تا ئێستا22 ‮‬تانكەری‮ ‬گواستنەوەی‮ ‬غاز تەقەیان لێكراوە

0
172

خه‌بات‮: ‬عەلی‮ ‬بانیشاری:-
لە كۆی‮ ‬150 تانكەری‮ ‬گواستنەوەی‮ ‬غاز لە كێڵگەی‮ ‬غازی‮ ‬كۆرمۆر لە چەمچەماڵ بەهۆی‮ ‬تەقە لێكردنەوە تائێستا‮ ‬22 تانكەریان لەكارخراون‮. ‬ئەندامێكی‮ ‬لیژنەی‮ ‬سامانە سروشییەكان لە پەرلەمانی‮ ‬كوردستان دەڵێت‮” ‬پلانەی‮ ‬تەقە لێكردنەكە بۆ ئەوەیە ژمارەیەكی‮ ‬زیاتری‮ ‬تانكەر لەكار بخرێت و گواستنەوەی‮ ‬غاز كێشەی‮ ‬بۆ دروست بێت‮”. ‬لە روونكردنەوەیەكیشدا كۆمپانیاكانی‮ ‬دانەغاز و كریسنت پترۆڵیۆم رایدەگەیەنن بەرهەمهێنانی‮ ‬غاز لە كێلگەی‮ ‬غازی‮ ‬كۆرمۆر بەتەواوی‮ ‬تواناوە دەستیپێكردووەتەوە‮.‬

بەختیار عەبدوڵڵا،‮ ‬بەڕێوەبەری‮ ‬كارگەی‮ ‬غازی‮ ‬هەولێر دەڵێت‮: ‬لەڕووی‮ ‬بڕەوە كێشەی‮ ‬نەبوونی‮ ‬غاز چارەسەر بووە،‮ ‬ئەو بەشە‮ ‬غازەی‮ ‬داوامانكردبوو رۆژانە دەگاتە دەستمان و ئێمە دابەشی‮ ‬دەكەین‮”. ‬دەشڵێت‮” ‬رۆژانە و بە بەردەوامی‮ ‬غازی‮ ‬ماڵان دەگاتە سەرجەم ناحییە و قەزاكانی‮ ‬پارێزگای‮ ‬هەولێر و سەنتەری‮ ‬شاریش‮ “. ‬

ئەندازیار بەختیار عەبدوڵڵا گوتیشی‮” ‬كەمبوونەوەی‮ ‬غاز بەشێكی‮ ‬پەیوەندی‮ ‬بە زۆری‮ ‬خواست هەیە،‮ ‬چونكە ئێستاش هەر هەمان ئەو بڕەمان بۆ دێت كە لە وەرزی‮ ‬هاویندا دەهات‮”.‬
ناوبراو ئاماژەی‮ ‬بەوەشدا بەهۆی‮ ‬رەوانە نەكردنی‮ ‬غاز بۆ ماوەی‮ ‬5-6 رۆژ بۆشاییەك دروست بووە و بە رۆژێك ئەو بۆشاییە پڕ‮ ‬ناكرێتەوە‮. ‬ئەوەشی‮ ‬گوت‮” ‬ئێستا‮ ‬غاز بەسەرپەرشتی‮ ‬بریكارەكان و ئەنجوومەنی‮ ‬گەڕەكەكان دابەش دەكرێت‮”. ‬رۆژی‮ ‬هەینی‮ ‬لەشكر حامید،‮ ‬لیژنە هاوبەشەكانی‮ ‬قائیمقامییەتی‮ ‬سلێمانی‮ ‬رایگەیاند‮” ‬لە هەموو گەڕەكەكانی‮ ‬شاری‮ ‬سلێمانی‮ ‬غاز دابەش دەكرێت‮”. ‬گوتیشی‮” ‬لە چەند رۆژی‮ ‬رابردوودا رۆژانە‮ ‬16 هەزار بتڵ‮ ‬غاز بەسەر فرۆشیارەكانی‮ ‬غازدا دابەش دەكرا،‮ ‬بەڵام ئەمڕۆ‮ ‬12 هەزار بتڵ‮ ‬غاز دابەش كراوە‮”.‬

پێشەوا هەورامانی،‮ ‬ئەندامی‮ ‬لیژنەی‮ ‬سامانە سروشییەكان لە پەرلەمانی‮ ‬كوردستان بە‮ ‬خەباتـی‮ ‬راگەیاند‮:»‬لە نێوان ئەو كۆمپانیا و دانا‮ ‬غاز هیچ كێشەیەك نییە،‮ ‬كۆمپانیاكە بە رێكەوتنەكەوە پایەند بووە‮«. ‬لیژنەی‮ ‬سامانە سروشتییەكان ئاماژە بۆ ئەوە دەكەن تائێستا‮ ‬22 تانكەری‮ ‬گواستنەوەی‮ ‬غازی‮ ‬ماڵان تەقەی‮ ‬لێكراوە‮. ‬ئەو ئەندامەی‮ ‬پەرلەمانی‮ ‬كوردستان گوتیشی‮” ‬پێمان وایە پلانی‮ ‬تەقەكردن لە تانكەرەكان بۆ ئەوەیە ژمارەی‮ ‬لە كارخستنی‮ ‬تانكەرەكان زیاد بكرێن‮”. ‬پێشەوا هەورامانی‮ ‬دەشڵێت‮: ‬ئەو‮ ‬22 تانكەری‮ ‬بەر تەقەكردن كەوتوون جارێكی‮ ‬تر ناتوانن كار بكەنەوە،‮ ‬چونكە لە تاقیكردنەوە سەلامەتی‮ ‬ئۆتۆمبێل دەرناچن‮”. ‬ئەوەشی‮ ‬گوت‮” ‬حكوومەتی‮ ‬هەرێم ئەو گەرەنتییەی‮ ‬لە كۆمپانیا وەرگرتووە كە‮ ‬غازی‮ ‬ماڵان بە‮ ‬7500 بدرێت بە خەڵكی‮ ‬و زیاد نەكرێت‮”. ‬ئەو ئەندامەی‮ ‬لیژنەی‮ ‬سامانە سروشتییەكان لە پەرلەمانی‮ ‬كوردستان هەروەها گوتیشی‮” ‬ئەگەر لە ماوەی‮ ‬هەفتەیەكدا لە‮ ‬100 تانكەر‮ ‬50 تانكەری‮ ‬لەكار بخەیت ئەمە كێشەی‮ ‬گەورە بۆ كۆمپانیاكە دروست دەكات و وادەكات‮ ‬غاز نەگاتە تەواوی‮ ‬شارەكانی‮ ‬كوردستان‮ “.‬

رۆژی‮ ‬پێنج شەممە لە روونكردنەوەیەكدا هەردوو كۆمپانیای‮ ‬دانەغاز و كریسنت پترۆڵیۆم لە رایانگەیاند‮: ‬رۆژی‮ ‬پێنجشەممە بەرهەمهێنان لە وێستگەی‮ ‬غازی‮ ‬كۆرمۆر بە تەواوی‮ ‬توانای‮ ‬خۆیەوە دەستی‮ ‬پێكردووەتەوە،‮ ‬دوای‮ ‬ئەوەی‮ ‬شەوی‮ ‬4‮/‬2‮/‬2020‮ ‬ ئاگر لە وێستگەكە كەوتەوە‮”. ‬هەردوو كۆمپانیاكە ئاماژە بۆ ئەوە دەكەن دوای‮ ‬لێكۆڵینەوەكان دەركەوت ئاگركەوتنەوەكە بەهۆی‮ ‬كێشەیەكی‮ ‬تەكنیكیەوە‮ ‬ڕووی‮ ‬داوە‮. ‬هەر هەمان رۆژ و لە كۆنگرەیەكی‮ ‬رۆژنامەوانیدا لە شاری‮ ‬هەولێر شێخ بەكر سدیق،‮ ‬خاوەنی‮ ‬كۆمپانیای‮ ‬سوورگاز گوتی‮: ‬لە‮ ‬72 كاتژمێری‮ ‬داهاتوودا بریكارەكانی‮ ‬غاز بەهەمان نرخی‮ ‬پێشوو‮ ‬غاز بە هاونیشتمانیان دەفرۆشن بەبێ ئەوەی‮ ‬یەك دینار زیاد بكرێت‮”. ‬

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

بەڕێوەبەری ئاوی سۆران: هەر هاوبەشێك پێوەری ئاوی نەبەستبێت، لەم مانگە بە دواوە مانگانە پسوولەی 100 هەزار دیناری بۆ دێتەوە

خەبات: رەنجبەر بەرزنجی – سۆران:- ئەگەرچی ماوەی چەندین ساڵە لە لایەن حكوومەتی هەرێمی كوردست…