خەبات: عەلی‮ ‬بانیشاری
جووتیارانی‮ ‬باشووری‮ ‬كوردستان‮ ‬گەنم و جۆ‮‬یان ئامادەكردووە تا زەوی‮ ‬پەڵە بدات و دەست بە جووتكردن بكەن‮. ‬5ی‮ ‬تشرینی‮ ‬دووەمی‮ ‬هەموو ساڵێك وەكو كاتی‮ ‬پەڵەدان لە باشووری‮ ‬كوردستان دیاریكراوە،‮ ‬دوای‮ ‬ئەوەی‮ ‬سەرەتایی‮ ‬ئەم هەفتەیە شەپۆلێكی‮ ‬بـاران بارین رووی‮ ‬لە‮ ‬چەند ناوچەیەكی‮ ‬باشووری‮ ‬كـوردستان كرد‮ ‬چاوەڕوان دەكرێت ئەمساڵ زووتر پەڵە بدات،‮ ‬ماوەی‮ ‬چەند ساڵێكە كاتی‮ ‬باران بارین دوا دەكەوێت و دەكەوێتە مانگی‮ ‬كانوونی‮ ‬دووەم،‮ ‬بەوهۆیشەوە جووتكردن دواكەوێت و كاریگەری‮ ‬لەسەر بەرهەمی‮ ‬دانەوێڵە دەبێـت‮.‬
ناجی‮ ‬حەمە ئەمین،‮ ‬جووتیارێكی‮ ‬قەزای‮ ‬سەیدسادقە و دەڵێت‮” ‬گەنم و جۆمان ئامادەكردووە تا پەڵە بدات و تۆ بوەشێنین‮”. ‬ئەو دڵخۆشە كە ئەمساڵ كاتی‮ ‬باران باراین پێشكەوتووە و دەڵێت‮” ‬باشترین كاتی‮ ‬بۆ‮ ‬چاندنی‮ ‬گەنم‮ ‬10-15ی‮ ‬تشرینی‮ ‬دووەمـە،‮ ‬ئـەگەر پێـش ئـەو كاتەش جووت بكرێت هـیچ‮ ‬زیانێك بە بـەرهەمی‮ ‬ئـەو سـاڵە ناگەیەنێت‮”. ‬ئـەو گوتیشی‮” ‬ساڵی‮ ‬وەهـا هەبووە لە مـانگی‮ ‬كانوونی‮ ‬یەكـەم و دووەمیشدا جـووتكـراوە و بـەرهـەمی‮ ‬ئەو ساڵە باش بووە‮”. ‬

بەكر رۆستەم،‮ ‬دانیشتووی‮ ‬شارۆچكەی‮ ‬كەسنەزانە،‮ ‬ئەو كە ئێستا تەمەنی‮ ‬52 ساڵە هەر لە تـەمەنی‮ ‬لاویەتیەوە خەریكی‮ ‬كشتوكاڵكردنە‮. ‬دەڵێـت‮” ‬ساڵی‮ ‬رابردوو لە كاتی‮ ‬خۆیدا پـەڵەی‮ ‬نەدا و زیـاتر لـە مانگێك پەڵەدان دواكەوت،‮ ‬ئەوەش وایكرد جووتـكردن دوابكەوێت بۆ مانگـی‮ ‬كـانووی‮ ‬یەكەم‮”. ‬ئەو جووتیارە دەشڵێت‮” ‬دواكەوتنی‮ ‬پارەی‮ ‬گەنم جووتیارانی‮ ‬تاڕادەیـەك لە‮ ‬چاندنی‮ ‬گـەنم و جۆ ساردكردووەتەوە‮”. ‬بـەكر رۆستـەم لەگەڵ دەستكردن بە‮ ‬چانـدنی‮ ‬دانەوێڵە نـرخی‮ ‬گەنم و جـۆ لـە بازاڕەكـانی‮ ‬هەرێمی‮ ‬كوردستان بـەرز دەبێتـەوە و ئەو جووتیارانەی‮ ‬تۆی‮ ‬باشیان نییە دەگەڕێنن تا گەنم و جۆی‮ ‬نمرە‮ ‬یەك بكڕن و لە زەوییەكانیاندا بیچێنن‮. ‬

رەفعەت عوسمان،‮ ‬ماستـەر لە كشـتوكاڵ دەڵێت‮” ‬زۆربـەی‮ ‬گەنم و جۆی‮ ‬باشووری‮ ‬كوردستان دێمەكارە و پشت بە ئاوی‮ ‬باراناو دەبەستێت،‮ ‬بەهۆی‮ ‬ئەوەی‮ ‬ساڵانە رێژەیـەكی‮ ‬باش باران لە ناوچەكەدا دەبارێت بەرهەمی‮ ‬گەنم و جۆ ساڵانە دەگاتە نزیكەی‮ ‬یەك میلۆن تەن‮”. ‬گوتیشی‮” ‬هـەركات رێژەی‮ ‬باران بارین گەیشتە‮ ‬50 ‮ ‬ملم ئەو كات زەوی‮ ‬پەڵە دەدات‮”. ‬دەشڵێت‮” ‬ئەگەر پێش مانـگی‮ ‬تشرینی‮ ‬دووەم پەڵەش بدات هێشتا ساڵ زووە بۆ ئەوەی‮ ‬جووتیاران دەست بە‮ ‬چاندنی‮ ‬دانەوێڵە بكەن و ئاساییە دوای‮ ‬یەك مانگی‮ ‬تریش جووت بكەن‮”.‬
جووتیاران ئەو كاتە دەڵێـن پـەڵەی‮ ‬داوە لە كاتی‮ ‬جـوتكردندا گـاسنی‮ ‬تراكتۆرەكـان خۆڵی‮ ‬وشك نەهێنێتەوە دەرەوە‮. ‬گەنم و جۆ بەبەروبوومێكی‮ ‬زستانە ناسێنراون‮.‬‮ ‬لە باشووری‮ ‬كوردستان گـەنم و جۆ لە پێدەشتەكان بەشێوەیەكی‮ ‬بەرفراوان دەچێنرێت،‮ ‬زۆرینەی‮ ‬گەنم و جۆی‮ ‬هەرێم پێشت بەئاوی‮ ‬باراناو دەبەستێت كە ساڵانی‮ ‬پێویستی‮ ‬بـە زیاتر لە‮ ‬400 ‮ ‬ملم بارانە‮. ‬بـۆ وەرگرتنی‮ ‬زانییاری‮ ‬زیاتر لەسەر پێـشبینیەكانی‮ ‬كەشوهەوا پەیامنێری‮‬خەباتپەیوەندیكرد بەفازڵ ئیبراهیم،‮ ‬بەڕێوەبەری‮ ‬گشتی‮ ‬كەشناسی‮ ‬و بومەلـەرزەزانی‮ ‬هەرێم،‮ ‬بـەڵام ناوبراو‮ ‬ژمارەكەی‮ ‬بەردەست نەبوو‮.‬

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

شێوەکار رێژنە حەمید: هونەر لە کۆمەڵگایەکی داخراوی وەک کۆمەڵگای کوردی قورسە

خەبات: پەریهان عومەر:- شێوەکار رێژنە حەمید مستەفا لە دایکبووی ساڵی 1984 لە قەزای رانیە، دە…