2018-03-25

خه‌بات: ساسان دەروێش

لە دێرزەمانەوە نەورۆز و ئاگرەكەی‮ ‬بۆ نەتەوەی‮ ‬كورد بووەتە جەژن و هێمای‮ ‬سەركەوتن و نەوە لە دوای‮ ‬نەوە شانازی‮ ‬بەم رۆژەوە دەكەن و بەشێوەی‮ ‬جۆراوجۆر‮ ‬یادی‮ ‬دەكەنەوە و بە پۆشینی‮ ‬جلوبەرگی‮ ‬كوردەواری‮ ‬و ئاگركردنەوە،‮ ‬رۆژێك دواتریش بە نەمانی‮ ‬سەرما و گۆڕینی‮ ‬كەشوهەوا‮ ‬ڕوو لە دەشت و چیا و سەیرانگەكان دەكەن،‮ ‬لەگەڵ ئەمەشدا هەمیشە دوژمنانی‮ ‬كوردیش چەندیان بۆ كرابێت توانای‮ ‬خۆیان بەكارهێناوە بۆ كوژاندنەوەی‮ ‬ئەو ئاگرە و سڕینەوەی،‮ ‬بەڵام سووربوونی‮ ‬گەلی‮ ‬كورد و راپەڕین و شۆڕشەكانی‮ ‬لەم رۆژەدا نموونەی‮ ‬ئازایەتی‮ ‬و پڕ‮ ‬لە قوربانیدان بوونە بۆ سەركەوتن بەسەر دوژمندا‮. ‬وەك نەریتێكی‮ ‬ساڵانە،‮ ‬كوردانی‮ ‬شاری‮ ‬ئارنهێم لە هۆڵەندا،‮ ‬بەسەرپەرشتی‮ ‬پێشمەرگەی‮ ‬دێرین و كەم ئەندامی‮ ‬سەنگەر دكتۆر فەلاح ئەبوبەكر و هەمانگی‮ ‬لەگەڵ رێكخرا و كۆمەڵە و كەساتییەكانی‮ ‬ئەو شارە لە هەر چوارپارچەی‮ ‬كوردستان ئەو‮ ‬یادە بە ئاگركردنەوە و هەڵپەڕكێ پیرۆزكرا‮. ‬

رێوڕەسمی‮ ‬پیرۆزكردنی‮ ‬نەورۆز لە لەندەن

بە هەمان شێوەش لەنێو تەلاری‮ ‬پەرلەمانی‮ ‬بەریتانیا لە شاری‮ ‬لەندەن،‮ ‬مەراسیمی‮ ‬پیرۆزكردنی‮ ‬جەژنی‮ ‬نەتەوەیی‮ ‬كورد پیرۆزكرا بە ئامادەبوونی‮ ‬چەندین كەسایەتی‮ ‬سیاسی‮ ‬و رۆشنبیری‮ ‬ئەو وڵاتە و نوێنەرانی‮ ‬كورد و ئەنجوومەنی‮ ‬یەكێتی‮ ‬ئافرەتانی‮ ‬كوردستان بەسەرپەرشتی‮ ‬رۆشنا بزەنگە بەشداربوون لەگەڵ ئانگس مەكیی‮ ‬كۆنسولی‮ ‬بەریتانیا لە كوردستان،‮ ‬كاروان جەمال تاهیر،‮ ‬نوێنەری‮ ‬حكوومەتی‮ ‬هەرێمی‮ ‬كوردستان لە بەریتانیا و خاتوو بارونێس نیكسۆن،‮ ‬نوێنەری‮ ‬بازرگانی‮ ‬سەرۆكوەزیرانی‮ ‬بەریتانیا لە عێراق،‮ ‬جان لۆبۆك رۆژنامەنووس و فیلمساز‮. ‬

ئاگری‮ ‬نەورۆز لە شاری‮ ‬لاهایی

ساڵانە لە نیو ناوەندی‮ ‬شاری‮ ‬لاهایی‮ ‬كە پایتەختی‮ ‬سیاسی‮ ‬هۆڵەندایە و چەندین ناوەندی‮ ‬سیاسیی‮ ‬نێودەوڵەتی‮ ‬و پەرلەمانی‮ ‬هۆڵەندای‮ ‬لێیە،‮ ‬رێكخراوە و كۆمەڵە كوردییەكانی‮ ‬هەر چوار پارچەی‮ ‬كوردستان هەڵسن بە فێستیڤاڵی‮ ‬نەورۆز و لە خۆگرتنی‮ ‬چەندین چالاكی‮ ‬هەمەچەشنە بەو بۆنەیەوە نەورۆز پیرۆز دەكەن،‮ ‬ئەمساڵیش بە هەمان شێوە ئەم بۆنەیان رێكخست لە نێوەندی‮ ‬شار بە ئامادەبوونی‮ ‬بەشێكی‮ ‬بەرچاو لە‮ ‬ڕەوەندی‮ ‬كورد و نوێنەرانی‮ ‬پارتە سیاسییەكانی‮ ‬ئەو شارە ئاگری‮ ‬نەورۆز كرایەوە و دواتر لە هۆڵێكدا لە لایەن كەسایەتی‮ ‬كورد و هۆڵەندی‮ ‬و سیاسییەكانیان تیشك خرایە سەر پیرۆزیی‮ ‬و جەژنی‮ ‬نەورۆزی‮ ‬نەتەوەیی‮ ‬كورد‮. ‬

ئاگری‮ ‬نەورۆز لە شاری‮ ‬ئەلمیرە

بەشیكی‮ ‬بەرچاولە كوردانی‮ ‬شاری‮ ‬ئەڵمیرە بەسەرپەرشتی‮ ‬عومەر زاوێتەیی‮ ‬بەرپرسی‮ ‬پارتی‮ ‬و هەڤاڵانی‮ ‬رێكخراوی‮ ‬ئەلمیرە لە كەناری‮ ‬رووباری‮ ‬هەمان شار ئاگری‮ ‬نەورۆز كرایەوە و ئەم‮ ‬یادە مێژوویی‮ ‬و نەتەوەییان لە‮ ‬یەكترپیرۆز كرد و هاوخەمی‮ ‬خۆیان دەربڕی‮ ‬بۆ داگیركردنی‮ ‬عەفرین و كەركووك كە دوو شاری‮ ‬خۆشەویستی‮ ‬كوردانن و دواتر لە هۆلێك لەنێو چەند چالاكییەكی‮ ‬هەمەڕەنگدا خوانی‮ ‬جەژنیان پێكەوە خوارد وەك پەیامێك بۆ‮ ‬یەك بوونی‮ ‬كورد و رێكخستنەوەی‮ ‬نێوماڵی‮ ‬كورد بۆ خۆی‮. ‬

ئاگری‮ ‬نەورۆز و بەرخودان لە شاری‮ ‬ئارنهێم لە هۆڵەندا

وێڕای‮ ‬بەخێرهاتنی‮ ‬ئامادەبوان،‮ ‬سەرەتای‮ ‬رێوڕەسمەكە بە خولەكێك بێدەنگی‮ ‬بۆ گیانی‮ ‬پاكی‮ ‬شەهیدانی‮ ‬رێگای‮ ‬ئازادی‮ ‬و سەربەخۆیی‮ ‬كورد و كوردستان و مارشی‮ ‬نەتەوەیی‮ ‬ئەی‮ ‬رەقیب دەستیپێكرد،‮ ‬پاشان لە نێو ئاپۆڕای‮ ‬ئامادەبوان بە بەرزكردنەوەی‮ ‬ئاڵای‮ ‬كوردستان و چڕینی‮ ‬سروودە نەمرەكەی‮ ‬پیرەمێرد و گوتنەوەی‮ ‬هەر خوێنی‮ ‬شەهیدە رەنگی‮ ‬شەفەق شەوق ئەداتەوە،‮ ‬ئاگری‮ ‬نەورۆز كرایەوە و پاشان رێگەدرا بە چەند كەسایەتییەك و پارچە شیعر بەو بۆنەیەوە بخوێننەوە،‮ ‬بەندەش وەك رۆژنامەنووسێك شەرەفی‮ ‬ئەوەم پێبەخشرا گوتەیەك پێشكەشبكەم،‮ ‬بۆ تەوارە‮ ‬یاخییەكانی‮ ‬عەفرین و كەركووكی‮ ‬داگیركرا و تێیدا بڵێم،‮ ‬ئەزانم بۆ كەژوكێوتان گرتووەتە باوەش،‮ ‬دەشزانم ئێوە چۆن خاك دەپارێزن و چۆن گەل و میللەتی‮ ‬خۆتان دەپارێزن و مرۆڤدۆستن،‮ ‬بەڵام داخم،‮ ‬زلهێزەكان تەنها و تەنها چاویان بەرژەوەندی‮ ‬خۆیان و نەوت دەبینن و گەلانی‮ ‬وەك ئێمە دەكەنە قوربانی‮ ‬و خوێن و فرمێسك دەكەنە دیاری‮ ‬كۆتایی‮ ‬جەنگەكانییان‮. ‬لە تاراوگە و لە نەورۆزی‮ ‬ئەمساڵماندا نەورۆزی‮ ‬بەرگری‮ ‬و بەرخودان هەموو بە‮ ‬یەكدەنگ و‮ ‬یەكڕەنگی‮ ‬بەڵینمان بە‮ ‬خوێنی‮ ‬شەهیداندا‮. ‬

رێوڕەسمی‮ ‬پیرۆزكردنی‮ ‬نەورۆز لە لەندەن

بە هەمان شێوەش لەنێو تەلاری‮ ‬پەرلەمانی‮ ‬بەریتانیا لە شاری‮ ‬لەندەن،‮ ‬مەراسیمی‮ ‬پیرۆزكردنی‮ ‬جەژنی‮ ‬نەتەوەیی‮ ‬كورد پیرۆزكرا بە ئامادەبوونی‮ ‬چەندین كەسایەتی‮ ‬سیاسی‮ ‬و رۆشنبیری‮ ‬ئەو وڵاتە و نوێنەرانی‮ ‬كورد و ئەنجوومەنی‮ ‬یەكێتی‮ ‬ئافرەتانی‮ ‬كوردستان بەسەرپەرشتی‮ ‬رۆشنا بزەنگە بەشداربوون لەگەڵ ئانگس مەكیی‮ ‬كۆنسولی‮ ‬بەریتانیا لە كوردستان،‮ ‬كاروان جەمال تاهیر،‮ ‬نوێنەری‮ ‬حكوومەتی‮ ‬هەرێمی‮ ‬كوردستان لە بەریتانیا و خاتوو بارونێس نیكسۆن،‮ ‬نوێنەری‮ ‬بازرگانی‮ ‬سەرۆكوەزیرانی‮ ‬بەریتانیا لە عێراق،‮ ‬جان لۆبۆك رۆژنامەنووس و فیلمساز‮. ‬

ئاگری‮ ‬نەورۆز لە شاری‮ ‬بەرلین لە ئەڵمانیا

كۆمەڵگەی‮ ‬كوردی‮-‬ئەڵمانیا بە هاوكاری‮ ‬نوێنەرایەتی‮ ‬ویلایەتی‮ ‬نیدەرزاگسن لە حكوومەتی‮ ‬فیدراڵ لە شاری‮ ‬بەرلینی‮ ‬پایتەختی‮ ‬ئەڵمانیا ئێوارە ئاهەنگێكی‮ ‬بە بۆنەی‮ ‬جەژنی‮ ‬نەورۆز رێكخست كە چەندین كەسایەتی‮ ‬سیاسی‮ ‬لە پارتە سیاسییەكانی‮ ‬ئەڵمانیا و وەزیر و ئەندام پەرلەمان و چالاكوانان و نوێنەری‮ ‬رێكخراوە مەدەنییەكان ئامادەبوون،‮ ‬لە بەشێكی‮ ‬ئاهەنگەدا فەوزی‮ ‬ئەسعەد بە نوێنەرایەتی‮ ‬پارتی‮ ‬دیموكراتی‮ ‬كوردستان گوتارێكی‮ ‬گرنگی‮ ‬بە زمانی‮ ‬ئەڵمانی‮ ‬پێشكەش بە ئامادەبووان كرد كە وێڕای‮ ‬پیرۆزبایی‮ ‬جەژنی‮ ‬نەورۆز لە ئامادەبووان تیشكی‮ ‬خستەسەر ئەنجامدانی‮ ‬پڕۆسەی‮ ‬ریفراندۆم بۆ سەربەخۆیی‮ ‬كوردستانی‮ ‬باشوور و لێكەوتە و دەرئەنجامەكانی‮ ‬و‮ ‬ڕێزنەگرتنی‮ ‬ئیرادەی‮ ‬خەڵكی‮ ‬كوردستان لە لایەن داگیركەرانی‮ ‬كوردستان و بێدەنگی‮ ‬كۆمەڵگەی‮ ‬نێودەوڵەتی‮ ‬دەرحەق بەو پێشێلكاریی‮ ‬و سزادانی‮ ‬بە كۆمەڵەی‮ ‬گەلی‮ ‬كوردستان‮.‬

لە نێو ئاگری‮ ‬نەورۆزدا ئامادەبووان خەبات لە ئامێز دەگرن

دواتر كەسایەتی‮ ‬چین و توێژەكانی‮ ‬هەر چوارپارچەی‮ ‬كوردستان بۆ خەبات دوان،‮ ‬سەرەتا دكتۆر فەلاح ئەبوبەكر گوتی‮: ‬بڵێسەی‮ ‬ئاگری‮ ‬نەورۆز لە دایكی‮ ‬شەهیدان پیرۆزبێت و ئەوە نزیكەی‮ ‬زیاتر لە بیست ساڵە لەم شارەدا ئاگری‮ ‬نەورۆز دەكرێتەوە و ئەو شەرەفە بەمن بەخشراوە كە ئامادەكاری‮ ‬بۆ بكەم،‮ ‬ئەمساڵ جیاواز لە ساڵانی‮ ‬رابردوو ئامادەكارییمان كرد بە هاوكاری‮ ‬كۆمەڵە كوردییەكانی‮ ‬سنووری‮ ‬شاری‮ ‬ئارنهێم و دەوروبەری‮ ‬لە كۆمەڵەی‮ ‬برایەتی‮ ‬و كۆمەڵەی‮ ‬هێڤی‮ ‬و كۆمەڵەی‮ ‬نارین و كۆمەڵەی‮ ‬كۆچكا كوردستان،‮ ‬بە دەست لەملكردنی‮ ‬ئامادەبوونی‮ ‬خێزانە بەڕێزەكان و پیرۆزباییكردن لە‮ ‬یەكتر تا شەوێكی‮ ‬درێژ لە دەوری‮ ‬ئاگرەكە ماینەوە‮. ‬خاتوو ئامینە سنجاری‮ ‬گوتی‮: ‬بە هیوام ئاگركردنەوەی‮ ‬ئەمساڵ و پیرۆزكردنی‮ ‬بۆ سەربەخۆیی‮ ‬كوردستان و گەڕانەوەی‮ ‬شكۆی‮ ‬نەتەوەییمان بێت و شنگال بە ئاوەدانی‮ ‬و پێكەوەژیان ببینینەوە بە رۆڵە سەربەرزەكانییەوە،‮ ‬هەروەها شێرزاد‮ ‬یونس رۆژبەیانی،‮ ‬بەرپرسی‮ ‬پەیوەندییەكانی‮ ‬پارتی‮ ‬گوتی،‮ ‬داخی‮ ‬گرانم نەورۆزی‮ ‬ئەمساڵمان لە بیدەنگی‮ ‬و خەمێكی‮ ‬گەورەی‮ ‬عەفرین و كەركووكدا بووین و تەنها ئاگركردنەوە پەیامی‮ ‬مانەوەمان بوو كە دوژمنان دڵی‮ ‬خۆیان خۆش نەكەن و هەمیشە كورد لە تینی‮ ‬ئاگری‮ ‬نەورۆز وزەی‮ ‬هەستانەوەی‮ ‬پێ بەخشراوە بە چەكوشەكەی‮ ‬كاوە سەری‮ ‬خۆیان پاندەكەنەوە،‮ ‬بەرپرسی‮ ‬ماڵی‮ ‬كۆچكا باكووری‮ ‬كوردستان باران بۆسكانی‮ ‬گوتی‮: ‬بەداخەوە پیرۆزكردنی‮ ‬نەورۆزی‮ ‬ئەمساڵمان لە رەوشێكی‮ ‬خراپدا پیرۆزكرد كە دەبینین دوژمنانی‮ ‬كورد بە هەموو شێوەیەك دەیانەوێت كورد جینۆساید و بێدەنگ بكەن لە خواستی‮ ‬گەورەی‮ ‬سەربەخۆبوونی،‮ ‬بەڵام ئێمە بێدەنگ نابین و ئاگرمان كردەوە‮. ‬پاشان خاتوو چیمەن نەقشبەندی‮ ‬گوتی‮: ‬پێم سەیرە دوژمن كەوتووەتە پەلەقاژە بۆ نەمانی‮ ‬كورد و سڕینەوەی‮ ‬دەستكەوتەكانی‮ ‬لە ئاكامی‮ ‬دەریایەك خوێن و فرمێسك بەدەستیهێناون لە خەبات و قوربانییەكی‮ ‬درێژخایەن،‮ ‬بەرپرسی‮ ‬پارتی‮ ‬دیموكراتی‮ ‬كوردستان لە رۆژئاوا محێدین باڤی‮ ‬سرور گوتی‮: ‬سڵاو لە خۆڕاگری‮ ‬عەفرین و كەركووكی‮ ‬بریندار و داگیركراومان و سەری‮ ‬ڕێز و حورمەت بۆ شەهیدە سەربەرزەكانمان كە لە پێناوی‮ ‬كوردبوون گیانی‮ ‬خۆیان كردە قوربانی‮ ‬خاك و سەربۆخۆیی‮ ‬كوردستان،‮ ‬بە دایكی‮ ‬شەهیدان بەڵێن دەدەین وەفادار بین بە خوێنی‮ ‬شەهیدەكانیان لە خەبات و تێكۆشان بەردەوامبین‮. ‬بەرپرسی‮ ‬پەیوەندییەكانی‮ ‬پاك لە لەندەن فەرماندە‮ ‬یوسف بهرامی‮ ‬گوتی‮: ‬خۆشحاڵم لە نێو هەڤاڵانی‮ ‬پاك و تەواوی‮ ‬كوردانی‮ ‬پارچەكانی‮ ‬تری‮ ‬كوردستان میوان بووم و ئاگری‮ ‬نەورۆزم پیرۆزكرد،‮ ‬گوتیشی‮: ‬وەڵامیك بوو بۆ دوژمنان هیچ كات ناتوانن كورد بێدەنگ بكەن لە ئاست خواستی‮ ‬نەتەوەییمان و سەربەخۆیی‮ ‬كوردستان‮. ‬كەریم عەبدوڵڵا مارف،‮ ‬پێشمەرگەی‮ ‬دێرین و خەڵكی‮ ‬سلێمانی‮ ‬گوتی‮: ‬لاپەڕەكانی‮ ‬مێژووی‮ ‬نەورۆز پڕن لە سەركەوتن و هێمابوون بۆ بەرخودانی‮ ‬گەلی‮ ‬كورد و هەستانەوەی‮ ‬لە بندەستی‮ ‬و داگیركاری‮ ‬ئەمەی‮ ‬كە روویدا لەم قۆناغەی‮ ‬خەباتی‮ ‬كورددا پێموایە ناكرێ لە ئاستیدا بێدەنگ و بێ دەسەڵات بین،‮ ‬دەبێت ئاگری‮ ‬خەبات و تێكۆشانمان بەردەوام بێت بە‮ ‬یەك بوونی‮ ‬كورد بۆ كورد،‮ ‬فەلاح رەشید نوێنەری‮ ‬پارتی‮ ‬لەو شارە وێڕای‮ ‬نەخۆشكەوتنی‮ ‬و ناساخی‮ ‬تەندروستی‮ ‬بەهێز و توانایەكی‮ ‬لەبن نەهاتوو بۆ كوردایەتی‮ ‬و پیرۆزكردنی‮ ‬ئەم‮ ‬ڕۆژە پیرۆزە بەشدار بوو،‮ ‬پەیامی‮ ‬خۆی‮ ‬گەیاند و هاوخەمی‮ ‬گەلی‮ ‬خۆیەتی‮ ‬و داوای‮ ‬كرد كورد‮ ‬یەكبگرن،‮ ‬لە كۆتایشدا برای‮ ‬شەهید مەحفوز نێروەیی‮ ‬گوتی‮: ‬دوژمن پێیوایە ئێمەی‮ ‬خاوەن شەهید و قوربانییەكی‮ ‬زۆر لە ماڵوێرانی‮ ‬لە لاپەڕە خوێناوییەكانی‮ ‬شۆڕش و بەرخودانمان بێدەنگ دەبین و چاو لە خەمی‮ ‬نیشتمان ناكەین،‮ ‬بە بەرچاوی‮ ‬دنیاوە سەركوتمان دەكەن و دەمانكوژن،‮ ‬بەڵام هەمیشە ئاگری‮ ‬نەورۆز بووەتە سووتاندنی‮ ‬جەستەی‮ ‬داگیركاران‮. ‬

 
چاپکردن   Share گه‌ڕانه‌وه‌