2020)ـی به‌سه‌ره‌وه‌یه‌ روونكراوه‌ته‌وه‌، كه‌ نیوه‌ی دیكه‌ی داهاته‌كه‌ ته‌رخان ده‌كرێت بۆ كڕینی پێداویستی خۆپاراستن، به‌ پێی ئه‌و لیستانه‌ی له‌ لایه‌ن پارێزگا و ئیداره‌ سه‌ربه‌خۆكان ده‌نێردرێن بۆ وه‌زاره‌ت.

به‌ گوێره‌ی به‌یانی ژماره‌ (52)  و بڕگه‌ی یه‌كه‌می خاڵی شازده‌هه‌م، ئه‌و لایه‌نانه‌ی راسپێردراوون پێبژاردن وه‌ربگرن، ئه‌مانه‌ن:

1- لیژنه‌كانی قائیمقامییه‌ت له‌ پارێزگا و ئیداره‌ سه‌ربه‌خۆكان.

2- پۆلیسی رێكاری.

3- به‌ڕێوبه‌ری فه‌رمانگه‌ له‌ كاتی ئه‌نجامدانی سه‌رپێچی له‌ناو ئه‌و فه‌رمانگه‌یه‌ی كه‌ لێی به‌رپرسه‌.

4- بنكه‌ی پۆلیسی هاتووچۆ.

5- ئه‌فسه‌ری پۆلیسی هاتوچۆ له‌ كاتی ئه‌ركدا.

6- بنكه‌كانی پۆلیس.

7- ئه‌فسه‌ری پۆلیس له‌ كاتی ئه‌ركدا.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

میدیای ئێران: زانایەکی بواری ئەتۆم لە تاران “تیرۆر” کرا

ئاژانسی فارس بڵاویکردەوە، موحسین فەخری زادە زانای ئەتۆمی ئێران تیرۆر کرا. بەگوێرەی ئاژانسە…