2018-04-02

دیدار‮: ‬بەرهەم شێخ عزەدین
من لادێ ئەسعد‮ ‬ڕەشید لە‮ ‬ڕۆژی‮ ‬شەهیدبوونی‮ ‬باوكم و براكەم لەشەڕی‮ ‬ناوخۆ تەمەنم‮ (‬3مانگ‮) ‬بوو لەنازی‮ ‬باوك بێ بەش بووم،‮ ‬بەڵام شانازی‮ ‬دە كەم بە شەهید بونی‮ ‬باوكم و براكەم وە من ئێستا لەسەر‮ ‬ڕێبازی‮ ‬پارتی‮ ‬و بارزانی‮ ‬بەردەوامم بۆ ئەوەی‮ ‬ڕێچكەی‮ ‬باوكم و براكەم بزر نە بێت،‮ ‬من بە دیداری‮ ‬باوكم شاد نەبوم هیوادرم بەدیداری‮ ‬جەنابی‮ ‬سەرۆك بارزانی‮ ‬شاد ببم،‮ ‬هیوادارم نا ئومێدم نەكات لەدیدەنی‮ ‬بەڕێزیان‮. ‬ئەمانەوتەی‮ ‬لادێ كوڕی‮ ‬شەهید ئەسعەد‮ ‬ڕەشید بوون كەلەدەست پێكی‮ ‬قسەكانی‮ ‬بۆخەباتی‮ ‬كرد‮:‬
شەهید ئەسعەد و شەهید سەیوانی‮ ‬كوڕی
شە هید ئەسعد رەشید ئەحمەدی‮ ‬باوكم و براكەم شەهید(شەهید سەیوان ئەسعد‮ ‬ڕەشید)لەشەڕی‮ ‬ناوخۆشەهیدبوون‮ ‬،لە بەرواری22/1/1995 ‮ ‬لە شەڕی‮ ‬بنەسڵاوەو كەسنەزان،شەهید ئەسعەدی‮ ‬باوكم پێشمەرگەی‮ ‬شۆڕشی‮ ‬ئەیلوول بوە لەهێزی‮ ‬كاوە لەپشدەر،ئامرهێزە كە‮ ‬یان شەهیدحەسۆ میرخان بووە،‮ ‬باوكم لەشۆڕشی‮ ‬ئەیلوول دووجار بریندار بوە و زیندانی‮ ‬سیاسی‮ ‬بووە بۆ ماوە‮ ‬ی‮ ‬ساڵێك لەزیندانی‮ ‬ئەمنی‮ ‬عامەی‮ ‬بەغدا‮.‬
بێ باوكی‮ ‬و بوونی‮ ‬سەرۆك بارزانی
سەرەتا لادێ كوڕی‮ ‬شەهید ئەسعەد و برای‮ ‬شەهید سەیوان گوتی‮:‬وەكو باسم كرد من تەمەنم سێ مانگ بووە كەباوكم شەهید بووە كەواتە من نازی‮ ‬باوەشی‮ ‬گەرمی‮ ‬باوكم نەبینیەوە،بەڵام‮ ‬ڕۆژهات و‮ ‬ڕۆژ‮ ‬ڕۆێی‮ ‬سوپاس بۆخوا تابە ئەمڕۆ گەیشتم،‮ ‬هەرچەند بێ باوكی‮ ‬زۆر ناخۆشە،‮ ‬بەڵام كە فامم كردەوە و بۆیان باس كردم باوكم لەپێناوی‮ ‬ڕێبازی‮ ‬پارتی‮ ‬و بارزانی‮ ‬شەهید بووە،‮ ‬زۆر شانازیم بەخۆمە وە كرد،‮ ‬چونكە دەڵێم دوای‮ ‬نەمانی‮ ‬باوكم من كوڕی‮ ‬پارتی‮ ‬و بارزانیم،‮ ‬بارزانی‮ ‬لەجێی‮ ‬باوكە بۆ كوڕە شەهید و پێشمەرگە بۆیە ئێستا نیگەرانیم كەمترە‮.‬
قوربانیدان وخەباتی‮ ‬كورد
ئەو كوڕە شەهیدە بەم جۆرە باسی‮ ‬قوربانیدان و خەباتی‮ ‬گەلی‮ ‬كوردی‮ ‬كردو گوتی‮: ‬گەلی‮ ‬كورد سەدان ساڵە‮ ‬ڕۆڵەكانی‮ ‬دەكاتە قوربانی‮ ‬وخوێن دەبەخشێت لەپێناوی‮ ‬ئازادی‮ ‬و سەربەخۆیی‮ ‬و گەل وخاكەكەی،وەكو دایكم بۆی‮ ‬باس كردووم باوكم چەكی‮ ‬پێشمەرگایەتی‮ ‬بۆ ئازادی‮ ‬و سەربەخۆیی‮ ‬كوردستان كردۆتە شان و دەڵێ‮: ‬ئەوەندەی‮ ‬خەمی‮ ‬ئەركی‮ ‬پێشمەرگایەتی‮ ‬بووە ئەوەندە خەمی‮ ‬ماڵ و منداڵی‮ ‬نەبووە‮.‬
دەوڵەتی‮ ‬ئێراق و كورد
دواترلادێ كوڕی‮ ‬شەهید ئەسعەد دەربارەی‮ ‬دەوڵەتی‮ ‬ئێراق و گەلی‮ ‬كورد وابۆچوونەكانی‮ ‬خستە‮ ‬ڕوو‮: ‬رژێمە‮ ‬یەك لەدوای‮ ‬یەكەكانی‮ ‬ئێراق‮ ‬بەهەموو شێوەیەك كوردیان چەوساندۆتەوە و هەوڵی‮ ‬لەناوبردنی‮ ‬ئەم گەلە مەزڵومەی‮ ‬داوە،ئەم گەلەش بەهەموو شێوەیەك بەرەنگاریان بۆتەوە و خەباتی‮ ‬كردووە بۆ ئازادی،ئەمەجگە لەوەی‮ ‬كوردستان و گەلەكەشی‮ ‬لانە و پەناگەی‮ ‬ئێراقییە ئۆپزسۆنەكان بووە كە دژی‮ ‬ڕژێمەكان خەباتیان دەكرد و ئێستا دەسەڵاتدارن لەئێراق،بەداخەوە دەبو پاداشتی‮ ‬كوردستان و هاوڵاتی‮ ‬كوردیان بدایەوە كەچی‮ ‬ئەوەتا دەبینین،ئابڵۆقەی‮ ‬خستۆتە سەرمان و،بگرە دێت دەشمان كوژێت،ئەوە وەفاو پاداشتیانە بۆئەم گەلە خێر لەخۆنەدیوە‮.‬
كەكووك‮ ‬و كەركووكییەكان
ئەو كوڕە شەهدە كەخەڵكی‮ ‬كەركو كە وایگوت‮: ‬گەلی‮ ‬كورد دنیایەك قوربانی‮ ‬داوە بۆ گەڕانەوەی‮ ‬كەركووك بۆ باوەشی‮ ‬هەرێمی‮ ‬كوردستان،بارزانیی‮ ‬نەمر ئامادەی‮ ‬تیابوو شۆڕشێك بكاتە قوربانی‮ ‬تەنها لەپێناوی‮ ‬ئەوەی‮ ‬سازش لەسەر كوردستانی‮ ‬بوونی‮ ‬كەركووك نەكات،كەچی‮ ‬گرووپێك لەخیانەتكاران بەئاسانی‮ ‬ئەم شارەیان‮ ‬ڕادەستی‮ ‬دوژمنانی‮ ‬گەلی‮ ‬كورد كرد،من وەكو كوڕە شەهیدێك وخەڵكی‮ ‬كەركووك ئەوەندە نیگەران بووم لەوكارەساتەی‮ ‬بەسەركەركووك هات،وام زانی‮ ‬تازە باوكم شەهید بووە و لەنازی‮ ‬باوك بێ بەش بوم،زامی‮ ‬بێ باوكیم كولایەوە‮.‬
بارو دۆخی‮ ‬كەسو كاری‮ ‬شەهیدان
ناكرێت بڵێین كەس وكاری‮ ‬شەهیدان هیچیان بۆنەكراوە،‮ ‬یان بڵێین هەموو شتێكیان بۆكراوە،‮ ‬بەڵێ هەندێ شت كراوە،‮ ‬بەڵام جێی‮ ‬داخە دوای‮ ‬ئەم قەیرانە ژیان وگوزەرانی‮ ‬كەسو كاری‮ ‬شەهیدان زۆرخراپە،پێویستە ئاوڕێكی‮ ‬جدی‮ ‬وخێرا لەبارودۆخی‮ ‬كەسوكاری‮ ‬شەهیدان بدرێتەوە،‮ ‬وەدەبێت لایەنە پەیوەندی‮ ‬دارەكانی‮ ‬حكومەت هەوڵی‮ ‬زیاتر بدات بۆ دابینكردنی‮ ‬كورسی‮ ‬خوێندن و زۆر بواری‮ ‬دیكەی‮ ‬ژیان بۆئێمەی‮ ‬كەسوكاری‮ ‬شەهیدان چونكە ئێمە ئێستا حكومەت و حزب لەجێی‮ ‬باوك و كەسمانن‮.‬
ئاواتم ئەوەیە گەلەكەمان بگات بەدەوڵەتی‮ ‬سەربەخۆ و بەدیداری‮ ‬سەرۆك بارزانی‮ ‬شادبم
ئەو كوڕە شەهیدە لەدوماهی‮ ‬قسەكانی‮ ‬بۆ خەبات گوتی‮: ‬من وەكو كوڕەشەهیدێك خەونم ئەوەیە گەلەكەم ببێتەخاوەنی‮ ‬دەوڵەتی‮ ‬سەربەخۆی‮ ‬خۆی‮ ‬ئەوئامانجەی‮ ‬كەباوكم خەباتی‮ ‬بۆكردولەپێناوی‮ ‬شەهید بوە،‮ ‬وەئاواتم ئەوەیە وەكوكوڕەشەهیدێك كەلەنازی‮ ‬باوك بێ بەش بووم،‮ ‬جەنابی‮ ‬سەرۆك بارزانی‮ ‬ببینم و بەدیداری‮ ‬شاد ببم ئەگەر ئەوئاواتەم بێتە دی‮ ‬ئەوە هەست بەزیندوبونەوەی‮ ‬باوكم دەكەم،‮ ‬هەست ناكەم باوكم نەماوە بەهیوام‮ ‬ئەوڕۆژە ببینم‮.‬

 
چاپکردن   Share گه‌ڕانه‌وه‌