2018-02-14

ئازاد جندیانی
 
دوو‮ ‬ڕێگامان لەبەردەمدایە،‮ ‬خۆبەدەستەوەدان و زەلیلی،‮ ‬لەبەرامبەریشدا خۆبەدەستەوە نەدان و سەرفرازی‮، ‬زۆر لەو وڵاتانەی‮ ‬جیهان كە كوردیان بە دۆستی‮ ‬خۆیان ناوئەبرد و كوردیش بەردەوام ئەو داستانەیان دووبارە ئەكردەوە كە ئەو وڵاتانە،‮ ‬نەك هەر دۆست بەڵكو هاوپەیمانیشمانن‮. ‬لەوانە ئەمەریكا و بەریتانیا وەك دوو زلهێزی‮ ‬دنیاو توركیاو ئێرانیش وەك دوو وڵاتی‮ ‬ناوچەیی‮، ‬لە ریفراندۆمەوە هانمان ئەدەن،‮ ‬ئامۆژگاریمان ئەكەن و لەوەش پتر گووشارمان ئەخەنە سەر تا‮ ‬ڕێگەی‮ ‬خۆبەدەستەوادان لەبەرامبەر بەغدا بكەینە بژاردە‮.

‬بەداخەوە لەناوخۆی‮ ‬كوردستانیشدا بانگەشەكەرانی‮ ‬خۆبەدەستەوەدان لەئاستی‮ ‬حزب و گرووپ و سیاسەتمەدارانیش كەم نین كە بۆ خۆبەدەستەوەدان دنەمان ئەدەن،‮ ‬بەتایبەت هاووڵاتیان دنەئەدەن،‮ ‬بەو جۆرەی‮ ‬كە تەنیا‮ ‬یەك‮ ‬ڕێگەمان لەبەردەم ئەهێڵنەوە ئەویش خۆبەدەستەوەدانە‮، ‬هیچ ئەگەرێكیان لەبەردەم كورد نەهێشتۆتەوە تەنیا خۆبەدەستەوەدان نەبێ‮، ‬لەناوخۆدا بەتایبەت بابەتی‮ ‬مووچەی‮ ‬ڕەوای‮ ‬هاووڵاتیانیان كردبووە بیانوو،‮ ‬خەڵكی‮ ‬كوردستانیان هێنابووە هەلەكە سەما بەوەی‮ ‬كە ئەگەر‮ ‬خۆبەدەستەوە بدەین‮ ‬ئەوا عەبادی‮ ‬مووچەكان ئەنێرێ،‮ ‬لەڕاستیشدا ئەو هێزو لایەنە ناوخۆییانە توانیان بە بەكارهێنانی‮ ‬قووتی‮ ‬خەڵك و ناگزوریەكانی‮ ‬هاووڵاتیان و خێزانەكوردستانیەكان سەركەوتووبن لەوەی‮ ‬تا رادەیەكی‮ ‬زۆر‮ ‬ڕای‮ ‬گشتی‮ ‬كوردستان چەواشە بكەن،‮ ‬بە ئەندازەیەك سێ مانگێك لەمەوبەر لەسۆسیال میدیادا سەدان كۆمێنت و دروشمی‮ ‬هاووڵاتیانی‮ ‬برسی‮ ‬كوردستانمان ئەبینی،‮ ‬نەك بە كوردی‮ ‬بەڵكو بە زمانێكی‮ ‬شڕی‮ ‬عەرەبی‮ ‬كەوتبوونە مەدح و سەنای‮ ‬عەبادی‮ ‬و وەك فریادڕەس ناودێریان ئەكرد‮.

‬وێڕای‮ ‬سەخڵەت بوونم لەو جۆرە كاردانەوەیەی‮ ‬هاووڵاتیان بەڵام ناهەقم نەئەگرتن،‮ ‬چونكە گووشارێكی‮ ‬زۆری‮ ‬ژیان و هاوكات گوشارێكی‮ ‬زۆری‮ ‬میدیاو سیاسەتمەدارو پەرلەمانتارو ئەم و ئەویان لەسەر بوو،‮ ‬كە دواجار تەنیاو تەنیا چاویان لەدەستی‮ ‬عەبادی‮ ‬بێ مووچەكانیان پێ كەرەم بكا‮، ‬ ئێستا،‮ ‬دوای‮ ‬ئەم هەموو ماوەیە هێشتا عەبادی‮ ‬فلسێكی‮ ‬مووچەی‮ ‬نەناردووە،‮ ‬زۆر لە ئاگاداران و شارەزایانیش،‮ ‬بە بەشێك لەپەرلەمانتارانی‮ ‬كورد لەبەغداشەوە بەودەرەنجامە گەیشتن كە سەرۆك وەزیرە شۆڤێنیە لووتبەرزەكەی‮ ‬بەغدا،‮ ‬دەستی‮ ‬دەستی‮ ‬بە خەڵكی‮ ‬كوردستان ئەكاو هاوكات دەستی‮ ‬ئەو گرووپ و لایەنانەشی‮ ‬بڕی‮ ‬كە لە گرتنەوەی‮ ‬كەركووكدا هاوكاری‮ ‬بوون و كورد وتەنی‮ ‬ئەوانیش بوونە‮ ‬مازوكەری‮ ‬كون دەپاشۆڵێ‮.

‬ لەولاشەوە ئەمەریكاو بەریتانیا،‮ ‬تا ئەم ساتە وەختەش هەر هانمان ئەدەن كە خۆمان بخەینە باوەشی‮ ‬بەغداو‮ ‬ڕێگاكەمان هەر ئەوێیە،‮ ‬توركیاو ئێرانیش،‮ ‬بە تایبەت ئێران كە لەم‮ ‬عێراقە خاوەن سەروەریەدا‮ ‬بێ ئەو بڕیارێكی‮ ‬سیاسی‮ ‬نادرێ گووشارێكمان لێی‮ ‬نەبینی‮ ‬بۆسەر بەغدا تا عەبادی‮ ‬بڕیاری‮ ‬مووچەكە جێ بەجێ بكا‮، ‬ ئێستا،‮ ‬وەك گۆرانیە كوردیەكە ئەڵێ‮ ‬لەیلێ زەمان گۆڕاوە‮ ‬و تۆنی‮ ‬لێدوانی‮ ‬ناوخۆ‮ ‬هێندێكیان‮‬،‮ ‬بەتایبەت دوای‮ ‬كۆبوونەوە دوورودرێژەكانی‮ ‬فراكسیۆنەكانی‮ ‬كوردستان لە بەغدا لەگەڵ عەبادی،‮ ‬بەو ئاراستەیە گۆڕانی‮ ‬پێوەدیارە كە دەست لەبەڵێنەكانی‮ ‬سەرۆك وەزیرانی‮ ‬بەغدا بشۆین‮، ‬هیوادارم ئەو لێدوانانە‮ ‬هی‮ ‬هێندێكیان‮ ‬بەشێك نەبێ لەبانگەشەی‮ ‬پێش وەختەی‮ ‬هەڵبژاردن و بەڕاستیان بێت و چیتر كورد دنەنەدەن بۆ هەڵبژاردەی‮ ‬خۆبەدەستەوەدان،‮ ‬بە تایبەت كە بینیمان هیچی‮ ‬لێ شین نەبۆتەوە،‮ ‬نە مووچە هاتووەو نە فرۆكەخانەكان كراونەتەوە و سەرباری‮ ‬ئەوەش تەعریبكردن و سوكایەتیكردن بە كورد بەتوندی‮ ‬بەردەوامە‮.

‬ ئەو وڵاتانەی‮ ‬لەسەرەوە ناومان بردن و لەگەڵیاندا نەتەوە‮ ‬یەكگرتووەكانیش بەردەوامن لەسەر دەرسدادانمان بۆ شارەزابوون لەسەر خۆبەدەستەوەدان و ئامۆژگاریەكانیان،‮ ‬لەپاڵ هەڕەشەكانیاندا،‮ ‬فێرمان ئەكەن چۆن سەركەوتووبین لە خۆبەدەستەوەدان‮. ‬لێرەدا ئەمەوێ بەو وڵاتانە بڵێم،‮ ‬كە خۆبەدەستەوەدان هونەرێكی‮ ‬گەورەو مەزن و ئاڵۆز نیە و ئەمە هاوكاری‮ ‬كردنی‮ ‬كورد نیە كە فێری‮ ‬خۆبەدەستەوە دانمان بكەن،‮ ‬جگە لەوە ئەمە لە‮ ‬یادەوەری‮ ‬كورددا بە پیاوەتی‮ ‬و چاكە بۆ كەسیان تۆمارناكرێ‮.

‬ پێم وایە،‮ ‬ئیتر وەختی‮ ‬ئەوە هاتووە كە كورد بە هەموو حزب و میدیاو دەستەبژێرو كارەكتەرە سیاسیەكانیەوە،‮ ‬بێ لەبەرچاوگرتنی‮ ‬قازانج و زیانی‮ ‬هەڵبژاردنەكان،‮ ‬بكەونە خۆو دەرسی‮ ‬خۆبەدەستەوەنەدانمان فێر بكەن،‮ ‬بە تایبەت‮ ‬ڕووی‮ ‬دەمم ئەكەمە میدیاكان و میدیاكارانی‮ ‬خۆشەویست،‮ ‬كە وەختی‮ ‬ئەوە هاتووە قەرەبووی‮ ‬ماوەی‮ ‬ڕابردوویان بكەنەوەو دەرگا لەسەر هونەری‮ ‬خۆبەدەستەوەدان كڵۆم بكەن و دەرگای‮ ‬باس و خواسی‮ ‬میدیایی‮ ‬لەسەر‮ ‬ڕێگای‮ ‬ڕاست،‮ ‬كە‮ ‬ڕێگای‮ ‬خۆبەدەستەوەنەدان‮ ‬ە بكەنەوەو فێری‮ ‬هونەری‮ ‬سەرفرازی‮ ‬و سەربەرزیمان بكەن‮.
 
‬ تێبینی‮/ ‬چونكە كتێبێكی‮ ‬هاوڕێم‮ ‬بابەكر دڕەیی‮ ‬بە ناوی‮ ‬كام‮ ‬ڕێگا؟‮ ‬ساڵانێكە بڵاوبۆتەوە،‮ ‬بۆیە بە باشم زانی‮ ‬بەو شێوەزارە موكریە ناونیشانەكە دابڕێژم‮. ‬

 
چاپکردن   Share گه‌ڕانه‌وه‌