ROJNAMEY XEBAT 2017-11-13
Parlamentera kurd ya Iraqê: Hewlêr dê li ser esasê amara biyometrî bi Bexdayê re gotûbêj bike

 Endameka Lêjneya Darayî ya parlamentoya Iraqê dibêje, Herêma Kurdistanê di warê mûçe û bûdceyê de dê li ser esasê amara biyometrî bi Bexdayê re danûstandin bike.

Parlamentera kurd û endama Lêjneya Darayî ya parlamentoya Kurdistanê Necîbe Necîb ji BasNewsê re got, eger Bexda bêje em dikarin tenê mûçe beşek ji karmendên Kurdistanê bidin, Herêma Kurdistanê qebûl nake. Kurdistan dê li ser esasê amara ku bi sîstema biyometrî hatiye tomarkirin bi Bexdayê re danûstandin bike.

Necîbe Necîb her wiha got, mafê ti karmendekî nayê xwarin. Divê hikûmeta Iraqê mafê tevahiya welatî û karmendên Kurdistanê bide.

Wê parlamentera kurd da zanîn, serokên firaksyonên Kurdistanî li parlamentoya Iraqê dê di demek nêzîk de bi serokwezîrê Herêma Kurdistanê Nêçîrvan Barzanî re li ser çawaniya gotûbêja bi Bexdayê re bicivin.

 

 

 

s.g

 
çap kirdin   Share GERANEWE‌