2018-04-03

فازڵ میرانی‮ ‬سكرتێری‮ ‬مەكتەبی‮ ‬سیاسی‮ ‬پارتی‮ ‬دیموكراتی‮ ‬كوردستان لەمیانەی‮ ‬وتوێژێكی‮ ‬تایبەتدا لەگەڵ بەشی‮ ‬كوردی‮ ‬دەنگی‮ ‬ئەمەریكا وەڵامی‮ ‬چەند پرسیارێكی‮ ‬لەسەر تەوەرە جیاوازەكان دایەوە،‮ ‬لەبارەی‮ ‬خۆپیشاندانەكانەوە رایگەیاند‮: ‬ئێمە گلەییمان لەدەستی‮ ‬دەرەكی‮ ‬نییە كە لەو خۆپیشاندانانە هەبێت،‮ ‬چونكە وەك دەزانرێت وڵاتی‮ ‬ئێمە دابەشكراوە بەسەر چەند وڵاتێكدا،‮ ‬بەڵام ئەوەی‮ ‬كە جێگەی‮ ‬سەرسوڕمانە ئەوەیە بۆ ئێمەی‮ ‬هێزی‮ ‬ناوخۆ بەقسەی‮ ‬هێزە دەرەكیەكان بكەین،‮ ‬ئەو ئەزموونەی‮ ‬كەساڵەها ساڵە خەباتمان بۆ كردووە و بەهەڵبژاردن ئەم كیانەمان دروست كردووە،‮ ‬بۆچی‮ ‬داوای‮ ‬ڕوخانی‮ ‬بكەین،‮ ‬بە بۆچوونی‮ ‬ئێمە ئەوانەی‮ ‬ئەم كارە دەكەن نایانەوێت هەڵبژاردن بكرێت‮.‬
فازڵ میرانی‮ ‬سكرتێری‮ ‬مەكتەبی‮ ‬سیاسی‮ ‬پارتی‮ ‬دیموكراتی‮ ‬كوردستان لەسەرەتای‮ ‬گفتوگۆكەدا باسی‮ ‬لەڕای‮ ‬پارتی‮ ‬دیموكراتی‮ ‬كوردستان كرد لەسەر خۆپیشاندانەكانی‮ ‬هەرێمی‮ ‬كوردستان و گوتی‮: ‬خۆپیشاندان بۆ داواكردنی‮ ‬ماف ئەمە مافێكی‮ ‬سروشتی‮ ‬هەركەسێكە،‮ ‬بەڵام خۆپیشاندانێك كە هەندێك حیزبی‮ ‬سیاسی‮ ‬بیقۆزنەوە بۆ دروشمی‮ ‬سیاسی‮ ‬خۆیان ئەوە بێگومان بۆ هەر پێشهاتێك قسەی‮ ‬خۆی‮ ‬هەیە‮" ‬لكل حادپ حدپ‮. " ‬سكرتێری‮ ‬مەكتەبی‮ ‬سیاسی‮ ‬پارتی‮ ‬دیموكراتی‮ ‬كوردستان بێ ئەوەی‮ ‬ئامادەبێت ئاماژە بە بۆچوونەكەیان بدات گوتی‮: ‬ئەوانەی‮ ‬بۆ داوای‮ ‬مافە،‮ ‬بۆچوونێكمان هەیە،‮ ‬ئەوانەشی‮ ‬بۆ داوای‮ ‬ڕووخانە بۆچوونێكی‮ ‬تایبەتمان هەیە‮. ‬
بۆچی‮ ‬داوای‮ ‬ڕوخانی‮ ‬ئەزموونەكەمان بكەین؟‮!‬
فازڵ میرانی‮ ‬گوتیشی‮"‬ئێمە گلەییمان لەدەستی‮ ‬دەرەكی‮ ‬نییە كە لەو خۆپیشاندانانە هەبێت چونكە وەك دەزانرێت وڵاتی‮ ‬ئێمە دابەش كراوە بەسەر چەند وڵاتێكدا،‮ ‬بەڵام ئەوەی‮ ‬كەجێگەی‮ ‬سەرسوڕمانە ئەوەیە بۆ ئێمەی‮ ‬هێزی‮ ‬ناوخۆ بەقسەی‮ ‬هێزە دەرەكیەكان بكەین؟‮!"‬ئەو ئەزموونەی‮ ‬كەساڵەها ساڵە خەباتمان بۆ كردووە و بەهەڵبژاردن ئەم كیانەمان دروست كردووە بۆچی‮ ‬داوای‮ ‬ڕوخانی‮ ‬بكەین؟‮!‬
نایانەوێت هەڵبژاردن بكرێت
بە بۆچوونی‮ ‬فازڵ میرانی‮ ‬ئەو هێزە ناوخۆییانەی‮ ‬لەپشت ئەو خۆپیشاندانانەی‮ ‬ئێستای‮ ‬كوردستانەوەن نایانەوێت هەڵبژاردنەكانی‮ ‬پەرلەمانی‮ ‬كوردستان ئەنجام بدرێت و گوتی‮: ‬بە بۆچوونی‮ ‬ئێمە ئەوانەی‮ ‬ئەم كارە دەكەن نایانەوێت هەڵبژاردن بكرێت چونكە خۆ پارتی‮ ‬و‮ ‬یەكێتی‮ ‬نە ئەوانی‮ ‬تر بە كودەتا نەهاتوون،‮ ‬بەهەڵبژاردن هاتوون،‮ ‬حەقە چاوەڕێی‮ ‬هەڵبژاردنەكان بكەن،‮ ‬دەرئەنجامی‮ ‬هەڵبژاردنەكان هەریەك بەمافی‮ ‬خۆی‮ ‬دەگات،‮ ‬بەڵام ئێمە ناتوانین‮ ‬یەكتر دەربكەین‮. ‬ئەگەر كەسێك نەیەوێت خۆی‮ ‬بێبەش بكات كەس ناتوانێت بێ بەشی‮ ‬بكات،‮ ‬ئەوانەی‮ ‬دوێنێ شەریكمان بوون حەقی‮ ‬خۆیانە ئەمڕۆ دژمان بوون بەڵام حەق وایە چاوەڕوانی‮ ‬هەڵبژاردنەكان بكەین چونكە هەركەس مافی‮ ‬خۆی‮ ‬وەردەگرێت‮. ‬
هەركات حكوومەت توانای‮ ‬هەبوو پاشەكەوت ناهێڵێت
میرانی‮ ‬گوتیشی‮: ‬كەموكوڕی‮ ‬هەیە لەهەموو شوێنێك لەباشترین وڵاتی‮ ‬دنیادا كەموكوڕی‮ ‬هەیە،‮ ‬چونكە ئەوەی‮ ‬هاووڵاتی‮ ‬داوای‮ ‬دەكات دەسەڵات ناتوانێت بۆی‮ ‬دابین بكات،‮ ‬لە ساڵی1992 تا‮ ‬2014‮ ‬كە داعش نەهاتبوو عێراق بودجەی‮ ‬هەرێمی‮ ‬نەبڕیبوو ئەم حكوومەتە زۆر‮ ‬یا كەم بووە توانیوێتی‮ ‬موچە بدات،‮ ‬ماف هەیە و ئەركیش هەیە هیچیان بێ‮ ‬یەكتر نابێت،‮ ‬دەستكاری‮ ‬كردنی‮ ‬پاشەكەوتی‮ ‬موچەش لەلایەن حكوومەتەوە واتای‮ ‬ئەوەی‮ ‬حكوومەت هەركات توانای‮ ‬هەبوو خۆی‮ ‬پاشەكەوت ناهێڵێت،‮ ‬پرسیارێك لەخۆمان دەكەین وەك كورد،‮ ‬حكوومەتێك هەیە خۆی‮ ‬بیەوێت فەرمانڕەوا بێت و موچەی‮ ‬خۆی‮ ‬نەدات؟‮! ‬مەنتق هەیە،‮ ‬بۆ نمونە من سبەی‮ ‬سەرۆك وەزیران بم سبەی‮ ‬پارە هەبێت وادەكەم پارەی‮ ‬كارمەند نەدەم؟‮! ‬ئەمە مەنتقی‮ ‬دەوێت،‮ ‬بەڵام كە توانا نەبوو دەبێت لایەنی‮ ‬بەرامبەریش تێبگات بۆ نییە؟ چونكە عێراق هەڵوێستی‮ ‬هەیە لەبەرامبەرمان و دۆخی‮ ‬ناوچەكە و شەڕی‮ ‬داعش،‮ ‬بەڵام دەبێت هەموومان وابكەین ئەم دۆخە تێپەڕێنین نەك هەربڵێین وەرە حكوومەت وابكە‮. ‬
2000‮ ‬شەهیدمان داوە
سكرتێری‮ ‬مەكتەبی‮ ‬سیاسی‮ ‬پارتی‮ ‬دیموكراتی‮ ‬كوردستان ئەوەشی‮ ‬گوت‮: ‬ئێستاش وادەڵێین ئەگەر نەوت و سەرچاوەكان لەدەست خۆمان بێت و لەدەست وڵاتانی‮ ‬تر نەبێت بێگومان بەشی‮ ‬موچەی‮ ‬هەرێم دەكات،‮ ‬بەڵام حەقە ئەم حەق و حساباتە لەگەڵ خەڵكی‮ ‬شارەزا لێك بدەینەوە،‮ ‬نەك وەك دوكاندار دابنیشین،‮ ‬ئاخر هەندێك خەڵك وادەكات و دەڵێت؛ بەرمیلێك نەوت بەوەندەیە و ئەگەر‮ ‬ڕۆژانە ئەوەندە بفرۆشرێت حكوومەت ئەوەندەی‮ ‬دەست دەكەوێت،‮ ‬حساب ناكات ئەم پارەیە چەندی‮ ‬بۆ كۆمپانیا و بۆ توركیا و بەندەری‮ ‬مینا و قەرزەكانی‮ ‬پێشوو دەچێت؟ هەروا ناكرێت بەبازاڕی‮ ‬بێیت نیەتی‮ ‬پێشوەختەی‮ ‬تێدا بێت بۆ تاوانباركردن بێ ئەوەی‮ ‬مەجال بدەی‮ ‬كابرای‮ ‬تۆمەتبار كراو بەرگری‮ ‬لەخۆی‮ ‬بكات‮. ‬فازڵ میرانی‮ ‬ڕاشیگەیاند‮: ‬ئێمە شەری‮ ‬داعشمان كرد‮ ‬2000‮ ‬شەهیدمان دا،‮ ‬بەڵێ ئێمە وەك پارتی‮ ‬لە‮ ‬1992ـەوە تا‮ ‬2014‮ ‬ئەم وڵاتەمان بەڕێوەبردووە ئەم هەموو پڕۆژە و زانكۆ و‮ ‬ڕێگاو بان و فڕۆكەخانەیەمان كرد واتە ئەو حكوومەتەی‮ ‬پارتی‮ ‬بەڕێوەی‮ ‬دەبرد ئەوانەی‮ ‬كرد بەڵام ئێستا هەموو ئەوانە نادیدە دەگرن و بەڵام دێن ئەم ماوەیەی‮ ‬شەڕی‮ ‬داعش باس دەكەن كە بەخوێنی‮ ‬شەهیدانی‮ ‬پارتی‮ ‬و‮ ‬یەكێتی‮ ‬مەترسی‮ ‬داعش دورخرایەوە‮. ‬
ماف داواكردن و ماف سووتان
سكرتێری‮ ‬مەكتەبی‮ ‬سیاسی‮ ‬پارتی‮ ‬دیموكراتی‮ ‬كوردستان گوتیشی‮: ‬داوای‮ ‬ماف شتێكە؟ ئاگر بەردانە فەرمانگە و شوێنەكان شتێكی‮ ‬تر ئەوە ماف داواكردن نییە ئەوا ماف سووتانە،‮ ‬هەر زۆر لەو خۆپیشاندانانە مۆڵەتی‮ ‬فەرمیان نیە،‮ ‬كەدێن بە بێ مۆڵەت هوتافی‮ ‬بڕوخێت بڕوخێ دەگرنەوە لەهەموو دنیا وایە حكوومەت بەرگری‮ ‬لەخۆی‮ ‬دەكات،‮ ‬وەك ئەوە وایە كەسێك لەماڵی‮ ‬خۆی‮ ‬بێت و كەسێكی‮ ‬تر بچێتە سەری‮ ‬بۆ دزی‮ ‬یا بۆ كوژی‮ ‬ئایا نابێت مەترسیەكە لەخۆت دوورخەیتەوە‮ ‬یا دێیت دەستی‮ ‬دەگری‮ ‬و دەڵێی‮ ‬وەرە ماڵم بسووتێنەو و بمكوژە،‮ ‬ئەوە تەنها لە ئینجیلی‮ ‬مەسیح هەیە كەدەڵێ ئەگەر زلەت دا لەم‮ ‬ڕوومەتەم بیدە لەڕوومەتەكەی‮ ‬ترم‮. ‬
ئەڵڵاهو ئەكبەر
دەڵێت و بانگەشەی‮ ‬جیهاد دەكات‮!‬
فازڵ میرانی‮ ‬سكرتێری‮ ‬مەكتەبی‮ ‬سیاسی‮ ‬پارتی‮ ‬دیموكراتی‮ ‬كوردستان لەكۆتایی‮ ‬بەشی‮ ‬یەكەمی‮ ‬ئەم وتوێژە تایبەتیەدا لەگەڵ بەشی‮ ‬كوردی‮ ‬دەنگی‮ ‬ئەمەریكا جەختی‮ ‬كردەوە ئەو لایەنانەی‮ ‬لەپشت خۆپیشاندانەكانەوەن تەنها مەبەستیانە خۆپیشاندان نەكەن‮. ‬لەو بارەیەوە گوتی‮: ‬ئاماژەكان وان كە ئەو لایەنانە دەیانەوێت هەڵبژاردن نەكرێت و بەبۆچوونی‮ ‬من ئەگەر ئەوان هەڵبژاردنیان دەوێت ئەوا كەشێكی‮ ‬ئارام بۆ خۆیان دروست دەكەن،‮ ‬بەڵام ئەم خۆپیشاندانانە بانگەشەی‮ ‬ئەوەیە كەهەڵبژاردن نەكرێت،‮ ‬بۆ نمونە‮ ‬یەكێك لە ئەندام پەرلەمانەكانی‮ ‬بەغدا سەر بەحیزبێك ئەوە چوار ساڵە لەبەغدایە تا ئێستا چوار قسەی‮ ‬نەكردوە و داوای‮ ‬مافی‮ ‬خەڵكی‮ ‬نەكردووە بەڵام دێتەوە كوردستان دەمانچەی‮ ‬لەپشتدایە و ئەڵڵاهو ئەكبەر دەڵێت و بانگەشەی‮ ‬جیهاد دەكات‮! ‬باشە كۆمەڵگای‮ ‬ئێمە ئەوە چۆن قبوڵ دەكات مافی‮ ‬مامۆستا لەكوێ و دروشمی‮ ‬بڕوخێت بروخێت لەكوێ؟‮! ‬ئەخیرەن مامۆستایان بەو پەرلەمانتارەیان گوت‮: ‬كاكە گیان بۆ بەناوی‮ ‬ئێمە قسە دەكەی‮ ‬؟ ئەوە دروشمی‮ ‬ئێمە نییە ئێمە داوای‮ ‬مووچە و مافی‮ ‬خۆمان دەكەین نەك‮ ‬ڕووخان دەكەن،‮ ‬ئەخیرەن بەشێكی‮ ‬زۆری‮ ‬مامۆستایان چوونەوە ماڵەوە‮. ‬
ئەم جەوە بۆ ئەوەیە هەڵبژاردن نەكرێت
پێشتر نەوزاد هادی‮ ‬پارێزگاری‮ ‬هەولێر لە وتووێژێكدا لەگەڵ بەشی‮ ‬كوردی‮ ‬دەنگی‮ ‬ئەمەریكا‮ ‬ڕایگەیاندبوو‮: ‬گۆڕان و كۆمەڵ لەپشت خۆپیشاندانەكانی‮ ‬هەولێرەوەن بۆ ئەوەی‮ ‬بانگەشەی‮ ‬هەڵبژاردنی‮ ‬پێبكەن و دەنگ كۆبكەنەوە‮. ‬هەروەها سەفین دزەییش وتەبێژی‮ ‬فەرمی‮ ‬حكوومەتی‮ ‬هەرێمی‮ ‬كوردستان بێ ناوهێنانی‮ ‬هیچ لایەنێكی‮ ‬سیاسی،‮ ‬بەڵام لایەنە سیاسییەكانی‮ ‬تۆمەتباركردبوو بە قۆستنەوەی‮ ‬خۆپیشاندانەكان بۆ مەبەستی‮ ‬سیاسی‮ ‬خۆیان،‮ ‬بەڵام فازڵ میرانی‮ ‬دەڵێت‮: ‬لە گشتیەكەیدا ئەم جەوە بۆ ئەوەیە هەڵبژاردن نەكرێت و زەمینە ساز نەكردنە بۆ هەڵبژاردن،‮ ‬لە تایبەتیەكەشیدا بۆ ئەوەیە بەشێك لەكاندیدەكان بچن خۆیان پیشان بدەن و بڵێن ئێمە كاندیدین و دروشم دەكێشن تا بەخەڵك بڵێین ئەها ئێمە كاندیدین و دروشمی‮ ‬ڕووخانی‮ ‬حكوومەتی‮ ‬خۆمانمان هەڵگرتووە،‮ ‬واتە هەردوو مەبەستەكە هەیە‮. ‬

 
چاپکردن   Share گه‌ڕانه‌وه‌