بەڕێوەبەری گشتی ئەزموونەكان: ئەمساڵ ڕێژەی دەرچوون لە ساڵی پار كەمترە، بەڵام نمرەی بەرز زۆر هاتووە 

0
391

خەبات:- رۆشنا عەلی:- ساڵانە لەگەڵ دەسپێكی تاقیكردنەوە گشتییەكان مشت و مڕو بۆچوونی جیاواز لەسەر هەڵەی پرسیارەكان، ناڕوونی پرسیار ، خراپی لە وەرگێڕان ، پرسیارهاتنەوە لە دەرەوەی پڕۆگرامەكان دەبنە سەرچاوەی گلەی مامۆستایان و شارەزایانی بواری پەروەردە، پرسیارە سەرەكییەكە ئەوەیە بۆچی سەرڕای گرتنە بەری هەموو ڕێوشوێنێك، بەڵام تاقیكردنەوەكان بێ‌ هەڵە تێناپەڕێت؟ لەگەڵ هەموو كەم و كوڕییەكان ، ئایا تا ئێستا  لێپێچینەوە لەگەڵ كێ‌ كراوە؟ سەرچاوەی دانانی پرسیارەكان كوێیە؟  كێن ئەوانەی دایدەنێن ؟ ئایا لەخولی دووەمی تاقیكردنەوەكان ئامادەكاری بە جۆرێك كراوە كە بەڕێوەبەرایەتی گشتی ئەزموونەكان رووبەڕووی هەمان گازاندەی خولی یەكەم نەبێتەوە لە دیمانەیەكی تایبەتدا ئەم پرسیارانەمان ئاڕاستەی كەریم لەتیف بەڕێوەبەری گشتی ئەزموونەكان كرد:       

*بۆچی پرسیاری دوو وەڵامی لە پرسیاری تاقیكردنەوەكاندا هەیە لە كاتێكدا هەڵبژاردن یەك وەڵامی هەیە؟   ساڵانە لەسەر چ كتێبێك پرسیارەكان دادەنێن ؟   ئێمە ساڵانە لەسەر دواین چاپكراوی شێوازی سۆرانی پرسیارەكان دادەنێین،  یەكێك لە هۆكارەكانی پرسیاری دوو وەڵامی پەیوەندی بە پڕۆگرامەكانەوە هەیە هەندێ‌ پرسیار هەیە لە بنەماوە لە پڕۆگرامەكاندا  هەڵەیە ، هەندێك پرسیار هەیە لەچاپێك هەیە لەوی تر نییە،  پرسیار هەیە لە كوردی هەیە لە ئینگلیزی نییە،  ئەوە یەكێكە لەو كێشانەی كەلە پرسیارەكان هەیە بەهۆی پڕۆگرامەكان، بابەتێكی تر ئەوەیە هەموو كەم و كوڕییەكانی وەزارەتی پەروەردە بە وانەی تایبەت بە شێوازی وانە وتنەوەی مامۆستاو كەمتەرخەمییەكانی تر  هەمووی ڕەنگدانەوەكەی لەم بەڕێوەبەرایەتییەیە بەڕێوەبەرایەتی گشتی ئەزموونەكان و لەم تاقیكردنەوەیە .

* بۆچی پرسیار لە ئەزموونە گشتییەكان بێ‌ هەڵە تێناپەڕێت ؟ 

ڕەنگە هەندێك جار هەندێك هەڵە لە ڕووی وەرگێڕانەوە ڕووبدات لەبەر ئەوەی شێوازی پرسیارەكان زۆرە لە ڕووی كۆپی و وەرگێڕانی بۆسەر زمانی عەرەبی ، ئینگلیزی شێوەزاری بادینی ، توركمانی هەتا هەندێك لاتینیش ، بەڵام وەك هەڵە نەئەمساڵ و نەپار هەڵە لە پرسیارەكان نەبووە ، شێوازی هەڵبژاردن ئەو سیستەمەی ئێمە پەیڕەوی ئەكەین ئەبێت وەڵامەكان لێك نزیك بن و جیاوازی نێوان قوتابیان و خوێندكاران بكات و ئاستەكانی قوتابی لە نێوان زیرەك و ناوەندو لاواز جیابكاتەوە ، هۆكارێكی تر ئەوەیە بەشێك لە مامۆستایان مەلزەمەو وانەی تایبەتیان هەیە ئەوانە بەشێوەیەك دەكەونە ناڕەزایی دەربڕین  كاتێك  ئەبینن پرسیارەكان وەك ئەو مەلزەمەیە نییە كە دایانناوە یان واك ئەو وانە تایبەتە نییە كە وتویانەتەوە  

*ئایا لیژنەی پرسیار دانان هەموو ساڵێك دەگۆڕێن یان دووبارە دەبنەوە؟ 

لیژنەكە ساڵ بەساڵ دادەنرێت، بەڵام هەموویان نا  هەیە دوور دەخرێتەوە هەیە خانەنشین دەبێت هەشە خۆی واز دەهێنێت.  

*ئایا هیچ ساڵێك لێپرسینەوە لەگەڵ هیچ مامۆستایەك كراوە لەوانەی پرسیار دادەنێن بە هۆكاری هەڵەو دزەی پرسیار؟ پار هەندێك لە پرسیارەكان وتیان هەڵەیە لە شێوەزاری سۆرانی و بادینی تێكەڵ كرابوون و پرسیاری عەرەبیش دیار بوو مشت و مڕی لەسەر بوو سێیان لە ئەندامانی لیژنەی باڵا دوور خرانەوە. 

*ئەو 35 نمرەیە كەبەڕوونكردنەوەی بەڕێوەبەرایەتییەكەتان  بڕیاری لەبارەوە درا ناچێتە چوار چێوەی ناڕوونی پرسیار قوتابی تاچەند لێی سوودمەند بوو؟

بۆچوونی جیاواز هەبوو لەسەر ئەو چەند پرسیارەی بڵاو كرایەوە هەندێك وتیان سێ‌ هەڵبژاردە ڕاستە هەندێكیش وتوویانە ڕێك پرسیارەكە هەڵەیە قەرەبووەكەش بەو جۆرە نییە هەر قوتابییەك 35 نمرەی وەرگرتبێت هەیە بە دوو نمرە هەیە بە دە نمرە سوود مەند بووە هەیە بە هیچ سوود مەند نەبووە بەپێی داتاكانی خۆمان كە هەڵسەنگاندنمان كرد قوتابییە زیرەكەكان زۆركەم سوودیان لەو قەرەبووە وەرگرتووە  لاوازو مام ناوەندەكان سوودمەند بوون لەبەر ئەوەی زیرەكەكان وەڵامی كۆنترۆڵیان داوەتەوە بێگومان لەبەر ئەوەی لەسەر كتێب خوێندویانە بۆیە داوا لە قوتابیان و خوێندكاران ئەكەم بە هیچ جۆرێك پشت بە مەلزەمە نەبەستن . 

 *پێتان وایە ئەمساڵ نمرەیەكی زۆر هاتووە یان وەك ساڵانە؟

ڕێژەی دەرچوون لە ساڵی پار كەمترە زۆرتر نییە ، بەڵام نمرەی بەرز زۆر هاتووە بەبەراورد بە ساڵی ڕابردوو  لەبەر دوو هۆكار یەكێك لەوانە ئەوەبوو قوتابیان ماوەیەكی زۆریان لەبەر دەست بوو بۆ خوێندن ، دووەمیان پڕۆگرامەكانیش بەشێكی زۆری لێ‌ تەرككرا كە خاڵێكی ئەرێنییە بۆ قوتابی  

*پاداشتی مامۆستایانی چاودێر بەم زوانە دەدرێت یان وەك ساڵان دوا دەكەوێت ؟ من سەردانی سەرۆكایەتی ئەنجومەنی وەزیرانم كردووە بۆ ئەو مەبەستە و دوو نوسراوی فەرمیمان كردووە و سەردانی وەزارەتی داراییم كردووە،  یەكێكیان بۆ ئەوەی پاداشتێكی تایبەت بدرێت بە مامۆستایان لەبەر بارودۆخی تەندروستی كە ئێستا هەیە جیاواز لە ساڵانی ڕابردوو ، بەڵام تا ئێستا ئەو پارەیە تەرخاننەكراوە   

 *ئەگەر قوتابی پەڵپ لە نمرەكەی بگرێت ئێوە پێداچوونەوە بەچی ئەكەن سۆماكەی یان لیستی پرسیارەكانی یان تەنها نمرەكەی ؟ پار ئێمە لە خولی یەكەم 20000 پەڵپمان هەبوو لە خولی دووەم كە پەڕەی سۆمامان ڕاگەیاند بووە 400 پەڵپ ئەمساڵ لەبەر ئەوەی ئێمە فۆڕمەكان ڕادەگەیەنین هەر قوتابییەو فۆڕمی خۆی دەبینێت بەهانەیەكی ئەوتۆ نامێنێتەوە كۆنترۆڵ یەك بەیەك بە داواكارییەكانییان دەچێتەوە،  پیشاندانی پەڕەی سۆما بەڵگەیە لەسەر ئەوەی كە كارەكانی بەڕێوەبەرایەتی گشتی ئەزموونەكان زۆر شەفافەو 144142 قوتابی پەڕەی سۆمای خۆیان دەبینن ئەگەر ئێمە دڵنیا نەبیت كارەكانمان زۆر ڕاستە ئەوە ناكەین.  

*دەربارەی ئەوەی كە ئایا هیچ ئامارێكی وەزارەتی تەندروستیتان هەیە كە قوتابی تووشی كۆرۆنا بوو بێت و تاقیكردنەوەی نەكردبێت ؟ تا ئێستا ئامارمان بۆ نەهاتووە كە هیچ كەسێك بەهۆی كۆرۆناوە نەیتوانیبێت تاقیكردنەوە ئەنجامبدات ئەگەر هەشبێت لە خولی دووەم و لە مانگی نۆ دەتوانێت لە 1/9 تاقیكردنەوە بكات ئەگەر هەر ئەو كاتیش هەبوو بە ئاماری وەزارەتی تەندروستی كە بڵێ‌ ئەو قوتابییە نەیتوانیوە نەلە خولی یەكە م و نە دووەم تاقیكردنەوەی نەكردووە ئێمە تاقیكردنەوەیەكی تایبەتیان پێدەكەین.  

 *ئایا ئەمساڵ هیچ كەسێك لێپێچینەوەی لەگەڵ كراوە؟ 

هیچ هەڵەیەك لە پرسیارەكان نەبووە تا لێپێچینەوە لە كەس بكرێت ئەو مامۆستایانەی دایانناوە نوخبەی باشی پەروەردەكانن.

بەرێوەبەری گشتی ئەزموونەکان بۆ “خەبات” دەدوێت
زیاتر

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

یانەی شەترەنجی خانزاد دەست بە چالاكییەكانی خۆی دەكاتەوە

خەبات: هاوار مورتكەیی:- دوای ماوەیەك دابڕان لەكردنەوەی پاڵەوانێتییەكانی شەترەنج لە هۆلەكان…