ROJNAMEY XEBAT 2015-01-20
Seretay Dabeşkirdinî 'Iraq Le Diyalewe Dest Pêdekat

Rojnamey El'erebî Cidîd ke baregakey le Lendene raportêkî bilaw kirduwetewe û têyîda hatuwe seretakanî gorînî planî dîmogirafiyaî 'Iraq be taybetî lew nawçe hawbeşaney ke le jêr destî çekdaranî Da'iş derdehênrên, derdekewtuwe.

Be guwêrey rojnameke emeş metirsiyekanî dabeşkirdinî 'Iraqî lê dekewêtewe û dabeş kirdinekeş le nêwan Hêzî Pêşmerge û Mîlîşiya Şî'ekan daye, ke buwete hoy nîgeranî Suninekan û ewanîş pişkî xoyan dewêt.

Parêzgay Diyale ke hawsnûre le gel Êran, be metirsîdartirîn nawçey nakokî le ser dadenrêt û le têkeleyekî tayfî û mezhebî pêkhatuwe, Mîlîşiya Şî'ekan hewl deden Parêzgay Diyale bixene ser parêzgakanî başûrî 'Iraq, emeş le duway derkirdinî Suninekan têyîda, Kurdîş hewldedat ew nawçane dabibrêt û biyangerênêtewe ser başûrî Kurdistan, ca eger be hêzîş bêt, yan berêkkewtin le gel Mîlîşiya Şî'ekan.

Lem bareyewe berpirsêkî nawçeyî Parêzgay Diyale ke neywîst nawekey aşkira bikirêt utî: Eme rêkkewtinêke le nêwan Hêzekanî Pêşmerge û Milîşiya Şî'ekan ke her kamiyan le nawçeyek bala destin.

Her sebaret bew pirse, Hesen Cîhad endamî pêşuwî perlemanî 'Iraq be rojnamekey rageyand: Le nêwan Pêşmerge û Mîlîşiya Şî'ekanda rêkkewtin kirawe bo pakkirdinewey ew nawçaney ke le layen Da'işewe kontirolkirawn, bew pêyîeş Pêşmerge beşdarî nekird le kontirolkirdinewey se'diye û be heman şêweş Mîlîşiya Şî'ekan beşdarîan nekird le kontirolkirdinewey nahiyey Celewla.

Cîhad retîşîkirdewe ke mebest lem rêkkewtine derkirdinî pêkhatey Sunine bêt lew nawçeye.

Hawkat Şêx Mehmûd ndawî, endamî encûmenî şêxekanî Parêzgay Diyale be rojnamekey gutuwe Hikumetî 'Iraq le pişt planî dabeşkirdinî Parêzgay Diyale û serkutkirdinî pêkhatey Sunineye .

zekan

 
chapkrdn   Share GERANEWE‌