خەبات: ڕۆشنا عەلی:- ڕێكەوتی 1-9-2020 تاقیكردنەوە وزارییەكانی حكومەتی فیدراڵ دەستی پێكردو لە ناویشیاندا تاقیكردنەوەی بەشی خوێندنی كوردی لەشاری كەركوك كە پڕۆگرامیان هاوشێوەی هەرێمی كوردستانەو تاقیكردنەوەكانیشیان لەگەڵ حكومەتی فیدراڵە ، لەگەڵ دەسپێكی تاقیكردنەوەكان قوتابیان لەچەند وانەیەك ڕووبەڕووی كێشە بوونەوە بۆ گفتوگۆكردن لەبارەی ئەو كێشانەو گرفتی سەرەكی ئەم بەشە لەشاری كەركوك  لەگەڵا شێرزاد ڕەشید كاكە بەڕێوەبەری خوێندنی كوردی لە كەركوك گفوگۆمانكرد  

 *سەرەتا دەربارەی ئەو وانانەی كە پرسیاری هەڵەی تێدا هاتۆتەوە مامۆستا شێرزاد وتی : لەبابەتی زیندەوەرزانی و   كیمیا چەند پرسیارێك هاتۆتەوە كەلە دەرەوەی پڕۆگرامی دیاریكراوە بۆ تاقیكردنەوە  ئێمە وەك یاداشت داومانەتە بەڕێوەبەرایەتی گشتی تاقیكردنەوەكان لەوەزارەتی پەروەردەی عێراق وتوومانە كە دەبێت چارەسەری بكەن ئەم پرسیارانە لە چوارچێوەی پڕۆگرامی دیاریكراو نەبووە   

 *دەربارەی ئەوەی كە گوایە قوتابیان قەرەبوو دەكرێنەوە یان نا مامۆستا شێرزاد ئاماژەی بەوەدا كە ئەوان بە لێنی قەرەبوو كردنەوەی قوتابیانیان لە وەزارەتی پەروەردەی حكومەتی فیدراڵ وەرگرتووە ئەو لە بارەیەوە بۆخەبات وتی : وەزیری پەروەردەی حكومەتی هەرێم د. ئالان حەمە سەعید لەگەڵ وەزیری پەروەردەی عێراق قسەی كردووە گەشتوونەتە ڕێكەوتنێك كە ئەو پرسیارانەی هەڵەیە قوتابی نمرەی تەواو وەربگرێت ئەوانەش كەلە دەرەوەی پڕۆگرام هاتوونەتەوە نمرەی تەواو بە قوتابی بدرێت ، ئەوانیش بەڵێنیان داوە بەڵێ‌ قەرەبوو دەكرێنەوە  

*دەربارەی ژمارەی ئەو قوتابیانەی كە هۆڵەكانی تاقیكردنەوەیان بە جێهێشتووە كە ئایا ژمارەیان چەندە بەڕێوەبەری خوێندنی كوردی ئاماژەی بەوەدا %85 ی قوتابیانە ئەو لەمبارەیەوە وتی : نزیكەی %85 ی قوتابی لە تاقیكردنەوەی زیندەوەرزانی و كیمیا هۆڵیان بەجێهێشتووە كەئەمش وائەكات قوتابییەكان بكەونە خولی دووەم و لە نمرەیەكی  كۆی گشتی بێ‌ بەش دەبن ،ئێمە بۆ ئەم بابەتە یاداشتێكمان داوەتە وەزیری پەروەردەی هەرێمی كوردستان ، وەزیری پەروەردە یاداشتەكەی  ئێمەی بەرز كردۆتەوە بۆ وەزیری پەروەردەی عێراق كە تیایدا داوامانكردووە كە ئەو  قوتابیانەی لە و دوو وانەیە هۆڵیان بەجێهێشتووە بە خولی یەكەم بۆیان هەژمار بكرێت ، چونكە ئەگەر بە خولی دووەم بێت لە كاتی وەرگرتنیان لە زانكۆو پەیمانگاكان بە كێبڕكێ‌ لە نمرەیەكی گشتی بێ‌ بەش دەبن واتە ئەگەر تێكڕای نمرەكەی 80 بێت بە خولی یەكەم دەبێتە 81 وەزیری پەروەردەی عێراق ئەو بەڵێنەی داوە كە تەماشای ڕێژەی قوتابیان بكات و وتویەتی لەگەڵ لیژنەی تاقیكردنەوەكان دادەنیشێت بۆ ئەوەی بڕیار لەو بارەیەوە بدات و چاوەڕێی وەڵامین تا ئێستا بڕیاری لەبارەوە نەدراوە  

 *دەربارەی ئەوەی كەئایا قوتابیان بەچەند نمرە قەربوودەكرێنەوە مامۆستا شێرزاد وتی : لەبابەتی زیندەوەرزانی نزیكەی 12 نمرەیەو لە كیمیا 20 نمرە یە واتە 32 نمرە كە قوتابیان  نمرەی تەواوی خۆیان وەردەگرن.  

 *دەربارەی ئەوەی كە ئایا تاچەند بەشی خوێندنی كوردی كەركوك ڕۆڵی لە دانانی پرسیارو پشكنینی دەفتەرەكان هەیە لە چوار چێوەی تاقیكردنەوە گشتییەكانی پەروەردەی حكومەتی فیدراڵ  مامۆستا شێرزاد ئاماژەی بەوەدا كە ئەوە كێشەی سەرەكی تاقیكردنەوەكانی بەشەكەیانە ئەو لەمبارەیەوە بۆلاپەڕەی پەروەردە وتی: لە دەستنیشانكردنی مامۆستایان بۆپشكنینی دەفتەرەكان ساڵانە كۆمەڵێك مامۆستا دادەنێن كە هەموو ساڵێك دوو بارە دەبنەوە،  ئەمساڵ وتم ناوەكان دەگۆڕم وتیان بیانگۆڕن هەركێتان  پێ‌ باش بوو ئەوە دانێن ئێمە داماننا ، بەڵام بەداخەوە هەمان ناوە كۆنەكانیان گەڕاندەوە كە مامۆستای خوێندنی كوردین چەند ساڵە لەو لیژنەیەن و خۆیان پەیوەندیان دروستكردووە وبەردەوام  دایاندەنێنەوە ، بەڵام لەدانانی پرسیار ئەوان سوورن لەسەر ئەوەی وەزارەتی پەروەردەی عێراق پرس بە ئێمە ناكات لە كاتێكدا پێویستە لە رێی بەرێوەبەرایەتییەكەی ئێمەوە بێت بە ئێمە ناڵێن و خۆیان دایدەنێن  یەكێكیش لە نیگەرانییەكانە كە وەزیری پەروەردەی هەرێم بە وەزیری پەروەردەی عێراقی ڕاگەیاندووە. 

بەڕێوەبەری خوێندنی كوردی كەركوك داوادەكات لیژنەكەی ساڵانی ڕابردوو كارا بكرێتەوە و نوێنەری لە لیژنەی تاقیكردنەوەكان هەبێت ئەو لەمبارەیەوە وتی : داوا ئەكەم وەزارەتی پەروەردەی هەرێمی كوردستان  كە وەك لەسالانی 2004 و 2005 لیژنەیەكی باڵای هەبوو بەشداری لیژنەی باڵای تاقیكردنەوەكانی كردووە لە بەغداد واتە نوێنەری وەزارەتی پەروەردە ی هەرێم ئامادە بێت لەو لیژنەیە بۆ دیراسەكردنی خوێندنی كوردی لە كەركوك ئەو لیژنەیە كارا بكرێتەوەو نوێنەری وەزارەتی پەروەردەی تێدا بێت و ئاگادار بن چ مامۆستایەك دیاریدەكرێت بۆ ئەوەی ئەم هەڵانە دووبارە نەكرێتەوە .

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

مۆمشێل زلاتكۆڤ بۆ خەبات: شانازی بەدەسكەوتەكانمەوە دەكەم‌ كە لەسەر ئاستی بولگاریا و ئەوروپا و جیهان بەدەستم هێناون

خەبات: هاوار مورتكەیی:- مۆمشێل زلاتكۆڤ شەترەنجزانێكی لاوی بولگاریایە، تەمەنی هیشتا نەبۆتە …