ROJNAMEY XEBAT 2015-01-14
Lerîzî 50 Wilatî Cîhanda, Herêmî Kurdistan Beşdarî Merasîmekey Parîs Bû


Xopîşandanêkî Milyonî be beşdarî serkirdekanî cîhan le parîs berêwe çû.

Be mebestî îdanekirdinî hêrşe tîrorstiyekey heftey rabirdû Parîs, gewretirîn xopîşandan û rêpêwan le mêjuwî nuwey Ferensa da berêwe çû.

Rêpêwaneke bo retkirdinewe û derbirînî narezayiye dijî ew rûdawaney heftey rabirduwî Ferensa, ke çend çekdarêkî tundrew hêrşiyan kirde ser govarî Çarlis Îbido û 12 kes kujran.

Herwek dû roj duway ewe dû çekdarî tundrew le markêtêkda çend kesêkiyan be barmte girt û çendêkiyan lê kuştin.

Lem bareşewe Serok Wezîranî Ferensa (Manwêl Valîz) gutî Xopîşandane nimûney hawsozî sercem netewe û gelanî serzewiye le hember qurbaniyan û retkirdinewey bîrkirdinewey ew kesaneşe ke bem tawane qêzewne helsan.

Le nêw ew serkirdaney cîhanîş ke beşdarîan têda kirduwe heriyek le Serokwezîranî Berîtaniya (Davîd Kamîron) Rawêjkarî Elmaniya (Encêlîna Mêrkil) Serokwezîranî Îspaniya (Mariyano Raxo) Serok Wezîranî Îtaliya (Matîo Rînzî) Serokwezîranî Hengariya (Vîktor Orban) Serok Wezîranî Turkiya (Ehmed Dawûd Oxlo) û Serokî Okiraniya (Pitro Poroşinko) Wezîrî Derewey Rûsiya (Sêrgî Lavrov) Serokwezîranî Îsrayîl (Biniyamîn Netenyaho) û Serokwezîranî Turkiya Dawûd Oxlo beşdarî deken .

Hawkat le ser astî wilatanî 'Erebî heriyek le Paşay Ordin (Şa 'Ebidula) û xêzanekey şajine (Raniya ) û Serokî Felestîn (Mehmûd 'Ebas) Serok Wezîranî Tûns û Wezîrî Derewey Îmarat beşdarî deken.

Hawkat Hikûmetî Herêmî Kurdistan le rêgey nuwênerayetiyekeyewe le Ferensa beşdarî le xopêşandanekeda kird.

 
chapkrdn   Share GERANEWE‌