راپۆرت‮/ ‬پەریهاعومەر
تەمەنی‮ ‬گونجاو بۆ ئەوەی‮ ‬هاوسەرگیری‮ ‬تێدا ئەنجام بدڕێت لەسەر چ بنەمایەك دیاریدەكرێت‮ . ‬خۆشەویستی‮ ‬پێش هاوسەرگیری‮ ‬دەست پێدەكات‮ ‬یان دوای‮ ‬هاوسەرگیری؟ زۆر كەس پێیانوایە خۆشەویستی‮ ‬پێش زەواج باشترە و وائەكات مڕۆڤ پەرە بە خۆشەویستییەكەی‮ ‬ئەمانە هەمووی‮ ‬كۆمەڵە پرسیارێكن كە پێویستی‮ ‬بە خوێندنەوە و وردبینی‮ ‬هەیە و ئافرەتان لەو بارەوە خاوەن رای‮ ‬جیاوازن‮.‬ سازان عوسمان،‮ ‬ڕێكخەر و دامەزرێنەری‮ ‬گرووپی‮ ‬كچانی‮ ‬ژیر دەڵێت‮: ‬هاوسەرگیری‮ ‬كلتورێكی‮ ‬كۆنە و بۆ بەردەوامبوونی‮ ‬ژیان و پڕكردنەوەی‮ ‬لایەنە سۆزدارێكان و كۆمەڵێك هۆكاری‮ ‬كۆمەڵایەتی‮ ‬و كەسێتی‮ ‬تریش وەك پێویستیەكی‮ ‬ژیان ئەنجامدەدرێت‮. ‬باشترین تەمەنی‮ ‬گونجاو بۆ هاوسەرگیری‮ ‬بە پێی‮ ‬توێژینەوەكان و شارەزایانی‮ ‬بواری‮ ‬سایكۆڵۆجی‮ ‬و كۆمەڵناسی‮ ‬25‮ ‬ساڵییە،‮ ‬هۆكارەكەشی‮ ‬ئەگەڕێتەوە بۆ گەشەی‮ ‬ئەقڵی‮ ‬مرۆڤ لەو تەمەنەدا كە باشتر و تەواوترە و جوانتر و تەندروستتر ئەتوانێت بڕیار لەسەر كەسەكان بدات و باشترین بۆ ژیانی‮ ‬هەڵبژێرێت‮. ‬هەڵبەتە‮ ‬ڕێز و خۆشەویستی‮ ‬دوو بناغەی‮ ‬جدی‮ ‬ئەو پرۆسەیەن،‮ ‬ئەو كەسەی‮ ‬دیاری‮ ‬ئەكەی‮ ‬بۆ ژیانت پێویستە تا‮ ‬ڕادەیەك ئاشنایەتی‮ ‬و نزیكبوونەوە هەبێ و خۆشەویستی‮ ‬دروست بووبێت‮. ‬من وەكو خۆم بوونی‮ ‬خۆشەویستی‮ ‬پێش هاوسەرگیری‮ ‬بە مەرج ئەزانم و مرۆڤ ئەتوانێ بە هاوسەرگیری‮ ‬پەرە بەو خۆشەویستییە بدات و گەورەی‮ ‬بكات‮.‬ دارا ئەنوەر زۆراب،‮ ‬توێژەری‮ ‬كۆمەڵایەتی‮ ‬لەم بارەیەوە دەلێت‮: ‬كات گرنگە بۆ دەست پێكردنی‮ ‬پرۆسەی‮ ‬هاوسەرگیری،‮ ‬دەكرێت لەو كاتەوە دەست پێبكات كە‮ ‬یاسا دیاری‮ ‬كردووە بە مەرجێك ئینسانەكان لە‮ ‬ڕووی‮ ‬پێكهاتەی‮ ‬بایەلۆجی‮ ‬و كۆمەڵایەتی‮ ‬ئامادەبن بۆ پرۆسەكە و ئامادەیی‮ ‬بەرپرسیاریەتییان و توانایەكی‮ ‬ئابووری‮ ‬دیاریكراویان هەبێت كە بتوانن پشتی‮ ‬پێببەستن بۆ بەڕێوەبردنی‮ ‬ژیان،‮ ‬بە شێوازێك كە بتوانن كێشە و گرفتەكانی‮ ‬خۆیان چارەسەربكەن و خۆیان كاراكتەر بن لە بەشداریكردنی‮ ‬ژیانی‮ ‬یەكتر بۆ گەشەدان بە توانا و لێهاتوویی‮ ‬یەكتر و گەشەدان بە هێزە‮ ‬ڕوحی‮ ‬و جەستەییەكانی‮ ‬یەكتر لەسەر بنەمای‮ ‬جیاوازی‮ ‬یەكتر‮ ‬یەكتر قبوڵ بكەن،‮ ‬واتە هۆشیاری‮ ‬پەروەردەیی‮ ‬و كۆمەڵایەتییان لە ئاستێكدا بێت كە هەستی‮ ‬بەرپرسیارێتیان تیادا دروست بكات‮. ‬گرنگە خۆشەویستی‮ ‬هەبێت پێش هاوسەرگیری‮ ‬یان دوای‮ ‬هاوسەرگیری‮ ‬بێت،‮ ‬بەڵام گرنگتر خۆشەویستییە پێش هاوسەرگیری،‮ ‬چونكە ئەگەر ئەم خۆشەویستییە،‮ ‬خۆشەویستییەكی‮ ‬ڕاستەقینە بێ و دور بێت لە حەزە سێكسی‮ ‬و كاتییەكان،‮ ‬یارمەتیدەر دەبێت بۆ ئەوەی‮ ‬تێگەیشتن و جیاوازی‮ ‬یەكتر قبوڵ بكەن و دواتر دەتوانن ژیانێكی‮ ‬دروست و پڕ‮ ‬لە خۆشەویستی‮ ‬دروست بكەن،‮ ‬كە‮ ‬یارمەتیدەر دەبێت بۆ دروستكردنی‮ ‬خێزانێكی‮ ‬تەندروست،‮ ‬كە بنەماكانی‮ ‬خۆشەویستی‮ ‬و‮ ‬ڕێزگرتن و‮ ‬یەكتر قبوڵكردن لەسەر بنەمای‮ ‬جیاوازی‮ ‬تیابێت‮.‬ بێگەرد ئازاد،‮ ‬دەڵێ‮: ‬پێموایە هاوسەرگیری‮ ‬لە تەمەنێك بكرێت كە مرۆڤ ئامادەیی‮ ‬هەبێت بۆ ئەم پرۆسەیە لە‮ ‬ڕووی‮ ‬دەروونی‮ ‬و فكرییەوە،‮ ‬چونكە پرۆسەی‮ ‬هاوسەرگیری‮ ‬پێویستی‮ ‬بە كەسێكی‮ ‬پێگەیشتوو هەیە لە‮ ‬ڕووی‮ ‬مێشك و دەروونەوە و پێویستە كەسێكی‮ ‬تەواو گونجاو دیاری‮ ‬بكات تاوەكو بتوانێت ژیانی‮ ‬لەگەڵ بگوزەرێنێت،‮ ‬لەگەڵ ئەوەشدا مرۆڤ بەر لەوەی‮ ‬بچێتە نێو پرۆسەی‮ ‬هاوسەرگیری‮ ‬توانیبێتی‮ ‬چێژ لەو ژیانە ببینێت بەر لە هاوسەرگیرییەوە هەیبووە،‮ ‬هەروەها توانیبێتی‮ ‬حەز و ئارەزووەكانی‮ ‬بدۆزێتەوە و بزانێت چی‮ ‬دەوێت و چی‮ ‬باشە‮. ‬بۆ ئەو هەلبەتە مرۆڤ لە تەمەنی‮ ‬25‮ ‬ساڵی‮ ‬بەرەو سەرەوە دەتوانێ بە تەواوی‮ ‬درك بەم شتانە بكات،‮ ‬بۆیە بڕیاری‮ ‬ئەنجامدانی‮ ‬پرۆسەی‮ ‬هاوسەرگیری‮ ‬لە‮ ‬25‮ ‬بەرەوە سەرەوە بێت ئینجا بیری‮ ‬لێبكرێتەوە لە بارەی‮ ‬خۆشەویستییەوە‮. ‬خۆشەویستی‮ ‬بەر لە هاوسەرگیری‮ ‬و دوای‮ ‬هاوسەرگیریش بوونی‮ ‬هەیە،‮ ‬بەڵام هەر‮ ‬یەكەیان بە شێوەیەكی‮ ‬جیاوازە لەوەی‮ ‬تر‮. ‬خۆشەویستی‮ ‬بەر لە هاوسەرگیری‮ ‬كە لە نێوان هەردوو رەگەزی‮ ‬سەرهەڵدەدات كە هەیە لە تەمەنی‮ ‬هەرزەكاری‮ ‬دایە‮ ‬یاخود تەمەنێكی‮ ‬پێگەیشتووە،‮ ‬ئەمجۆرە خۆشەویستییە هەندێجار دڵەڕاوكێ و نائارامی‮ ‬لە خۆی‮ ‬دەگرێت بۆ هەردوو‮ ‬ڕەگەز،‮ ‬لە هەمان كاتدا خۆشی‮ ‬و چێژێكی‮ ‬تایبەت بە خۆی‮ ‬هەیە،‮ ‬بەڵام خۆشەویستی‮ ‬دوای‮ ‬هاوسەرگیری‮ ‬لە نێوان هاوژینەكان بە گوێڕەی‮ ‬تێپەڕبوونی‮ ‬كات و بەیەكەوە ژیان،‮ ‬هەروەها‮ ‬ڕادەی‮ ‬ڕازیبوون لەیەكتر و گونجان سەرهەڵدەدات و دەبێتە مایەی‮ ‬ئارامی‮ ‬هاوژینەكان‮. ‬خۆشەویستییەكی‮ ‬ڕاستەقینە كە دەبێتە مایەی‮ ‬ئارامی‮ ‬دەروونی‮.‬ هانە هادی،‮ ‬لەو بارەوە‮ ‬ڕایوایە كە‮:‬‮ ‬تەمەنی‮ ‬هاوسەر گیری‮ ‬بە بڕوای‮ ‬من دیاریكراو نییە،‮ ‬دەكەوێتە سەر چەند توانایەك كە دەبێت لەو مرۆڤەدا ببینرێت و خودی‮ ‬خۆی‮ ‬توانای‮ ‬هەڵگرتنی‮ ‬بەرپرسیاریەتی‮ ‬هەبێت لە چەند بوارێكی‮ ‬گرنگی‮ ‬ژیان‮. ‬هەرچوار لایەنی‮ ‬ئەقڵی‮ ‬و جەستەیی‮ ‬و‮ ‬ڕووحی‮ ‬و سۆزداری‮ ‬دەبێت ئامادەبێت بۆ ئەم پڕۆسەیە و بە تەواوی‮ ‬باوەڕێ دەبێت خۆی‮ ‬ئامادەبكات بۆ دوو لەت بوون،‮ ‬كە چیتر ئەم كەسە تەنها خۆی‮ ‬نییە و نیوەی‮ ‬دەبێت بە خۆی‮ ‬و نیوەكەی‮ ‬تری‮ ‬دەبێت بە هاوژینەكەی‮. ‬ئەم پێگەیشتنەش لە كەسێكەوە بۆ كەسێكی‮ ‬تر جیاوازە و‮ ‬ڕەنگە بۆ كەسێك‮ ‬25‮ ‬ساڵ گونجاو بێت و بۆ كەسێكی‮ ‬تر سەرووی‮ ‬30‮ ‬ساڵی‮ ‬ئینجا بتوانیت ئامادەیی‮ ‬تێدا بێت،‮ ‬بەڵام من وەك‮ ‬ڕای‮ ‬خۆم بە هەر شێوەیەك بێ لەگەڵ هاوسەرگیری‮ ‬خوار‮ ‬20‮ ‬ساڵی‮ ‬نیم بە هیچ شێوەیەك‮. ‬بە بڕوای‮ ‬خۆم خۆشەویستی‮ ‬دەبێت لە هەموو كاتێكدا بوونی‮ ‬هەبێت،‮ ‬بەڵام كاتێك باسی‮ ‬هاوسەرگیری‮ ‬دێت بابەتی‮ ‬خۆشەویستی‮ ‬دەبێت بخرێتە ناو جانتایەك و هەڵبگیرێت تاكو بتوانیت بڕیاری‮ ‬دروست و هەڵبژاردنی‮ ‬شیاو بدەیت بۆ ژیانت،‮ ‬واتا خۆشەویستی‮ ‬پێش هاوسەرگیریش دەبێت هەبێت بەڵام بە هیچ شێوەیەك كاریگەری‮ ‬نەكات لە بڕیار و هەڵبژاردنی‮ ‬كەسەكە‮. ‬سەبارەت بە دوای‮ ‬هاوسەرگیریش،‮ ‬وای‮ ‬بۆدەچم جوانترین و‮ ‬ڕاستترین هەڵسەنگاندنێك كە بتوانیت بیكەیت،‮ ‬و وردبیتەوە لە كەمبوون و زیادبوونی‮ ‬ئەو خۆشەویستیەی‮ ‬پێش هاوسەرگیری‮ ‬كە بۆ هاوژینەكەت هەبووە،‮ ‬ئایا زیادیكرد‮ ‬یان كەمیكرد؟

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

با هەموومان پاڵپشتی‮ ‬پلان و بەرنامەی‮ ‬چاكسازی‮ ‬حكوومەتی‮ ‬هەرێمی‮ ‬كوردستان بین

زیرەك‮ ‬ڕواندزی لە هەر وڵاتێكدا كارێزمایەك هەیە بۆ ئەوەی‮ ‬خزمەت بە گەل و نیشتمان بكات،‮ ‬…