خه‌بات: بەرهەم شێخ عزەدین

رۆژنامەنووس مەنسوور جیهانی‮ ‬لە‮ ‬یۆتۆبۆریەوە بەخەباتی‮ ‬گوت‮: ‬بەنمایشی‮ ‬بەرهەمی‮ ‬سینەماكارانی‮ ‬كورد،‮ ‬لەوانە‮، ‬فیلمی‮ ‬دیكۆمێنتاریی‮ ‬لەسەر ژیانی‮ ‬سینەماكاری‮ ‬هەرمانی‮ ‬كورد‮ "‬یەڵماز گۆنای‮" ‬Yilmaz Güney بە ناونیشانی‮ "‬ئەفسانەی‮ ‬پاشا ناشیرینەكە‮" ‬The Legend of the Ugly King لە دەرهێنانی‮ "‬حوسێن تەباك‮" ‬سینەماكاری‮ ‬كوردی‮ ‬دانیشتووی‮ ‬وڵاتی‮ ‬ئەڵمانیا و لە بەرهەمهێنانی‮ "‬مەمەد ئەكتاش‮" ‬سینەماكاری‮ ‬كوردی‮ ‬دانیشتووی‮ ‬وڵاتی‮ ‬ئەڵمانیا لە بەشی‮ "‬سینەمای‮ ‬كلاسیك‮"‬،‮ ‬فیلمی‮ ‬سینەمایی‮ "‬ئاماتۆرەكان‮" ‬Amateurs بە رۆڵ بینینی‮ ‬خاتوو‮ "‬پەرژین عەبدوالڕەحمان‮" ‬خانمە ئەكتەری‮ ‬كوردیی‮ ‬دانیشتووی‮ ‬وڵاتی‮ ‬سوید و لە دەرهێنانی‮ ‬خاتوو‮ "‬گابریلا پیچلێر‮" ‬Gabriela Pichler لە وڵاتی‮ ‬سوید لە بەشی‮ "‬پێشبڕكێی‮ ‬نۆردیك‮" ‬Nordic واتە وڵاتانی‮ ‬ناوچەی‮ ‬ئێسكاندیناڤیا،‮ ‬فیلمی‮ ‬دیكۆمێنتاریی‮ "‬دۆزەرەوەی‮ ‬مین‮" ‬The Deminer ‮ ‬لە دەرهێنانی‮ "‬هۆگر هیرۆری‮" ‬سینەماكاری‮ ‬كوردی‮ ‬دانیشتووی‮ ‬وڵاتی‮ ‬سوید و لە نووسینی‮ ‬سیناریۆی‮ "‬شنوار كەماڵ‮" ‬لە بەشی‮ "‬پێشبڕكێی‮ ‬دیكۆمێناریی‮ ‬نۆردیك‮"‬،‮ ‬فیلمی‮ ‬سینەمایی‮ "‬یۆڵ‮" ‬ڕێگا‮ ‬YOL‮‬ لە دەرهێنانی‮ "‬یەڵماز گۆنای‮" ‬سینەماكاری‮ ‬كوردی‮ ‬هەڵگری‮ ‬خەڵاتی‮ ‬چڵەبەڕووی‮ ‬زێڕینی‮ ‬فستیڤاڵی‮ ‬نێودەوڵەتی‮ ‬فیلمی‮ "‬كان‮"‬ی‮ ‬فەڕەنسا،‮ ‬فیلمی‮ ‬سینەمایی‮ "‬ئیسرافیل‮" ‬لە نووسینی‮ ‬هاوبەشی‮ "‬ئەرسەلان ئەمیری‮" ‬سینەماكاری‮ ‬سنەیی‮ ‬و خاتوو‮ "‬ئایدا پەناهەندە‮" ‬و لە دەرهێنانی‮ ‬خانمە سینەماكاری‮ ‬ئێرانی‮ "‬ئایدا پەناهەندە‮" ‬بەشی‮ "‬پێشبڕكێی‮ ‬نێودەوڵەتی‮" ‬و كورتە فیلمی‮ ‬21 خولەكی‮ "‬بۆ منداڵانی‮ ‬من‮" ‬To My Children ‮ ‬لە دەرهێنانی‮ "‬شوان دلێر قەرەداغی‮" ‬سینەماكاری‮ ‬كوردی‮ ‬دانیشتووی‮ ‬وڵاتی‮ ‬نۆڕوێژ لە بەشی‮ "‬نەتەوەكان و ناسیۆنالیزم‮" ‬چل و‮ ‬یەكەمین‮ ‬فستیڤاڵی‮ ‬نێودەوڵەتی‮ ‬فیلمی‮ "‬یۆتۆبۆری‮" ‬Göteborg لە وڵاتی‮ ‬سوید بەڕێوەچوو‮.‬

فستیڤاڵی‮ ‬نێودەوڵەتی‮ ‬فیلمی‮ "‬یۆتۆبۆری‮" ‬كە بە گەورەترین‮ ‬ڕووداویی‮ ‬سینەمایی‮ ‬لە نێوان وڵاتانی‮ ‬ناوچەی‮ ‬ئێسكاندیناڤیا دێتە ئەژمار،‮ ‬لە ساڵی‮ ‬1979 بە نمایشی‮ ‬17 فیلمی‮ ‬سینەمایی‮ ‬لە‮ ‬3 هۆڵی‮ ‬سینەما و بە بەشداریی‮ ‬3 هەزار بینەر لە شاری‮ ‬یۆتۆبۆری‮ ‬لە وڵاتی‮ ‬سوید دامەزراوە و ساڵانی‮ ‬رابردووش ژمارەی‮ ‬فیلمەكان و هۆڵی‮ ‬سینەماكانی‮ ‬زیادی‮ ‬كردووە و رێژەی‮ ‬بینەرانی‮ ‬گەیشتۆتە‮ ‬115 هەزار كەس‮. ‬چل و‮ ‬یەكەمین خولی‮ ‬فستیڤاڵی‮ ‬نێودەوڵەتی‮ ‬فیلمی‮ "‬یۆتۆبۆری‮" ‬بە بەڕێوەبەرایەتیی‮ ‬هونەریی‮ "‬یۆناس هۆلمبێرگ‮" ‬Jonas Holmberg و بە بەشداریی‮ ‬399 فیلم لە دەرهێنانی‮ ‬سینەماكارانی‮ ‬78 وڵاتی‮ ‬جیهان‮.‬