خەبات: رۆشنا عەلی:- وەزارەتی پەروەردە بریارێكی نوێی بۆ خوێندنی حكومی و ناحكومی دەركرد و بەپێی بریارەكەش تا 1/12/ 2020 دەرگای قوتابخانەكان بە هەموو قۆناغەكانەوە دادەخرێن و خوێندنی ئەلیكترۆنی بۆ قوتابخانە حكومییەكان و ئۆنلاین بۆ قوتابخانە ناحكومییەكان بەردەوام دەبێت.   

لە نوسراوێكدا وەزارەتی پەروەردە روونی كردۆتەوە كە پۆلی 12 ی ئامادەیی دەتوانن سوود لە خوێندنی ئەلیكترۆنی نائیلزامی وەربگرن و قۆناغی 1-2 و بە شێوەیەكی كاتی خوێندنیان لە ناو پۆلدا رادەگیرێت ، هەروەها قۆناغی 3-11 بەشێوەی ئەلیكترۆنی بەردەوام دەبن لە خوێندن و بردنەوەی بە گروپی قوتابیانی ئەو قۆناغانەش بۆ قوتابخانە تا 1-12 دەوەستێت.  

ئەو قوتابخانەنانەی لە گوندەكان بەهۆی ژمارەی كەمی قوتابیانەوە دەوامیان دەكرد دەوامیان ڕادەگیرێت تا رێكەوتی ناوبراو دەوامی سەرجەم باخچە ناحكومییەكانیش رادەگیرێت.  

لەبەشێكی تری نوسراوەكەی وەزارەت هاتووە كە دەوامی پەیمانگا حكومی و ناحكومییەكانی سەر بە وەزارەتی پەروەردە تا ڕێكەوتی ئاماژە پێكراو ڕادەگیرێـت ، هەروەها بۆ ڕێكخستنەوەی ساڵنامەی خوێندن و تاقیكردنەوەكان وەزارەتی پەروەردە سوود لە پشووە فەرمییەكان وەردەگرێت ئەگەر بە پێویستی بزانێت.   

شایانی وتنە لە 1-12 وەزارەتی پەروەردە دووبارە هەڵسەنگاندن بۆ دۆخی تەندروستی دەكات و بریار لەبارەی بەردەوامبوون یان وەستاندنی خوێندن دەدات.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

ئایا دەوڵەتی شکستخواردووی عێراق لەسەر دووڕیانە؟

د. سـامان سـۆرانی ئەزموونی حوکمڕانی عیراقی پاش ساڵی ٢٠٠٣ نزیکە لە ئەزموونی حوکمڕانی ئەڵمان…