دیمانە‮: ‬هێمن ئاری
جەلال محەمەد عەبدوڵڵا،‮ ‬ناسراوە بەجەلال پەرێشان،‮ ‬لەساڵی‮ ‬1967 لەشارەدێی‮ ‬سەرگەڕان لەدایكبووە.قۆناغی‮ ‬دواناوەندی‮ ‬لەشاری‮ ‬هەولێر تەواوكردووە،‮ ‬بڕوانامەی‮ ‬دبلۆمی‮ ‬باڵای‮ ‬لەبەشی‮ ‬ژمێریاری‮ ‬لەشاری‮ ‬موسڵ تەواوكردووە‮ ‬،‮ ‬لەساڵی‮ ‬2007 یش كۆلیژی‮ ‬پەروەردەی‮ ‬وەرزشی‮ ‬لەشاری‮ ‬هەولێر تەواوكردووە.لە قۆناغەكانی‮ ‬تەمەنیدا كاری‮ ‬لە بواری‮ ‬راگەیاندن و هونەر و بواری‮ ‬وەرزشیداكردووە،‮ ‬لەساڵی‮ ‬2014 بەئەندامی‮ ‬ئەنجوومەنی‮ ‬پارێزگای‮ ‬هەولێر هەڵبژێردرا،‮ ‬لەخولی‮ ‬پێنجەمی‮ ‬پەرلەمانیش‮ ‬یەكێك بوو لەو بەربژێرانەی‮ ‬بەرێژەیەكی‮ ‬زۆری‮ ‬دەنگدەران بۆ پەرلەمانی‮ ‬كوردستان هەڵبژێردراوە‮ .‬
‮❊ ‬پێشتر نێچیرڤان بارزانی‮ ‬ناوی‮ ‬لێنابووی‮ ‬جەلال حەوت پیشە،‮ ‬ئێستا پیشەیەكی‮ ‬دیكەت زیاد كرد ئەویش ئەندام بوون بەپەرلەمانە لەخولی‮ ‬پێنجەمدا،‮ ‬پێتوایە جیاوازی‮ ‬ئەم پیشەیەت لەگەڵ پیشەكانی‮ ‬دیكە چییە و دەتەوێت چیبكەیت؟
ئەم پیشەیەش لەگەڵ پیشەكانی‮ ‬دیكە هیچ جیاوازییەكی‮ ‬نییە،‮ ‬گرنگ لای‮ ‬من خزمەتكردنە،‮ ‬قەت بیرم لەوە نەكردۆتەوە ببم بەشتێك،‮ ‬لەژیانمداتموحم نەبووە،‮ ‬بەڵام بیرم لەوە كردۆتەوە ئەگەر بووم بەشتێك لەپێناو خزمەتكردنی‮ ‬خەڵك هەموو كارێك بكەم،‮ ‬لای‮ ‬من خزمەتكردن پیرۆزترین شتە مرۆڤ بتوانێت بیكات لەهەر پلە و پۆستێك بێت،‮ ‬گرنگە مرۆڤ لەهەر پایەیەك بێت بتوانێت خزمەتكار بێت،‮ ‬لەیەك دوو پۆستەریش نووسیبووم كوڕە هەژارم بۆیە خزمەتكارم،‮ ‬بەكردەوەش ئەوە دەیسەلمێنم هیچ پلە و پۆستێك لای‮ ‬من قیمەتی‮ ‬نییە بەقەد پێڵاوی‮ ‬كوڕە هەژارێك،‮ ‬ئەنفالێك،‮ ‬پێشمەرگەیەك،‮ ‬مامۆستایەك‮ …‬هتد
گرنگ ئەوەیە بتوانم خزمەتكارێكی‮ ‬ئاسایی‮ ‬بم لەو شوێنە و ببم بەداكۆكیكار‮ ‬لە مافی‮ ‬هەموو هاووڵاتییەك‮.‬
‮❊ ‬بەبەراورد لەگەڵ هەڵبژاردنی‮ ‬ئەنجوومەنی‮ ‬پارێزێگا رێژەی‮ ‬دەنگت زیاتر بووە‮ ‬یان كەمتر؟
‮ ‬زۆر زیاتر بووە،‮ ‬خۆم دەمزانی‮ ‬لەماوەی‮ ‬چوار ساڵی‮ ‬رابردوو چیمكردووە بۆ خەڵك،‮ ‬بۆیە دەمزانی‮ ‬رێژەیەكی‮ ‬زۆر دەنگ دێنم،‮ ‬بەبەرنامە كار بۆ داهاتووی‮ ‬خۆم دەكەم،‮ ‬دامنابوو خۆم هەڵبژێرم،‮ ‬پێشتریش خۆم بۆ هەڵبژاردنی‮ ‬پەرلەمانی‮ ‬عێراق دانابوو،‮ ‬بەڵام دواتر ناوەكەمیان دەرهێنابوو،‮ ‬بۆیە ئەو بەرنامەیەم هەبوو،‮ ‬سروشتی‮ ‬خۆشم وایە هەمیشە لەناو خەڵكم و لەداهاتووش ببم بەهەر شتێك هەروا دەمێنمەوە.هەیە بەترسەوە دەچێتە ناو پرۆسەكەوە،‮ ‬بەڵام من قەبارەی‮ ‬خۆم بەبێ منەتی‮ ‬دەزانی‮ .‬
ئەمجارەیان خۆت داواتكرد ناوت بخرێتە ناو ناوی‮ ‬بەربژێرەكان‮ ‬یان لەلایەن حزبەوە داوات لێكرا؟
نا خۆم داوامكرد‮ ‬،‮ ‬خۆشتان دەزانن لەناو پارتی‮ ‬نزیكی‮ ‬250‮‬ سێڤی‮ ‬پێشكەشكرابوو‮ ‬100‮‬ ناویان هەڵبژارد،‮ ‬بۆیە شانازی‮ ‬بەخۆمەوە دەكەم وەك كوڕە هەژارێك بێ ئەوەی‮ ‬هیچ پاڵپشتیەكم هەبێت بە تێپەڕینی‮ ‬چەند فلتەرێك ناوی‮ ‬من هەڵبژێردرابێت،‮ ‬ئەوەش بۆ من جێگەی‮ ‬شانازییە‮.‬
هەموو بەربژێێك كاتێك دەچێتە پرۆسەیەكی‮ ‬وا پارەیەكی‮ ‬خەیاڵی‮ ‬بۆ رێكلام سەرف دەكات‮ ‬،‮ ‬بەڵام رێكلامێكی‮ ‬تۆمان لە شوێنە گشتییەكان بەو شێوەیە نەبینی،‮ ‬تۆ چەند سەرفكردووە؟‮ ‬
بەخوا لەچاو بەربژێرەكانی‮ ‬دیكە هیچم سەرف نەكردووە،‮ ‬ئەوەی‮ ‬سەرفیشم كردووە زۆر زۆر كەم بووە‮ ‬،‮ ‬وەك كورد دەڵێت‮ ‬مشتێكە لەخەراورێك‮.‬
رێكلامێكت بڵاوكردەوە لەتۆڕە كۆمەڵایەتییەكان دەنگێكی‮ ‬زۆری‮ ‬دایەوە‮ (‬دانیشە كەریم‮ )‬،‮ ‬بەهۆی‮ ‬سەرەنج راكێشییەوە خەڵكێكی‮ ‬زۆر بۆ‮ ‬یەكتریان دەنارد،‮ ‬بیرۆكەی‮ ‬ئەم رێكلامە هی‮ ‬كێ بوو چۆن دروست بوو؟
وەك دەزانن من بەكەریم ناسراوم،‮ ‬ئێستاكە دەڵێن كەریم بنزیما گەیشتە پەرلەمان‮ ‬،‮ ‬بیرۆكەی‮ ‬دانیشە كەریم لەوەوە هات كەخۆم رۆژانە لەگەڵ‮ ‬ئەو وشەیە تێكەڵبووم،‮ ‬جگە لەو رێكلامەش رێكلامێكی‮ ‬دیكەم كرد لەكەناڵەكەی‮ ‬خۆم كە پێشمەرگە و ئاسایش و مامۆستا و فیتەر و‮ .. ‬قسەیان لە رێكلامەكەكرد‮.‬
رێكلامی‮ ‬كەریم هەرچەند كورت بوو،‮ ‬بەڵام كاریگەر بوو كاری‮ ‬خۆیكرد،‮ ‬زۆر سوپاسی‮ ‬نێت تیڤیش دەكەم كەهاوكارم بوون‮ ‬،‮ ‬خۆم كارەكتەرەكانم نیشانكرد هەریەك لە كاك دڵزار و كاك مەحمود هاوكارم بوون لەوانەش دایە زرێخی‮ ‬مەنتكاوەبوو بەشداربوو لەگەڵ چەند كارەكتەرێكی‮ ‬دیكە‮.‬
ئەو رێكلامە تاچەند كاریگەری‮ ‬هەبوو لەسەر زیادكردنی‮ ‬رێژەی‮ ‬دەنگی‮ ‬تۆ؟‮ ‬
‮- ‬زۆر كاریگەری‮ ‬هەبوو،‮ ‬بەشانازییەوە دەیڵێم‮ ‬یەكێك لەوانەی‮ ‬دەنگی‮ ‬پێدام كچی‮ ‬سەرۆككۆماری‮ ‬پێشووی‮ ‬عێراق بوو‮ (‬شیرین فواد مەعسوم‮ ) ‬بوو،‮ ‬كە دەڵێت‮: ‬دەنگم پێدای‮ ‬كەریم،‮ ‬لەبیرم نەكەی‮ ‬كەریم.ئەوەش گرنگە،‮ ‬چونكە هەموومان دەزانین ئەو كەسە لەسەر لایەنێكی‮ ‬سیاسی‮ ‬دیاریكراو حیسابە دەنگی‮ ‬بەمنداوە،‮ ‬لەپەیامەكەش قسەیەكی‮ ‬جوان دەكات و دەڵێت‮: ‬وەرزشوانان و ناودارەكان دەینە سەرۆككۆمار و سەرۆكی‮ ‬ئەنجوومەنی‮ ‬وەزیران و سەرۆكی‮ ‬پەرلەمان،‮ ‬دەڵێت‮: ‬تۆش لەبیرمان نەكەیت كە چونكە دەنگمان پێدایت.ئەو شتانە ئەركی‮ ‬من قورستر دەكەن.پێشتریش كە دەچووم‮ ‬بۆ شوێنێك خەڵك بەكەریم بانگی‮ ‬دەكردم،‮ ‬ئێستاكەش بەكەریم ناسراوتربووم و كەریم بۆمن بوو بە بڕاندێك.كەریم زۆر بەباشی‮ ‬چووە ناو دڵی‮ ‬خەڵك بە فەعلی‮ ‬ئیشی‮ ‬خۆی‮ ‬كرد و كاریگەربوو.گرتەیەكی‮ ‬ڤیدیۆیم بینی‮ ‬گەنجێك لەكاتی‮ ‬دەنگدان وێنەی‮ ‬گرتووە لەناوی‮ ‬كاندیدەكان دەگەڕێت دەڵێت كەریم كەریم كەریم‮ . ‬دێتە سەر ژمارە‮ ‬25 دەڵێ ئەوتا شەرمەزارمان نەكەی‮ ‬كەریم،‮ ‬دەنگم پێدای‮ ‬كەریم،‮ ‬بۆیە دەتوانم بڵێم رێژەی‮ ‬دەنگی‮ ‬منی‮ ‬بردە قۆناغێكی‮ ‬تر ئەم رێكلامە‮.‬
یەكەم كاری‮ ‬ئێوە دوای‮ ‬ئەوەی‮ ‬چوون بۆ پەرلەمان وەك فراكسۆنی‮ ‬پارتی‮ ‬دەتانەوێت كار لەسەر چی‮ ‬بكەن؟
راستە من زۆرجار لە(نەس‮) ‬دەچمە دەرێ،‮ ‬بەڵام لەفراكسیۆن لانادەم،‮ ‬لەئەنجوومەنی‮ ‬پارێزگاش شتمكردووە وەك ئەندامێك دەبووا نەیكەم،‮ ‬بۆنموونە ئێستاكە بەنزین گرانبووە چ خوا قبوڵ دەكات من بێدەنگ بم.بەڵام‮ ‬یەكەم كاری‮ ‬من ئەوە دەبێت داوابكەم پاشەكەوتی‮ ‬مووچە نەبمێنێ،‮ ‬
،‮ ‬ئەوە كاریگەری‮ ‬لەسەر ژیانی‮ ‬هەموو تاكێك دروستكردووە،‮ ‬تاوانێكی‮ ‬گەورەیە پلە باڵاكان بە شەشە ملیۆن دیار خانەنشین بكرێن و ئەو پارە خەیاڵییەیان پێبدرێت،‮ ‬ئەگەر بەوە‮ ‬ڕازی‮ ‬دیار لە ئەخلاق داشۆراوم و هیچ ئەخلاقێكم نییە،‮ ‬راستە لەبەرژەوەندی‮ ‬منە،‮ ‬بەڵام ناحەقییە من چ جیاوازییەكم لەگەڵ خەڵكی‮ ‬دیكە؟ ناكرێت ئەندام پەرلەمان شەش ملیۆن و وەنەوشە و دوو پاسەوان و شوققەی‮ ‬پێبدرێت‮. ‬
پێتوایە دەنگت بگاتە شوێنی‮ ‬خۆی؟ ئەندامانی‮ ‬تریش بەوە‮ ‬ڕازی‮ ‬بن ؟
دەبێ بگات،‮ ‬لەژیانمدا و لەهەڵبژاردنیش هیچ بەڵێنێكم نەداوە،‮ ‬لای‮ ‬من بەڵێن شتێكی‮ ‬گەورەیە،‮ ‬نامەوێ بەڵێنێك بدەم و دواتر پێم جێبەجێنەكرێت.من گوتومە مووچەش رەتدەكەمەوە‮ ‬،‮ ‬بۆ موزایەدەشم نییە و ئێستا بۆ ئەوەم نییە دەنگ كۆبكەمەوە‮ .‬گوناحە پێشمەرگە و ئاسایش و پۆلیس،‮ ‬پاسەوانانی‮ ‬سنوور هەیە خاوەنی‮ ‬چوار پێنج منداڵە و كرێچیە،‮ ‬شەو تا بەیانی‮ ‬ناخەوێت لەسەنگەرەكان،‮ ‬بە سێ سەد هەزار خانەنیشین بێت،‮ ‬ئێمەش بەچاكەت و بێجامە بە ئیسراحەت لەشوێنێكی‮ ‬ڕاقی‮ ‬بخەوین و مووچەیەكی‮ ‬خەیاڵیمان هەبێت‮.‬
پێتوایە تۆ بەتاكە دەنگێك بتوانی‮ ‬ئەوە بكەیت؟
حەزرەتی‮ ‬ئیبراهیم بەتەنها هەموو بتەكانی‮ ‬لەناوبرد‮ .‬ئەو‮ ‬111 ‮‬ئەندامەی‮ ‬دەرچوون ئەگەر راستەكەن دەیانگوت بۆ موزایەدەمان نییە با هەمووان بێن بەیەكەوە سوێند بخۆین بڵێین ئەم چوار ساڵە بە مووچەی‮ ‬خۆمان ئیش دەكەین بزانە چەند گەروە دەبین لەپێش خەڵك و قەناعەت بۆ خەڵك بگێڕینەوە.من فەرمانبەرم كە كاری‮ ‬پەرلەمانیم تەواوبوو بابگەڕێمەوە دائیرەكەی‮ ‬خۆم بۆ خانەنشین بم؟‮ ‬
پەرلەمانتار هەیە بەحەقی‮ ‬خۆی‮ ‬دەزانێت و دەڵێت خەرجی‮ ‬و مەسروفاتی‮ ‬رۆژانە بۆم دەرناهێنێت،‮ ‬ڕەنگە هەبێت بڵێت‮ ‬جەلال پەرێشان بۆیە وادەڵێت ماڵ و منداڵ و خەرجی‮ ‬نییە ؟
‮ ‬دیارە من مرۆڤ نیم و نەفسم نییە وەك ئەوان؟ ئەی‮ ‬پێشتر چۆن دەژیان ؟من دەرچوونم نییە ؟ تەحەدا دەكەم لە چوار ساڵی‮ ‬ئەندام بوونم لە ئەنجوومەن زۆرترین كات لەدەرەوە و لەناو خەڵك بووم‮ ‬،‮ ‬سوێند بەخوا تاكە هەزار دیناریشم لەنەسریە وەرنەگرتووە،‮ ‬بۆ مەسروفاتی‮ ‬خۆشم بە ئوتۆمۆبێلی‮ ‬خۆم هاتووچۆم كردووە،‮ ‬لەپەرلەمانیش هەمان ئەو جەلال پەرێشانە دەبم،‮ ‬ئەگەر بچووم بۆ پەرلەمان دەبێ ئەو هەموو ئیمتیازاتانە وەرگرم ؟ لە پێناو چی؟
ئەگەر بڕیارێك لە بەرژەوەندی‮ ‬فراكسۆنەكەت نەبێت لەپەرلەمان ئامادەی‮ ‬بیدەیت ؟
ئەگەر لەبەرژەوەندی‮ ‬خەڵك بێت بەڵێ.حزبەكەی‮ ‬بارزانی‮ ‬نەمر ئەم حزبەی‮ ‬دامەزراندووە بۆ خزمەتكردنی‮ ‬خەڵك بووە.بەو هەموو گەورەیی‮ ‬و هۆشمەندییەی‮ ‬خۆی‮ ‬دەیگوت شانازییە بۆ من ئەگەر خزمەتی‮ ‬میللەتەكەی‮ ‬خۆم بكەم،‮ ‬بەڵام ئێستا وای‮ ‬لێهاتووە دەبێ چاومان لەوەبێت خەڵك خزمەتی‮ ‬ئێمە بكات.دەبێ وابكەین خزمەتكاری‮ ‬خەڵك بین تا خەڵك زیاتر لەگەڵت بێت.من فەلسەفەی‮ ‬بارزانی‮ ‬نەمر و پارتی‮ ‬دیموكراتی‮ ‬كوردستانم هەزمكردووە،‮ ‬ئەو رێبازە تێكەڵ بەرۆحم بووە بۆ ئیمتیازاتم نەویستووە،‮ ‬من خۆم ناوێت خەڵكم دەوێت.من كە ئەو دەنگەم هێناوە بۆ ئەوە دەگەرێتەوە خزمەتی‮ ‬خەڵكم كردووە،‮ ‬پێغەمبەری‮ ‬خودا دەڵێت‮: ‬ئەگەر كەسێك نۆ كەسی‮ ‬لێ رازی‮ ‬بێت دەیەهەمین خودایە،‮ ‬ئێستا زۆر ئاسوودەم هەست دەكەم پاسۆردی‮ ‬بەهەشتم پێدراوە،‮ ‬ئەو خەڵكەش كە دەنگی‮ ‬پێداوم دیارە خۆشیان ویستووم و دیارە خەڵك لێم‮ ‬ڕازییە و خودا منی‮ ‬تاقیكردۆتەوە بەوەی‮ ‬چاوم لە دزی‮ ‬و حەرام و داوێن پیسی‮ ‬و درۆ نەبووە.ئەوەش لەفەزلی‮ ‬خودا دەزانم.ئەگەر كەسێك لەفەلسەفەی‮ ‬بارزانی‮ ‬و پارتی‮ ‬نەگەیشتبێت و لەو‮ ‬ڕێیە بەدوای‮ ‬ئیمتیازات بێت زوڵم لە رێبازی‮ ‬بارزانی‮ ‬نەمر دەكات‮.‬
ئامادەی‮ ‬لێپرسینەوە لەگەڵ وەزیرێك بكەی‮ ‬ئەگەر لە حزبەكەی‮ ‬خۆشت بێت ؟
ئەگەر گەندەڵ بەڵێ‮ ‬،‮ ‬رێبازی‮ ‬بارزانی‮ ‬فێری‮ ‬نەكردووم لەسەر ناعەدالەتی‮ ‬لەسەر باوكی‮ ‬خۆم بازدەم،‮ ‬وەزیرێك لەلایەنی‮ ‬سەرۆك بارزانییەوە پاڵپشتی‮ ‬بكرێت و متمانەی‮ ‬پێبدرێت گەندەڵ بێت دژی‮ ‬دەوەستمەوە ئەگەر باوك و برای‮ ‬خۆشم بێت.هەر كەسێك كە دەزانێ لەپۆست بە ئافرەت و پارە تەسمیل دەبێت‮ ‬نەیكات باشترە.من دەروێشی‮ ‬بنەماڵەی‮ ‬بارزانیم هەرگیز لە‮ ‬ڕێبازی‮ ‬ئەو لانادەم و خۆم شەرمەزارناكەم‮.‬
هەر كەسێك خۆی‮ ‬كاندید دەكات‮ ‬یان بنەماڵەیەك،‮ ‬یان عەشیرەتێك،‮ ‬یان حزبێك،‮ ‬یان بەدەفتەر دۆلاری‮ ‬لەپشتە،‮ ‬تۆ كێت لەپشت بوو؟
من خودای‮ ‬گەورەم لەپشتە.لە هەڵبژاردنی‮ ‬داهاتووش پێیان گوتم بێ عەقڵ تۆ كەست لە پشت نییە،‮ ‬گوتم خودا لەپشتم بێت بەسمە.دووەمیش خەڵكی‮ ‬دڵسۆز.بەكەسیشم نەگووتووە دەنگم پێبدە،‮ ‬وەك چۆن بەساددەیی‮ ‬لەناو خەڵك دەركەوتووم لەپەرلەمانیش وادەبم،‮ ‬جا هەركەسێك دەڵێت كەسایەتی‮ ‬نییە‮ ‬یان ئاوایە كەیفی‮ ‬خۆیەتی‮.‬
ئەی‮ ‬بۆ سەرۆك وەزیرانی‮ ‬وڵاتان و وەزیرەكانیان بەپایسكیل و میترۆ هاتوچۆدەكەن ئێمە بۆ وانەبین؟كەسایەتی‮ ‬و تێگەیشتنی‮ ‬مرۆڤ بە چاكەت و پانتۆڵ و بۆینباخ نییە.بۆیە پاڵپشت و پارێزەر و دەنگی‮ ‬ئەو كەسانە دەبم كەدەنگیان پێداوم‮.‬
لە لایەنە سیاسییەكانی‮ ‬هەبووە دەنگت پێبدات ؟
بەڵێ،‮ ‬زۆر ترین دەنگم لەناو‮ ‬یەكێتی‮ ‬هێناوە بەداتا هەمە،‮ ‬پێشمەرگە و خێزانی‮ ‬شەهید هەبووە دەنگی‮ ‬داومەتێ‮ ‬،‮ ‬بەخوا هەبووە دەنگی‮ ‬پێداوم لە گۆڕان و‮ ‬یەكگرتوو و كۆمەڵ و حزبەكانی‮ ‬تربووە‮ ‬،‮ ‬بەڵام دەنگی‮ ‬یەكێتیم لەهەمووان زیاتر بردووە،‮ ‬كارم بۆیانكردووە،‮ ‬كە‮ ‬یەكێ ئیشی‮ ‬بەمن بێت‮ ‬یەكەمجار دەڵێم خوایە دڵ‮ ‬ڕەنجاو نەبێت و كارەكەم پێنەكرێت،‮ ‬دووەمیش دوعا دەكەم پارتی‮ ‬نەبێت،‮ ‬حەزدەكەم حزبێكی‮ ‬دیكە بێت تا كارەكەی‮ ‬بۆ بكەم،‮ ‬بۆ ئەوەی‮ ‬لەفەلسەفەی‮ ‬بارزانی‮ ‬و پارتی‮ ‬بۆ خزمەتی‮ ‬خەڵكە‮.‬
زۆرترین دەنگت لە كوێ بووە؟
لە هەولێر لەزۆربەی‮ ‬ناوچەكان زۆرینەبووم‮ .‬حەڤدە هەزار دەنگ شتێك كەمم لەسەنتەری‮ ‬شاری‮ ‬هەولێر هێناوە.لە زۆربەی‮ ‬چین و توێژەكانیش دەنگیان پێداوم،‮ ‬دڵنیاشیان دەكەمەوە سیقەیان نادۆڕێنم.خوازیارم هەر‮ ‬111‬ ئەندام پەرلەمان وەك جوامێر كار بۆ خزمەتكردنی‮ ‬خەڵك بكەین نەك خۆمان‮.‬
‮❊ ‬لەكاتی‮ ‬بانگەشەی‮ ‬هەڵبژاردن لەسەر كاندیدەكان چەند نوكتەیەك دروستكران،‮ ‬یەكێ لەو نوكتانە ئەوەبوو كە گوایە ئەمجارەیان هەموو جۆرە بەربژێێكی‮ ‬تێدایە،‮ ‬هەر لە كچی‮ ‬جوان،‮ ‬مەلا،‮ ‬هونەرمەند‮ ….‬كە دەتوانریت لەپەرلەمان ژن مارەبكرێت و ئاهەنگ بگێڕدرێت،‮ ‬بۆ ئەوە چی‮ ‬دەڵێیت؟
ههههە من دەتوانم ژنیش مارەبكەم و دەبم بەشاهێدیش،‮ ‬ئاهەنگیش بگێڕم ئەگەر وابێت‮.‬
خەڵكی‮ ‬ئێمە بە‮ ‬غەڵەت لەپەرلەمان گەیشتووە وادەزانێت ئەو شوێنە تەنها بۆ خەڵكی‮ ‬سیاسییە،‮ ‬بەڵام وانییە.پێویستە لە هەموو چین و توێژێكی‮ ‬تیدابێت و لە موعاناتیان بگات.پەرلەمان شوێنی‮ ‬هەموو خەڵكە تایبەت نییە بە لایەنێكی‮ ‬دیاریكراو.با هەریەكەیان بێن بەشێكی‮ ‬كەم لەو كارنامانە جێبەجێبكەن كە پێش هەڵبژاردن بانگەشەیان بۆ دەكرد بزانە گوزەرانی‮ ‬خەڵك باشتر دەبێت.لە ژیانم بیرم لە ئیمتیازات نەكردۆتەوە،‮ ‬ئەوەی‮ ‬كردوومە بۆ خزمەتكردنە و پێویستم بە ئیمتیازاتی‮ ‬دنیا نییە.خواردنی‮ ‬پاروە نانێكی‮ ‬حەڵاڵ پێ باشترە لەهەموو خواردنێك،‮ ‬نامەوێ خاوەنی‮ ‬باڵەخانە و مەزرعە و ئوتۆمۆبێلی‮ ‬بەرزبم لەسەر حیسابی‮ ‬خەڵكی‮ ‬هەژار.من نامەوێ لەشەقام بەسەیارەیەكی‮ ‬بەرز بڕۆم خەڵك ئاه هەڵكێشێ،‮ ‬هەمیشە دەمەوێت لەخوار خەڵك بژیم،‮ ‬هەمیشە سەیری‮ ‬كەسێك دەكەم لەمن نەساغتر و هەژار ترو پەرێشانترە،‮ ‬شەو نییە سوژدە بۆ خودای‮ ‬خۆم نەكەم و شوكرانەی‮ ‬نەكەم‮. ‬نامەوێ خۆم شەرمەزاری‮ ‬خودای‮ ‬خۆم بكەم كە ئەو ناز و نبعمەتەی‮ ‬وەك مرۆڤ پێداوم‮.‬

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

شاخەوان عەبدوڵڵا‮: ‬پارتی‮ ‬بە پەرۆشە بۆ چارەسەری‮ ‬دۆخی‮ ‬كەركووك

ئا‮- ‬خەبات‮:‬‮ ‬ئەندامی‮ ‬لێژنەی‮ ‬ئاساییكردنەوەی‮ ‬كەركووك،‮ ‬شاخەوان عەبدوڵڵا باس لەو م…