خەبات: رەنجبەر بەرزنجی – سۆران:- ئەگەرچی ماوەی چەندین ساڵە لە لایەن حكوومەتی هەرێمی كوردستانەوە بڕیاری بەستنی پێوەری ئاو بۆ سەرجەم هاوبەشانی ئاو لەسەرتاسەری هەرێمی كوردستان دراوە، كەچی تا ئێستا و دوای چەندینجار دەرفەت لە سنووری قەزای سۆران (14) هەزار هاوبەش پێوەری ئاوییان نەبەستووە و بەرێوەبەری ئاوی سۆرانیش تایبەت بەخەبات رایگەیاند: لەم مانگە بەدواوە ئەو هاوبەشانەی كە پێوەری ئاوییان نەبەستووە مانگانە لە جیاتی پسوولەی (10) هەزار دیناری پسوولەیەكی (100) هەزار دینارییان بۆ دێتەوە.

(14) هەزار هاوبەش پێوەرییان نەبەستوو
ئاشكرایە لە ساڵی (2015)ـەوە وەك هەنگاوێكی گرنگ بریاری بەستنی پێوەری ئاو لە لایەن حكومەتی هەرێمی كوردستانەوە درا كەچی تا ئێستا لە سنووری قەزای سۆران (14) هەزار هاوبەشی ئاو پێوەری ئاوییان نەبەستووە، لەوبارەیەوە ئەندازیار (تەحسین سەعدوللا) بەرێوەبەری ئاوی سۆران رایگەیاند، خۆتان دەزانن لە ساڵی (2015)ـەوە بڕیار لەسەر بەستنی پێوەری ئاو بۆ هەر ماڵێك درا لەو كاتەشەوە تا ئێستا لە سۆران (12) هەزار هاوبەش بریارەكەیان جێبەجێكردووە و پێوەری ئاوییان بەستووە و (14) هەزار هاوبەشی دیكەش تا ئێستا پێوەرییان نەبەستووە.

سەرپێچیكاران مانگانە پسوولەی (100) هەزار دینارییان بۆ دێت.

هەر لە میانەی قسەكانی بۆ خەبات بەڕێوەبەری ئاوی سۆران ئاماژەی بەو دەرفەتانە دا كە بە هۆی بارودۆخی ئابووری لە ماوەی ساڵانی رابردوو بە ئەو هاوبەشانە دراوە كە پێوەری ئاوییان نەبەستووە و وتی : لە ساڵی (2018) ەوە تا ئێستا سێ جار دەرفەت بەو هاوبەشانە دراوە كە پێوەرییان نەبەستووە و خۆشبەختانەش لەو ماوەیە ژمارەیەكی باش لە هاوبەشان سەردانیان كردین و پابەندی رێنماییەكان بوون، بەڵام لە هەمانكاتدا سەرەرای ئەو دەرفەتانەی كە دراوە تا ئێستا (14) هەزار هاوبەش تا ئێستاشی لەگەڵ دابێت پێوەری ئاوییان نەبەستووە , بۆیە لە دواییان كۆبوونەوەمان و بە بەشداری سەرجەم بەرێوەبەرایەتییەكانی ئاو لە هەرێمی كوردستان بریار درا لەم مانگە بە دواوە ئەو هاوبەشانەی كە پێوەری ئاوییان نەبەستووە مانگانە پسوولەیەكی (100) هەزار دینارییان بۆ بچێت، بەراستی پێوەری ئاو زۆربەی كێشەكانی پەیوەست بە ئاو چارەسەر دەكات بە تایبەتی كێشەی كەمی ئاو و هاووڵاتیش بە پێی ئەو برە ئاوەی كە بەكاری دەهێنێت پارەی ئاوەكە دەدات واتە لەكۆتایی لە سوودی خودی هاووڵاتی دایە , بۆیە لەرێگای ئێوەوە داوا لە هەموو هاوبەشان دەكەم كە پابەندی یاسا بن و ئەگەر تا ئێستا پێوەرییان نەبەستووە سەردانمان بكەن و دەست بە بەستنی پێوەرەكە بكەن، لای خۆشمانەوە پێشنیارێكمان داوەتە سەرووی خۆمان و داوامان كردووە ئەگەر تا كۆتایی ساڵ سەرپێچیكاران هەستان بە بەستنی پێوەری ئاو، ئەوا حكومەت لەو (100) هەزار دینارە خۆش ببێت، كە بریار وایە لەم مانگە بۆیان بچێت , چونكە بەراستی چیتر ناكرێت ئەو هاوبەشانەی پێوەرییان بەستووە و ئەو هاوبەشانەشی كە نەیانبەستووە وەك یەك پارەی ئاو بدەن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

وەزیری پەروەردە: بەداخەوە هەندێ‌ جار ئەم پرسانە بۆ موزایەدە بەكار دەهێنرێت، دەیانەوێت موزایەدە بخەنە ناو كەرتی پەروەردە

خەبات: رۆشنا عەلی:- وەزیری پەروەردە لە میانەی كردنەوەی قوتابخانەی شاری مامۆستایانی بنەڕەتی…