دلۆڤان محه‌مه‌د فاتح جه‌لال، بەڕێوبەری گشتی تەندروستی هه‌ولێر رایگه‌یاند، 22 تووشبووی دیكه‌ی كۆرۆنا له‌ هه‌ولێر چاكبوونه‌وه‌.

له‌ راگه‌یه‌ندراوێكدا، به‌ڕێوبه‌ری گشتی ته‌ندروستی هه‌ولێر راشیگه‌یاند، ئه‌و كه‌سانه‌ چاره‌سه‌ری پێویستیان وه‌رگرتووه‌ و پشكنینی تایبه‌تیان بۆ كراوه‌ته‌وه‌ و ئه‌نجامه‌كه‌ی نێگه‌تیڤ بووه‌، بۆیه‌ بڕیار دراوه‌ ره‌وانه‌ی ماڵه‌وه‌ بكرێنه‌وه‌.

روونیشیكرده‌وه‌، كۆی گشتی ئه‌و كه‌سانه‌ی له‌ هه‌ولێر چاكبوونه‌ته‌وه‌، گه‌یشتووه‌ته‌ 74 كه‌س.

ئەمەی خوارەوە دەقی راگەیەندراوەکەیە:-

• هاوڵاتیانی خۆشەویستی شاری هەولێر پێتان ڕادەگەیەنین کە (۲۲) نەخۆشی تووشبوو بە ڤایرۆسی کۆڕۆنا COVID – 19 دوای وەرگرتنی چارەسەری پزیشکی بەتەواوی چاکبوونەتەوە و باری تەندروستییان تەواو جێگیر بۆتەوە، وە پشکنینی تایبەتی یەکیان لەدوای یەکی بۆ کرایەوە کە نێگەتیڤ بوو و بڕیاردرا بنێردرێنەوەماڵەوە.

• کۆی گشتی چابووەکان گەیشتە (۷٤) کەس.

• سوپاسی پابەندبوونتان دەکەین بۆ ڕێنماییە
خۆپارێزییەکان، جێبەجێکردنی ڕێنماییەکان زامنی زاڵبوونمانە بەسەر ئەم پەتا جیهانیە.

• زۆر سوپاسی ماندووبوونی تەواوی پزیشکان و کارمەندانی تەندروستی و تەواوی هێزەکانی ناوخۆ دەکەین کە پارێزگاری لە تەندروستی هاوڵاتیان دەکەن.

د.دلۆڤان محمدفاتح جلال
بەڕێوەبەری گشتی تەندروستی هەولێر
۱۳ی نیسانی ۲٠۲٠

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

نێچیرڤان بارزانی پەیامێکی بە بۆنەی یادی له‌دایکبوونی پێغه‌مبه‌ری ئیسلام بڵاو کردەوە

نێچیرڤان بارزانی، سەرۆکی هەرێمی کوردستان پەیامێکی بە بۆنەی یادی له‌دایکبوونی پێغه‌مبه‌ر ئی…