ROJNAMEY XEBAT 2016-05-12
Duway 100 Sal Hawkêşekan Pêçewane Debinewe

Dilşad Mistefa Wesanî

Salî 1916 le germey şerî yekemî cîhanda, rêkkewtinnamey sayks bîko kira, kurd uwêray şorş û berxudan lêrew lewê, amadeyî nebû, bo ewey wek hêzêk bixuwêndrêtewe û hîsabî bo bikirêt, boye duway tewawbûnî şer, ew beşey xakî kurdistan ke le çwarçêwey dewletî 'usmanîda bû, beser 3 dewletî nuwey zadey şerî yekemî cîhan ('êraq, turkiya, suriya) dabeşkira.
'Ereb uwêray ewey 'êraqî xiraye berdest û kurdistanîş bew dewlete lkêndra, çendan dewletî dîkey bo damezra, dwatir nasîunalîstekanî 'ereb lafî eweyan lêdeda ke nîştmanî 'ereb lelayen împiriyalîzmewe parçe parçe kirawe. iêstaş ke qse leser kotayî hatinî rêkkewtinnamey sayks bîko dekirêt, qewmeçiyekanî 'ereb delên nabê deskarî snûrekan bikirêt.
'Ereb wek netewey serdest le 'êraq, neytwanî wek dostîş seyrî kurd bikat, le axir û oxirî sedey bîstem û seretay sedey bîst û yekem, çend dengêkî 'ereb bangewazî dostayetî kurdiyan kird, belam neyantwanî yekem car bangewazekeyan lenaw netewey xoyanda şorbikenewe, bedrêjayî ew mawe dûr û drêje, her kurd le ser astî bjardew bzûtinewey siyasî destî dostayetî bo 'ereb drêjkirduwe.
Duway 100 sal, kurd amadeyî heye û le nawende siyasî û biriyar bedestekanî cîhanda hîsabî bo dekirêt, iêsta kurd le berey hawpeymananew pêşmerge take hêzî serzemînî şerî dijî da'şew wek bergirîkar le beha mroiyekan û hemû cîhan seyr dekirêt, iêsta dewlete drustkirawekanî sayks bîko nayanewê kurd bibête dewlet, dewlete biriyar bedestekan guwê le daway kurd degirn û beşêwey fermî pêşwazî le berêz ms'ud barzanî serokî herêmî kurdistan deken û le mafî reway kurd degen.
Bo ewey kurd duway 100 sal, ziyatir le beramber rûdawekanda amadebêt, pêwîste pêş hemû ştêk malî xoy yekbixatewe, kat bo kurd zor giringe, pêwîste kobûnewey hawbeşî hêze kurdistaniyekan be amadebûnî serok barzanî le 18/5/ 2015 bikirête binemayek bo yekgutarî û amadekarî beramber ew rûdawaney dênepêş, çunke ew kobûneweye biriyarî pêkhênanî jûrêkî 'emeliyatî bo doxî nawxo û egerekan dabû.

 

 

 

 

Sîpan 

 
chapkrdn   Share GERANEWE‌