ناتۆ: ئەگەر لە عێراق بڕۆینە دەرەوە مەترسی دروست دەبێت
شەڕی‌ قورس لەنێوان سوپای‌ توركیا و شەڕڤانان بەردەوامە
رونكردنه‌وه‌یه‌ك له‌ پارێزگاری هه‌ولێره‌وه‌ بۆ پارێزگاری به‌سره‌

PDF Newspaper
Issue :
5454
Date:
2018-02-15
زیاتر بخوێنه‌وه‌

بۆ پەرەپێدانی بازرگانیی نێوان ھەرێم و ئێران کۆنفرانسێکی بازرگانی ئەنجام دەدرێت

 بەڕێوبەری گشتیی پێوەندییەکانی نێوان حکوومەتی ھەرێم و ئێران گوتی، لە دوای سەردانی سەرۆکی حکوومەتی ھەرێم بۆ ئێران بڕیار دراوە، پەرە بە ئاڵوگۆڕی بازرگانیی نێوان ھەردوولا بدرێت، بۆ ئەومەبەستەش مەرزە نافەرمییەکان بە فەرمی دەکرێن و کۆنفرانسێکی بازرگانیش ئەنجام دەدرێت و چەند شاندێکی ھەرێمیش سەردانی ئێران دەکەن.
لە دوای ڕووداوەکانی ١٦ی ئۆکتۆبەر شاندێکی حکوومەتی ھەرێمی کوردستان بە سەرۆکایەتیی سەرۆکی حکوومەتی ھەرێمی کوردستان سەردانی ئێرانی کرد بۆ ئاساییکردنەوەی پێوەندییەکانی نێوان ھەردوولا، لەوکاتەوە پێوەندییەکان ئاسایی بوونەتەوە و دەروازە سنوورییەکانیش کراونەتەوە و باسیش لەوە کراوە پەرە بە پێوەندییە بازرگانییەکانی نێوان ھەردوولا دەدرێت .
لەم بارەیەوە بەڕێوبەری گشتیی پێوەندییەکانی نێوان حکوومەتی ھەرێم و ئێران، عەبدوڵڵا ئاکرەیی، بە ماڵپەڕی فەرمیی پارتی دیموکراتی کوردستانی ڕاگەیاند: "حکوومەتی عێراق بڕیاری داخستنی مەرزە نافەرمییەکان داوە، بەڵام بۆ ئەوەی کەلوپەلی خەڵک لەو سنوورانە ماوە، مۆڵەتێکی پێ داون تا وەختێک بۆ ئەوەی کەلوپەلەکانی خۆیان ببەن و دواتر دابخرێن، ئەمەش بۆ کۆنترۆڵکردنی سنوورەکانە و ئێمەش ھیچ تێبینیمان لەسەری نییە."

ماكرۆن: به‌ڵگه‌مان ده‌ستكه‌وێت له‌ رژێمی سووریا ده‌ده‌ین

ئیمانوێل ماكرۆن، سه‌رۆكی فه‌ڕه‌نسا رایگه‌یاند: "له‌ حا‌ڵه‌تێكدا بۆمان روونبێته‌وه‌ و به‌ڵگه‌ی یه‌كلاكه‌ره‌وه‌مان له‌سه‌ر به‌كارهێنانی چه‌كی قه‌ده‌غه‌كراوی كیمیایی دژی خه‌ڵكی سڤیل له‌لایه‌ن رژێمی سووریاوه‌ بكه‌وێته‌ به‌رده‌ست، ئه‌و كاته‌ له‌ رژێمی سووریا ده‌ده‌ین".

سه‌رۆكی فه‌ڕه‌نسا له‌به‌ر‌ده‌م كۆمه‌ڵه‌ی رۆژنامه‌نووسانی فه‌ڕه‌نسا گووتی: "له‌و شوێنه‌ ده‌ده‌ین كه‌ چه‌كه‌كه‌ی لێوه‌ ده‌رچووه‌، یان پیلانه‌كه‌ی تێدا داڕێژراوه‌، ئه‌وه‌ هێڵی سووره‌، به‌ڵام ئه‌مڕۆ ده‌زگاكانمان به‌ڵگه‌ی یه‌كلاكه‌ره‌وه‌یان له‌ به‌رده‌ستدا نییه‌ كه‌ چه‌كی كیمیایی قه‌ده‌غه‌كراو، دژی خه‌ڵكی سڤیل به‌كارهێنرابێت".

ماكرۆن رایگه‌یاند: "هه‌ر كاتێك به‌ڵگه‌مان ده‌ستكه‌وت، ئه‌وه‌ی گووتم جێبه‌جێ ده‌كه‌ین، هه‌ر چه‌نده‌ كاری له‌ پێشینه‌ی ئێمه‌ به‌ره‌نگاربوونه‌وه‌ی تیرۆریستان و جیهادییه‌كانه‌".

گوڵستان تەحسین‮:‬‮ ‬خوازیارم لەداهاتوودا وەرزش لەدەرەوەی‮ ‬وڵات ئەنجام بدەم

خاتوو گوڵستان تەحسین تەنها لەدایكبووی‮ ‬1998 و خوێندكاری‮ ‬پەیمانگای‮ ‬پەروەردەی‮ ‬وەرزشی‮ ‬،‮ ‬لەبارەی‮ ‬دەستپێكی‮ ‬وەرزشی‮ ‬خۆی‮ ‬باس لەوە دەكات كەهەر لەمناڵییەوە خولیای‮ ‬وەرزش كردن بووە و تا ئێستاش لەگەڵ وەرزش كردن بەردەوامە بەبێ بچڕان،‮ ‬بۆ ئەم مەبەستە لاپەرەی‮ ‬وەرزشی‮ ‬خەبات ئەم كچە وەرزشوانەی‮ ‬بەچەند پرسیارێك‮ ‬بەسەر كردەوە و سەرەتا خاتوو گوڵستان تەحسین لەبارەی‮ ‬چۆنیەتی‮ ‬هەڵبژاردی‮ ‬یاری‮ ‬تۆپی‮ ‬پێ ئەو بەشێوەیە گوتی‮: ‬بێگومان هەرلەمناڵییەوە خولیای‮ ‬وەرزشی‮ ‬تۆپی‮ ‬پێ‮ ‬بووم،‮ ‬بۆیە بۆ هێنانەدی‮ ‬حەزوو ئارەزووەكەم،ئەم وەرزە روومكردە‮ ‬یانەی‮ ‬وەرزشی‮ ‬زانكۆی‮ ‬جیهان و لەم كاتەدا بەشداری‮ ‬خولی‮ ‬فووتساڵی‮ ‬كچانی‮ ‬كوردستان دەكەین و تیپەكەمان خۆشبەختانە خۆی‮ ‬گەیاندە چوارگۆشەی‮ ‬زێری‮ ‬خولەكە‮، ئەو كچە وەرزشوانە لەبارەی‮ ‬ئایندەی‮ ‬وەرزشی‮ ‬كچان لە كوردستان راشكاوە گوتی‮: ‬وەرزشی‮ ‬كچان لەكوردستان رۆژ لەداوی‮ ‬رۆژ بەرەو نەمان و خۆر ئاوابوون دەچێت،‮ ‬بۆیە چاوەرێی‮ ‬دەرفەتێكم كەگەشت بكەم بۆ دەرەوەی‮ ‬وڵات و لەوێ پەیوەندی‮ ‬بەیانەیەك‮ ‬یاخود بەتیپێكی‮ ‬قوتابخانەیەكی‮ ‬وەرزشی‮ ‬بكەم‮ ‬،‮ ‬تابتوانم هێزەی‮ ‬خۆم لەم شوێنانە تاقی‮ ‬بكەمەوە‮.‬