2018-03-25

دیمانە‮: ‬هاوار مورتكەیی

نیكی‮ ‬ریگا‮ ‬Nicky Riga‮‬ خانمێكی‮ ‬ولاتی‮ ‬یۆنانە،‮ ‬ئەو قوتابیە لە زانكۆی‮ ‬هاركۆپیا لە ئەسینا، ئەو‮ ‬یاری‮ ‬شەترەنج ناكات،‮ ‬بەڵام خۆشەویستی‮ ‬بۆ‮ ‬یاری‮ ‬شەترەنج وای‮ ‬لێكردووە زۆر لێی‮ ‬نزیك بێتەوە شارەزاییەكی‮ ‬زۆر لەسەر ئەو‮ ‬یارییەدا پەیدا بكات،‮ ‬نیكی‮ ‬لە بەشی‮ ‬ئابووری‮ ‬ماڵ دەخوێنێت،‮ ‬كەچی‮ ‬تایبەتمەندی‮ ‬خۆی‮ ‬داوەتە سەر شەترەنج و جگە لە ناوبژیوانی‮ ‬نێودەوڵەتی،‮ ‬وەكو كارگێرییەكی‮ ‬كارا پاڵەوانێتییەكانی‮ ‬شەترەنج بەڕێوەدەبات،‮ ‬لەهەمان كاتیش وێنەگرێكی‮ ‬بەتوانایە،‮ ‬لاپەڕەی‮ ‬وەرزشی‮ ‬خەبات بەدەرفەتی‮ ‬زانی‮ ‬ئەم دیمانەیەی‮ ‬لەگەڵ ئەنجام بدات و چەند‮ ‬پرسیارێكی‮ ‬تایبەت بە بوارەكەی‮ ‬لێ بكات‮.‬

یارییەكی‮ ‬دیموكراتی

نیكی‮ ‬ریگا لە‮ ‬12ی‮ ‬ئەیلوولی‮ ‬1990 لە ئەسینای‮ ‬پایتەختی‮ ‬یۆنان لەدایك بووە،‮ ‬لەوەڵامی‮ ‬ئەوپرسیارەی‮ ‬كە بۆچی‮ ‬شەترەنجی‮ ‬هەڵبژارد گوتی‮: ‬شەترەنج‮ ‬یارییەكی‮ ‬هەرزانە،‮ ‬پێویستی‮ ‬بە ئامێر و كەلوپەل و‮ ‬یاریگای‮ ‬وەرزشی‮ ‬نییە،‮ ‬لەهەر شوێنێك بیت دەتوانی‮ ‬شەترەنج بكەیت،‮ ‬شەترەنج لە هەموو‮ ‬یارییەكانی‮ ‬دیكە دیموكراتی‮ ‬ترە،‮ ‬تەمەن و رەگەز و توانای‮ ‬جەستەیی‮ ‬بەلایەوە گرنگ نییە،‮ ‬تەنانەت ئەوانەی‮ ‬كەمئەندامیشت دەتوانن ئەو‮ ‬یارییە بكەن،‮ ‬واتە هەموو مرۆڤێك دەتوانێ چێژ لە شەترەنج وەربگرێت‮.‬

فێری‮ ‬بەرپرسیارێتی‮ ‬دەبی

ئەو خانمە‮ ‬یۆنانییە زیاتر دەڵێت‮: ‬ئەوەی‮ ‬من لە شەترەنجدا زۆر بەلامەوە گرنگ و جێی‮ ‬بایەخە ئەوەیە كە تەنها خۆت بەرپرسی‮ ‬لە بردنەوە و دۆڕاندن،‮ ‬واتە هەموو ئەنجامەكەی‮ ‬دەوەستیتە سەر خوودی‮ ‬خۆت‮ (‬بێگومان بەرامبەرەكەشت‮‬،‮ ‬لەشەترەنج بەخت نییە،‮ ‬ئەمە وات لێدەكات كە فێر بی‮ ‬چۆن‮ ‬هەست بە بەرپرسیاریتی‮ ‬بكەی،‮ ‬شەترەنج‮ ‬یارمەتیدەرە لە راهێنانی‮ ‬تواناكانت لە چارەسەركردنی‮ ‬كێشەكانی‮ ‬ژیانی‮ ‬رۆژانەت بەبیركردنەوە و زیرەكی،‮ ‬رەنگە پێویستت بە باشترین چارەسەر نەبێت،‮ ‬چونكە كێشەكان پێویستیان بە چارەسەرێكی‮ ‬سەركەوتووە،‮ ‬لە‮ ‬یاری‮ ‬شەترەنج پێویستی‮ ‬بە زیرەكییە،‮ ‬لەبەر ئەوەی‮ ‬ناتوانی‮ ‬بەبێ بیركردنەوە ئامێرێكی‮ ‬شەترەنج بجولێنی،‮ ‬زۆر جار كاتێكی‮ ‬زۆرت لەبەردەمدا نییە،‮ ‬لێرەدا بۆ ئەوەی‮ ‬نەكەویت دەبێت تۆ بڕیارێكی‮ ‬دروست دژی‮ ‬بەرامبەرەكەت بدەی،‮ ‬ئەمەش واتای‮ ‬ئەوەیە كە راهێنانێكی‮ ‬پراكتیكی‮ ‬مێشكە،‮ ‬چونكە بڕیاردانەكەت رۆژێك‮ ‬یان چەند كاتژمێرێكت لەبەردەمدا نییە تا بیری‮ ‬لێ بكەیەوە،‮ ‬كەواتە تۆ پێویستت بە مێشكێكی‮ ‬درووستە تا بە خێرایی‮ ‬بڕیارێكی‮ ‬درووست بدەی‮.‬

كاتەكانم هەمووی‮ ‬بۆ شەترەنجە

لەكۆتاییدا ئەو ناوبژیوانە ئافرەتە دەڵێت‮: ‬من زۆر بەكەمی‮ ‬یاری‮ ‬دەكەم بەڵام كاتەكانم هەمووی‮ ‬تەرخانە بۆ شەترەنج،‮ ‬لەبەر ئەوەی‮ ‬من ناوبژیوانم و لە هەمان كاتیش فۆتۆگرافەری‮ ‬شەترەنجم و لەپاڵەوانێتییەكاندا وێنە بۆ رێكخراوێكی‮ ‬راگەیاند دەگرم ئەویش رێكخراوی‮ ‬‮‬founder of Brainfreeze Media

 
چاپکردن   Share گه‌ڕانه‌وه‌