ROJNAMEY XEBAT 2017-08-10
Serok Barzanî pêşwaziya Serokê Federasyona Komeleyên Kurdistanê li Swêdê kir

Roja pênçşem 10.08.2017 li Selaheddîn birêz Mesûd Barzanî Serokê Herêma Kurdistanê pêşwaziya Kaya Îzol Serokê Federasyona Komeleyên Kurdistanê li Swêdê kir.

 

Li hevdîtinê de Serokê Federasyona Komeleyên Kurdistanê li Swêdê palpiştiya xwe û Federasyona Komeleyên Kurdistanê li Swêdê ji bo referandûm û proseya serbixweyiyê ragihand û eve jî xisterû ku revenda Kurdî ya her çar perçeyan bi coşiyê ve piştevanê referandûmê ne. Her wiha behsa wê bername û kar û çalakiyan kir ku Federasyona Komeleyên Kurdistanê li Swêdê bi niyaze li Parlemena Swêdê û civînên girseyî û cemawerî li Swêdê û anîna çavdêrên navdewletî ji bo Kurdistanê encam bide.

 

Li beranber da Serok Barzanî spasî rola Federasyona Komeleyên Kurdistanê li Swêdê ya li piştevanîkirina referandûmê kir û destxweşiyê li wan kir. Li axaftina xwe de balkişand li ser biryara referandûma Kurdistanê û tekez li wê yekê kir ku ev biryar biryara xelkê Kurdistanê ye û li encama şikestanîna şeraket û tevafuqa li Iraqê da pêkhatiye. Li dirêjahiya axaftina xwe de Serok Barzanî ronahî xiste li ser civîna aliyên siyasiyên Kurdistanê ya li 7 ê hezîrana 2017 ku têda biryar hate dayîn 25ê eylûla 2017 wekî roja encamdana referandûmê bê diyar kirin û bi rojekî bi rûmet li dîroka gelê Kurdistanê de wesifkir. Serok Barzanî dûpat jî kir ku referandûm ji bo serbixweyiye û ewên dibêjin dem ne guncawe ji bo referandûmê divê ji me re bibêjin ka kengê guncawe? yan bedîla referandûmê çiye?

 
çap kirdin   Share GERANEWE‌