ب حكومەتا زۆرینە،‮ ‬نێچیرڤان بارزانی دێ شێت مەزنترین چاكسازیێ كەت

0
150

غیاس خالد زێباری‮ ‬
دڤان بیست و شەش سالێن حوكمڕانیا هەرێما كوردستانێ،‮ ‬هەرێما كوردستانێ گەشەبوونەكا ئێجار زۆر بخۆڤە دیتی‮ ‬یە،‮ ‬لێ مەزنترین ئاستەنگ لهەمبەر حكومەتا هەرێما كوردستانێ ب سەرۆكاتیا رێزدار نێچیرڤان بارزانی،‮ ‬ئەنجامدانا چاكسازیێن بنەرەتی‮ ‬بوویە و هیڤیا خەلكێ كوردستانێ ژی‮ ‬چاكسازی‮ ‬بوونە،‮ ‬گەهشتیە وی‮ ‬رادەی‮ ‬زۆربەری‮ ‬خەلكێ كوردستانێ باوەری‮ ‬ب ئەنجامدانا چاكسازیا نەمایە‮..! ‬ ئەز باوەرم نێچیرڤان بارزانی‮ ‬زۆر هەول داینە چاكسازیێن بنەرەتی‮ ‬بهێنە كرن،‮ ‬دووماهی‮ ‬پرۆژێ وی‮ ‬بەری‮ ‬چەندەكێ ئاراستەی‮ ‬گەرا چارێ‮ ‬یا پەرلەمانێ كوردستانێ كربوو،‮ ‬چونكی‮ ‬سەرۆكێ حكومەتێ گەهشتیە وێ باوەریێ،‮ ‬ئەگەر چاكسازی‮ ‬نەهێتە كرن،‮ ‬دێ كاریگەریەكا نەرێنی‮ ‬لسەر‮ ‬ڕەوشا ئابووری‮ ‬و جڤاكی‮ ‬وكارگێری‮ ‬و ئێمناهی‮ ‬هەبیت،‮ ‬لێ ژبەر ململانێن حزبایەتی‮ ‬و موزایدێن سیاسی،‮ ‬ئەڤ پرۆژە ژلایێ پەرلەمانی‮ ‬نەهاتە پەسندكرن،‮ ‬و پرانیا پارتیێن دیتر ل پەرلەمانی‮ ‬پشتەڤانیا ڤی‮ ‬پرۆژێ سەرۆكێ حكومەتێ و پارتی‮ ‬نەكر،‮ ‬ئەگەر هاتبا پەسندكرن رەوشا كوردستانێ‮ ‬یا كارگێری‮ ‬و ئابووری‮ ‬دا بەرەڤ قۆناغەكا گەشتر چیت‮.‬ هەر ئەڤ ململانێیە و موزایدێن سیاسی‮ ‬ئەگەرێن سەرهەلدان و بەرفرەهبوونا دیاردێن گەندەلیێن هەمەلایەنن ل هەرێما كوردستانێ و ئارمانجێن سەرۆكێ حكومەتێ ژی‮ ‬بجهـ نەهات و بێ بەرهەم مان. پشتی‮ ‬هەلبژاردنێن‮ (‬30ی‮ ‬ئیلۆنا‮ / ‬2018‮) ‬كورسیێن پارتی‮ ‬دیموكراتی‮ ‬كوردستان نێزیكی‮ ‬پرانیێ بوون ل پەرلەمانی،‮ ‬ئەو پارتیا هەردەم هەولێن چاكسازیێ و نەهێلانا گەندەلیێ ددا.‮ ‬خۆشبەختانە جارەكادی‮ ‬پارتی‮ ‬دیموكراتی‮ ‬كوردستان رێزدار نێچیرڤان بارزانی‮ ‬دێ راسپێریت بۆ پێكئینانا كابینا نوو‮ ‬یا حكومەتا كوردستانێ،‮ ‬ئەڤە دەلیڤەیەكا زێرینە لهەمبەر پارتی‮ ‬و سەرۆكێ حكومەتێ بۆ پێكئینانا حكومەتەكا زۆرینە،‮ ‬داكۆ بشێت بەرنامێن خۆ‮ ‬یێن چاكسازیێن دارایی‮ ‬و كارگێری‮ ‬لدەمەكێ زوو ئەنجام بدەت و ڤان دەسكەفت و سەروەریان بێخیتە سەر وان دەسكەفت و سەروەریێن لەشكری‮ ‬و ئاڤەدانی‮ ‬و ئێمناهی‮ ‬یێن دڤان سالان دا لسەر دەستێ وی‮ ‬بەرجەستە بووی.‮ ‬ ڕەنگە‮ ‬ڕەوشا كوردستانێ و دەڤەرێ حكومەتەكا بنگەەـ فراوان‮ ‬یان نیڤ بنگەهـ فراوان بخوازیت،‮ ‬لێ ب دیتنا من حكومەتا زۆرینە‮ ‬یا پارتی‮ ‬دێ زێدەتر خزمەتا جڤاكێ كوردستانێ و دەڤەرێ كەت،‮ ‬و هیڤیا خەلكێ كوردستانێ‮ ‬یا چاكسازیێن گشتی‮ ‬و نەهێلانا گەندەلیێ لسەر دەستێ نێچیرڤان بارزانی‮ ‬دێ بجهـ هێت.‮ ‬ ب بوورینا دەمەكێ كورت ژی‮ ‬ئەو وەلات و لایەنێن دگەل حكومەتا بنگەهـ فراوان دێ پەشێمان بن و پشتەڤانیا وێ حكومەتێ كەن‮ ‬،‮ ‬چونكی‮ ‬پارتی‮ ‬و سەرۆكێ حكومەتا داهاتی‮ ‬ب چاكسازی‮ ‬و دبلۆماسیەكا بەرفرەهـ لسەر پاراستنا بەرژەوەندێن هەڤپشك و پرۆژێن ئابووری‮ ‬و ئاڤەدانی‮ ‬و ئێمناهی‮ ‬و جڤاكی‮ ‬و كلتووری‮ ‬و سەروەریتركرنا‮ ‬یاسایێ و پاراستنا مافێن ئازادیا و دیموكراسیەتێ و ئاشتیا جڤاكی‮ ‬دێ وان حیبەتی‮ ‬كەت و نەجار كەت،‮ ‬ئەڤ گاڤە دەرفەتن كۆ ژلایێ نەتەوی‮ ‬و نشتیمانی‮ ‬ژی‮ ‬پشتەڤانێن زێدەتر هەبن و دەسكەفت مەزنتر ببن.‮ ‬ چونكی‮ ‬پرۆژە و درۆشمێ پارتی‮ ‬بهێزكرنا كوردستانێ‮ ‬یە،‮ ‬بهێزكرنا كوردستانێ ژی‮ ‬بڤێ چەندا مە دیار كری‮ ‬دێ بیتە پراكتیك.‮ ‬ ژلایێ پشتەڤانیا خەلكێ كوردستانێ ژی‮ ‬بۆ لایەنێن سیاسی‮ ‬و هەلبژاردنێن داهاتی،‮ ‬خەلكی‮ ‬ئێمناهی‮ ‬و ئەرزانی‮ ‬و چاكسازی‮ ‬دڤێن،‮ ‬حكومەتا هەرێما كوردستانێ ب چاكسازیەكا زوو و چارەسەركرنا قەیرانا دارایی‮ ‬كۆ بەرەڤ چارەسەریێ دچیت،‮ ‬دێ جەماوەرێ پارتی‮ ‬زۆر زێدەتر كەت.‮ ‬ب كورتی‮ ‬هەر حزبەك‮ ‬یان حكومەتەكا كوردستانێ گاڤێن پراكتیك بۆ بەرهنگاربوونا پرسێن گەندەلیێ و چارەسەركرنا قەیرانا دارایی‮ ‬دهاڤێت دێ بیتە پارتیەكا بێ ركابەر و زۆرینە ل پەرلەمانی.‮ ‬ئەز باوەرم گاڤێن دەسپێكێ‮ ‬یێن نێچیرڤان بارزانی‮ ‬سەرۆكێ حكومەتا داهاتی‮ ‬یا هەرێما كوردستانێ،‮ ‬دێ چاكسازی‮ ‬و چارەسەركرنا قەیرانا ئابووری‮ ‬و دارایی‮ ‬بیت و ئەڤە مەزنترین خزمەتە بۆ جڤاكێ كوردستانێ و پارتی‮ ‬دیموكراتی‮ ‬كوردستان دڤان كاودانان دا‮.‬

زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

با هەموومان پاڵپشتی‮ ‬پلان و بەرنامەی‮ ‬چاكسازی‮ ‬حكوومەتی‮ ‬هەرێمی‮ ‬كوردستان بین

زیرەك‮ ‬ڕواندزی لە هەر وڵاتێكدا كارێزمایەك هەیە بۆ ئەوەی‮ ‬خزمەت بە گەل و نیشتمان بكات،‮ ‬…