ROJNAMEY XEBAT 2015-01-26
Nexoşxanekanî Mûsil Le Bernebûnî Şuwên û Derman Twanay Wergirtinî Birîndaranî Nemawe


Serçaweyekî agadar aşkiray kird, be hoy hêrş û serkewtin û pêşrewiyekanî dû rojî rabirduwî Pêşmerge be taybetî le mîhwerî Dîcle û rojhelat û rojaway Bendawî Mûsil dij be tîrorîstanî Da'iş, sercem holekanî nexoşxanekanî Mûsil pirin le laşe û birîndaranî Da'iş.

Leber nebûnî şuwên û derman û pêdawîstî pzîşkî hîç le nexoşxanekanî ew şare twanay wergirtinî birîndaranî Da'işî nemawe û jimareyek birîndar bebê çareserî le holekan kewtûn.

Wezîrî tendrustî Da'işîş serkirdayetî Da'iş lew meseleye agadar dekatewe û lewbarewe serçawe agadareke gutî: Wezîrî Tendrustî Tîrorîstanî Da'iş, benawî 'Ebidulmelîk serkirdayetî benaw dewletî îslamî agadar kirdotewe, ke be hoy şerekanî dû rojî rabirdû nexoşxanekanî Mûsil pirin le birîndar û laşey kujrawekan û çîtir twanay wergirtin û çareserkirdinî birîndaraniman nemawe.

Herweha eweşî xistoterû, ke le nexoşxanekan da derman û pêdawîstî pzîşkî nemawe û jimareyekî zor le birîndaranîş behoy nebûnî derman û pêdawîstî çareser kirdin demrin.

 
chapkrdn   Share GERANEWE‌