ده‌سه‌ڵاتدارانی توركیا رایانگه‌یاند، له‌ ئه‌نجامی بومه‌له‌رزه‌كه‌ی ئه‌مڕۆ كه‌ به‌ گوڕی 6.6 پله‌ به‌گوێره‌ی پێوه‌ری رێخته‌ر رۆژئاوای وڵاته‌كه‌یانی هه‌ژاند، 4 كه‌س مردن و 152 كه‌سی دیكه‌ش بریندار بوون.

به‌گوێره‌ری ئاژانسی هه‌واڵی ئه‌نتدۆڵۆی توركی، سه‌رۆكایه‌تی ئیداره‌ی كاره‌سات و فراگوزاری توركیا “ئافاد” رایگه‌یاند، گه‌ڕان به‌دوای بێسه‌روشوێنان له‌ سه‌رجه‌م شار و ناوچه‌ زیانپێگه‌یشتووانی بومله‌رزه‌كه‌ ده‌ستیپێكردووه‌ و له‌ ئاسمانیشه‌وه‌ هێزه‌ چه‌كداره‌كان له‌سه‌ر كاری روپێوی ئه‌و ناوچانه‌ به‌رده‌وامن.

وه‌ك راشیگه‌یاند، تا ئێستا نزیكه‌ی 70 كه‌س له‌ژێر داروپه‌ردووی باڵه‌خانه‌ رووخاوه‌كان له‌ پارێزگای ئیزمیر رزگاركراون.

پێشتریش هه‌ر ئه‌مڕۆ “ئافاد” رایگه‌یاند، بومه‌له‌رزه‌یه‌ك به‌ گوڕی 6.6 پله‌ به‌گوێره‌ی پێوه‌ری رێخته‌ر شاری ئیزمیری رۆژئاوای توركیای هه‌ژاند و چه‌قی بومه‌له‌رزه‌كه‌ له‌ دووری 17 كیلۆمه‌تر له‌ كه‌ناری شاری سه‌فه‌ریحسار له‌سه‌ر ده‌ریای ئیجه‌ بووه‌ و له‌ قووڵایی 16.54 كیلۆمه‌تر روویداوه‌.

هه‌ر له‌مباره‌شه‌وه‌ تونج سۆیار، سه‌رۆك شاره‌وانی پارێزگای ئیزمیر رایگه‌یاند، به‌گوێره‌ی زانیارییه‌ سه‌ره‌تاییه‌كان، نزیكه‌ی 20 بینایه‌ له‌ ئه‌نجامی بومه‌له‌رزه‌كه‌ له‌و شاره‌ رووخاون.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابه‌تی تر

بۆ ناردنی 320 ملیار دیناری ھەرێمی كوردستان كازمی دەیەوێت كۆدەنگییەك دروست بكات

ئەمڕۆ بەشیر حەداد، جێگری سەرۆكی پەرلەمانی عێراق و مستەفا كازمی، سەرۆك وەزیرانی عێراق كۆبوو…